Хэрэгүүд 16:9 - Библи

⁹ Македониин эрэ урдань зогсожо: «Македони ерэжэ, манда туһалыт даа!» – гэһэн үзэгдэл Павел тэрэ һүниндөө хараба.

Шэнэ Хэлсээн

⁹ Македониин эрэ хүн урдань зогсожо: «Македони ерэжэ, манда туһалыш даа!» – гэһэн үзэгдэл Павел тэрэ һүниндөө хараба.

Хэрэгүүд 16:9 Referencias Cruzadas

Хэрэгүүд 10:3

Нэгэтэ үдын гурбан саг багаар үзэгдэл харагдаба. Бурханай Эльгээмэл орожо: – Корнелий, – гэжэ дуудахыень элеэр дуулаба.

Хэрэгүүд 10:30

– Гурбан үдэрэй урда тээ эгээл энэ сагта, үдын гурбан сагай багаар би гэртээ Бурханда зальбаржа байгаа һэнби. Гэнтэ ялалзаһан хубсаһатай хүн урдамни зогсоод:

Хэрэгүүд 16:10

Энэ үзэгдэлэй һүүлдэ Бурхан бидэниие Һайн Мэдээсэл номнохыемнай дуудаба гэжэ тухайлан, тэрэ бэеэрээ Македони ошохоёо түхеэрбэбди.

Хэрэгүүд 16:12

Тэндэһээ Македониин нэгэ аймагай түб хотодо, римэй колониин Филипп хото хүрэжэ ерээбди. Энэ хотодо бидэ хэдэн үдэр хоноо һэмди.

Хэрэгүүд 18:5

Сила Тимофей хоёрой Македониһоо ерэхэдэнь, Павел Һайн Мэдээсэл номнолгодо өөрыгөө бүрин зорюулжа, Иисүүс гээшэмнай Бурханай табисуурта гэжэ еврейнүүдтэ баталан гэршэлжэ байгаа.

Хэрэгүүд 19:21

Эдэ ябадалнуудай һүүлдэ Павел Македониин ба Ахайяын нютагуудаар ябажа, Иерусалим ошохо гэжэ шиидэбэ. – Удаань би Рим хүрэхэ ёһотойб, – гэжэ Павел хэлэбэ.

Хэрэгүүд 19:22

Тэрэ Тимофей Эрааст хоёр туһалагшадаа Македони эльгээжэ, өөрөө халта зуура Аси можодо үлэбэ.

Хэрэгүүд 19:29

Хотынхид үймөө татажа, Павелай замай нүхэд болохо Македониин Гай Аристарх хоёрые театр руу шэрэбэ.

Хэрэгүүд 20:1

Үймөөнэй үнгэрһэн хойно Павел шабинараа суглуулжа зоригжуулаад, тэдэнтэйгээ хахасажа, Македони ошобо.

Хэрэгүүд 20:3

тэндэ гурбан һара байба. Элладаһаа Сири тамаран ошохо һанаатай байхадань, еврейнүүд эсэргүү нюуса хэлсээ зохёобо гэжэ мэдэхэдээ, Павел дахин Македонёор ябаад, һөөргөө бусаха гэжэ шиидэбэ.

Хэрэгүүд 27:2

Асиин эрье зубшан тамарха ёһотой Адрамиттиһаа ерэһэн корабльда бидэ һуугаад тамарбабди. Маанадай дунда Фессалоникиһаа уг гарбалтай Аристарх гэжэ македон хүн байлсаа.

Хэрэгүүд 9:38

Тэрэ үедэ Пётр элшэн Лиддада ерээд байгаа. Лидда хотын Яафаһоо холо бэшэ хадань һүзэглэгшэд түргэхэн манда хүрэжэ ерыт даа гэһэн гуйлтатайгаар хоёр хүниие Пётрто эльгээбэ.

Коринфынхидтэ 2-дохи 11:9

Хамта байхадаа, мүнгөөр дуталдаха сагтаашье таанадта ашаан болодоггүй һэм. Македониһоо ерэһэн һүзэглэгшэд намда хэрэгтэй юумэ асаржа үгөө һэн. Урдань таанадые дарамталхагүй гэжэ оролдодог хэбээрээл саашадаашье байхаб.

Коринфынхидтэ 2-дохи 7:5

Юундэб гэхэдэ, Македонишье ерээд, бидэ амархые мэдээгүй һэмди. Тэндэ маанадтай элдэб янзын бэрхэшээлнүүд ушараа, бидэ дайсадтайгаа тулалдажа, досоогоо айн һүрдөөбди.

Коринфынхидтэ 2-дохи 8:1

Аха дүүнэрнай, Бурханай үршөөл хайра Македониин һүзэглэгшэдэй бүлгэмүүдтэ ямар юумэ бүтээһые таанадта дуулганабди.

Коринфынхидтэ 2-дохи 9:2

Туһалха дуратай байһан тухайтнай би мэдэнэб, тиин Македониин зоной урда би таанадаар бахархаа хүм. «Ахайяын һүзэглэгшэд үнгэрһэн жэлһээ хойшо туһаламжа үзүүлхэдэ бэлэн байна», – гэжэ би хэлээ хүнби. Тиигэжэ танай зүдхэмжэ тэдэнэй олонииень үргэл хэхэдэ баһал нүлөөлөө.

Хуули дабталга 30:13

Далайн саана тэдэ байна бэшэ. «Хэн далайе гаталан, маанадта тэдэниие асаржа, шагнуулжа, бидэниие сахин дүүргүүлдэг болгохо гээшэб?» – гэжэ хэлэхын аргагүй.

Фессалоникиинхидтэ 1-дэхи 4:10

Таанад Македонидо ажаһуугаа бүхы һүзэглэгшэдтэ дуратайт. Аха дүүнэрнай, бүришье ехээр бэе бэедээ дуратай байгты гэжэ таанадые гуйнабди.