Хэрэгүүд 15:8 - Библи

⁸ Хүнүүдэй һанал бодол мэдэдэг Бурхан бидэндэ үгэһэндөөл адляар тэдэндэ Арюун Һүлдэ үгэхэдөө, Өөрынгөө үршөөл хайра баһа бусад арадуудта хайрлаба гээшэ.

Шэнэ Хэлсээн

⁸ Хүнүүдэй һанал бодол мэдэдэг Бурхан бидэндэ үгэһэндөөл адляар тэдэндэ Нангин Һүлдэ үгэхэдөө, өөрынгөө үршөөл хайра баһа бусад арадуудта үршөөбэ гээшэ.

Хэрэгүүд 15:8 Referencias Cruzadas

3 Хаан түрэнүүд 8:39

Оршодог газар – огторгойн уудамһаа тэдэнэй гуйлта дуулажа, тэдэниие хүлисэжэ, хэһэн хэрэгэйнь хэмээр хүн бүхэндэ хэһээлтыень амсуулжа, ашыень харюулыт. Хүнэй зүрхэ сэдьхэлдэ юун байһые гансал Та мэдэнэ ха юмта.

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

1 Угай бэшэг 29:17

Минии Бурхан мэдэнэб, Та үнэн зүрхэнһөө дурланат, сэдьхэлһээ туршанат; би сэбэр сэдьхэлһээ эдэ бүхые үргэнэб, минии хараһаар Танай арад Тандаа баясан, үргэл үргөөл.

Ерэмияа 11:20

Түмэн Сэрэгтэ Эзэн! Та үнэн зүбөөр шүүбэрилнэт. Зоной зүрхэ сэдьхэл, һанаан бодол шалган туршадагта. Би Танда зарга хэрэгээ даалгааб. Тиимэһээ тэдэнһээ үһөөгөө абахыетнай би хараһуулби, зүбшөөгыт.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Ерэмияа 20:12

Та, Түмэн Сэрэгтэ Эзэн, зониие үнэн зүбөөр шалган байнат. Зүрхэ сэдьхэлдэнь, ой ухаандань юунэй байгаашые мэдэнэт. Дайсадһаамни үһөөгөө абажа байхыетнай харахамни болтогой! Ушарынь гэбэл, хэрэгээ Танда даалгаа бшууб.

Иоанн 21:17

Иисүүс тэрээнһээ гурбадахияа: – Иоаннай хүбүүн Симон, ши Намда дуратай гүш? – гэжэ һураба. Намда дуратай гүш гэжэ Иисүүсэй гурбадахияа һурахадань, Пётрой досоо уйдхартай байба. – Эзэн, Та бултыень мэдэнэт. Танда минии дуратайе мэдэнэ ха юмта, – гэжэ Иисүүстэ Пётр харюусаба. Иисүүс тэрээндэ: – Минии хонидые харууһалжа бай.

Иоанн 5:37

Намайе эльгээһэн Эсэгэ тиигэжэ Нам тухай Өөрөө гэршэлнэ. Эсэгымни үгэ хэлэхые таанар хэзээдэшье дуулаа шагнаагүйт, Өөрыень таанар хэзээдэшье хаража үзөөгүйт.

Хэрэгүүд 1:24

– Эзэн, аа! Та хүнүүдэй һанал бодолые мэдэнэт. Тиимэһээ байха ёһотой газартаа ошохын тула албаяа хэхэеэ болиһон Иудын орондо алба хэжэ, элшэн болохыень эдэ хоёрой хэниие шэлэжэ абаһанаа бидэндэ харуулыт, – гэжэ суглараашад зальбарба.

Хэрэгүүд 10:47

– Эдэ хүнүүд бидэндэл адляар Арюун Һүлдые тогтоон абаа. Тиимэһээ мүнөө эдэнэй уһаар арюудхуулхада юун һаалта болохоб? – гэжэ Пётр хэлэбэ.

Хэрэгүүд 14:3

Гэбэшье Павел Барнааба хоёр нилээд удаан саг соо тэндэ байжа, Эзэн тухай зоригтойгоор номнобо. Харин Эзэн Өөрынгөө талаһаа Бурханай үршөөл хайра тухай номнолыень баталан, тэдэндэ гайхамшагта хэрэгүүдые болон дүлгэ тэмдэгүүдые үзүүлхэ арга олгожо байба.

Хэрэгүүд 15:28

Онгонуудта үргэжэ бузарлагдаһан хоол, боожо алаһан амитадай шуһа, мяха амсангүй, забхайрангүй байгаарайгты. Энээнһээ гадна ондоо захиралта таанадта үгэхэгүй гэжэ Арюун Һүлдэ болон бидэнэр шиидэбэбди. Дээрэ дурдагдаһан юумэнүүдые сахижа байбал, бүхы юумэн һайн байха. Баяртай!»

Хэрэгүүд 2:4

Тиихэдэнь булта Арюун Һүлдөөр дүүрэн, Һүлдын хүсөөр элдэб хэлэнүүд дээрэ дуугаралдаба.

Хэрэгүүд 4:31

Иигэжэ зальбарһанайнь һүүлдэ сугларһан байрадань газар хүдэлжэ, тэдэнэр булта Арюун Һүлдөөр дүүрээд, Бурханай Үгэ айлтагүйгөөр номножо оробо.

Еврейнүүдтэ 2:4

Бурхан тэрэ гэршэлгэдэ элдэб янзын гайхамшагта үзэгдэлнүүдые болон дүлгэ тэмдэгүүдые нэмэн харуулжа, Өөрынгөө һайн дураар Арюун Һүлдэ хайрлаа.

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.

1 Хаан түрэнүүд 16:7

Теэд Эзэн Самуилда айладхан: – Тэрэнэй түхэл маяг болон нюргаар үндэрыень бү хара. Би тэрэниие тоохогүйб. Юуб гэхэдэ, Эзэн хүндэл адляар харадаггүй. Хүн нюурыень лэ харадаг, Эзэн зүрхэ сэдьхэлыень харадаг гээшэ, – гэбэ.