Хэрэгүүд 15:20 - Библи

²⁰ Харин онгонуудта үргэжэ бузарлагдаһан хоол барихыень, забхайрхыень, боожо алаһан амитадай мяха, шуһа амсахыень хориһон бэшэг бэшэжэ, тэдээндэ эльгээхэ ёһотойбди.

Шэнэ Хэлсээн

²⁰ Харин онгонуудта үргэжэ бузарлагдаһан эдеэ хоол барихыень, забхайрхыень, боожо алаһан амитадай мяха, шуһа амсахыень хориһон бэшэг бэшэжэ, тэдээндэ эльгээхэ ёһотойбди.

Хэрэгүүд 15:20 Referencias Cruzadas

Эхин 35:2

Тиимэһээ Яков гэр бүлэдөө болон өөрын бүхы зондо иигэжэ хандаба: – Таанадта байһан бурхадай дүрсэнүүдые абажа хаягты, удаань бэеэ угаагаад, хубсаһа хунараа һэлгэгты.

Эхин 9:4

Зүгөөр хорюултай нэгэл юумэн байха: шуһатай мяха бү эдигты. Энээниие хориноб, юундэб гэхэдэ, амитанай амин гээшэ шуһан соонь оршодог.

Египедһээ гаралга 20:23

Алта мүнгөөр бурханай хүрэг дархалжа, Минии хажууда табижа бү байгты.

Эзэкээл 33:25

Эзэкээл, тэдээндэ Минии, Эзэн Бурханай, иимэ айладхал дуулга: таанад мяха шуһатайнь хамта эдинэт, онгонуудта мүргэнэт, алалсаа, хүсэрхэлгэ үйлэдэнэт. Иимэ байхадатнай, газар яагаад танай байха юм?!

Эзэкээл 4:14

Гэбэшье би иигэжэ харюусабаб: – Хайрлыт, Эзэн Бурхан! Би өөрыгөө хэзээдэшье бузарлаагүй бэлэйб. Бага наһанһаа хойшо би үхэһэн малай һэе гү, али арьяатанда барюулһан амитанай хүүр хэзээдэшье эдижэ үзөөгүйлби. Сээртэй ямаршье эдеэ хоол баряагүйлби.

Даниил 1:8

Хаанай эдидэг эдеэ, уудаг унда уужа, бэеэ бузарлажа байхагүйн тула Даниил тэдэниие эдихэ-уухагүйб гэжэ өөртөө шэбшэн хэлээд, хаанай эдеэ хоол барихагүй тухайгаа түшэмэлнүүдэй ахалагша ноён Ашпэнаазые гуйба.

Левит 18:6

Хэншье өөрынгөө ойрын түрэл хүнтэй ташаяангы хурисал үйлэдэхэ ёһогүй. Би хадаа Эзэнби.

Левит 19:26

Шуһатай юумэ бү эдигты, үзэл бү үзүүлэгты.

Левит 3:17

Ямаршье амитанай өөхэ, шуһые бү эдигты гэһэн хуулиие үеһөө үедэ, хаанашье ажаһуубал, хэтэ мүнхэдөө сахиха ёһотойт.

Тоололго 25:2

Моһааб басагад өөһэдынгөө бурхадта үргэл үргэхэдөө, Израилиин эрэшүүлые уриба. Израильшууд үргэлэй мяха эдижэ, тэдэнэй бурхадта мүргэбэ.

Хэрэгүүд 21:25

Бусад арадуудай дундаһаа Христоосто һүзэглэһэн зон тухай хэлэбэл, тэдэ бидэнэй урда бэшэһэн захиралтые дүүргэхэ ёһотой: онгонуудта үргэжэ бузарлагдаһан боожо алаһан амитадай шуһа, мяха амсангүй, забхайрангүй байгаарайгты.

Коринфынхидтэ 1-дэхи 5:11

Харин өөрыгөө Христоосто һүзэглэдэг хүн гэжэ нэрлэжэ байһан мүртөө забхай ябадалтай, али алта мүнгэндэ шунахай, али онгонуудта шүтэдэг, али хорон хэлэтэй, али архинша, али хулгайшан зонтой бү харилсагты гэһэн удхатайгаар бэшээб. Тиимэ хүнүүдээр хамта хоолшье эдихэ хэрэггүй.

Коринфынхидтэ 1-дэхи 6:13

Эдеэн ходоододол орохын тула байдаг, харин ходоодо хоол барихын тула юм гэжэ зарим хүнүүд хэлэхэ. Гэхэдэ Бурхан али алинииеньшье үгы болгохо. Махабад бэе ташаяан хурисалай тулада бүтээгдээ бэшэ, харин Эзэндэ алба хэхээр бүтээгдээ, тон тиигэжэл Эзэншье бэеые хаража анхаржа байдаг.

Коринфынхидтэ 1-дэхи 6:18

Ташаяан хурисалһаа зайсажа байгты. Хүнэй үйлэдэдэг бусад нүгэлнүүд бэеые ехэ гэмдэ оруулдаггүй, харин янхаржа байһан хүн өөрынгөө бэеые ехэл гэмдэ оруулна.

Коринфынхидтэ 1-дэхи 6:9

Харата хэрэг үйлэдэгшэд Бурханай хаан орониие залгамжалхагүй гэжэ таанад мэдэхэгүй аалта? Бү эндүүрэгты: забхайралдагшад, онгонуудта шүтэгшэд, нүхэртөө, али эхэнэртээ урбагшад, эрэшүүлтэй гүйлдэдэг эрэ хүнүүд,

Коринфынхидтэ 1-дэхи 7:2

Гэхэтэй сасуу ташаяан хурисалһаа бэеэ һэргылхын тула хүн бүхэн һамгантай байха, эхэнэр хүн нүхэртэй байха ёһотой.

Коринфынхидтэ 1-дэхи 8:1

Мүнөө онгонуудта үргэгдэһэн эдеэн тухай асуудалаар хөөрэлдэе. Бидэ булта мэдэлгэтэйбди гэжэ тэдэнэй хэлээшэ үнэн зүб юм. Гэхэдэ тиимэ мэдэлгэ хүниие омог бардам болгодог, харин хайра дуран бэхижүүлдэг юм.

Коринфынхидтэ 2-дохи 12:21

Дахинаа таанадта ошоходомни, таанадай урда намайе Бурхамни эшээхэгүй аал, тиин урдань нүгэл шэбэлдэ унаад, хэһэн бузар муухай ябадалнуудаа, зальхайралга забхайралгаяа, ташаяан хурисалаа орхижо гэмшээгүй хүнүүд тухай би шаналан уйлахагүй аалби гэжэ айн болгоомжолноб.

Галадуудта 5:19

Бэеын хүсэлэнгүүд иимэ: эрэдээ гү, али эхэнэртээ урбаха, забхай зальхай, һамуу һэбхи ябадал гаргаха,

Эфесэйхиндэ 5:3

Таанад Бурханай хүнүүд юм хадаа зальхайралга, бэлиндэлгэ, али хомхойролго гэхэ мэтын юумэнүүд тухай өөһэд хоорондоо хэлэхэ, хүндэхэшье ёһогүйт.

Хуули дабталга 12:16

Гансал шуһыень эдихэ ёһогүйт, уһан шэнгеэр тэрэниие газарта адхагты.

Хуули дабталга 14:21

Үхэһэн амитадай һэе бү эдигты. Танай хотодо байгша ерүүл хариин хүндэ тэрэниие үгэгты, үгышье һаа, худалдагты, тэрэ эдиг. Юуб гэхэдэ, таанад Эзэн Бурханайнгаа нангин арад ха юмта. Эшэгые эхынь һүн соо бү шанагты.

Хуули дабталга 15:23

Гансал малай шуһа бү эди, уһан шэнгеэр тэрэниие газар руу адха.

Колоссынхидтэ 3:5

Таанад досоотнай хүдэлдэг дэлхэйн хүсэлэнгүүдые: эрэдээ гү, али эхэнэртээ урбалта, забхайралга, шунал, нүгэлтэ хүсэлэнгүүд, онгонуудта шүтэхэтэй сасуулагдама хомхойрол гэхэ мэтын юумэнүүдые һүнөөхэ ёһотойт.

Фессалоникиинхидтэ 1-дэхи 4:3

Бурхан таанадые забхай бэшэ, харин гэгээн хүнүүд байхыетнай хүсэнэ.

Еврейнүүдтэ 12:16

Ууган хүбүүнэй эрхые нэгэ бариха хоолоор худалдажархидаг забхай, тиихэдэ Бурханһаа холодоһон Эсаавтай адли хүн таанадай дунда бү байг.

Еврейнүүдтэ 13:4

Гэр бүлэ алишье талаһаа үнэн сэхэ байг, үбгэн һамган хоёр бэе бэедээ шударга байг. Бурхан забхай ба ташаяаралдадаг зониие гэмнэхэ.

Пётрой 1-дэхи хандалга 4:3

Урдань таанад бусад арадуудай хэхэ дуратай юумэнүүдые хэжэ, нилээн саг үнгэргөөт. Зохихогүй юумэнүүдые үйлэдэжэ, зальхайржа, архидажа, һогтуу хүнүүдээр ниилэжэ, найрлажа, онгонуудта жэрхэдэһэтэйгээр мүргэжэ байгаат.

Гэршэлгэ 10:2

Дэлгээтэй багахан ном тэрэнэй гарта байба. Тиигээд баруун хүлөө далай дээрэ, зүүн хүлөө газар дээрэ табиба.

Гэршэлгэ 10:8

Удаань тэнгэриһээ дуулдаһан абяан дахин намда хандажа: «Далай газар хоёрой дээрэ зогсожо байһан Эльгээмэлһээ дэлгээтэй ном ошожо аба», – гэбэ.

Гэршэлгэ 2:14

Теэд таанадые зэмэлхэ зарим юумэн Намда бии: Балаһаамай һургаалые баримталагша хүнүүд таанарай дунда байдаг. Балаһаам хадаа Израилиин зониие нүгэл шэбэлдэ оруулха, хуурмаг бурхануудта үргэһэн эдеэнһээ амсуулха, зальхай һамуу ябадалтай болгохо тухай Балаак хааниие һургаа һэн.

Гэршэлгэ 2:20

Теэд таанадые зэмэлхэ зарим юумэн Намда бии: өөрыгөө лүндэншэ гээд тоолодог Изээбэл һамгые таанад зүбшөөнэт; тэрэ һамган өөрынгөө һургаал заабариие номножо, Минии зарасанарай тархи толгой эрьюулнэ, тэдэниием зальхай һамуу ябадалтай болгоно, худал бурхануудта үргэһэн хоол эдюулжэ һургана.

Гэршэлгэ 9:20

Иимэ ехэ аюул зоболондо орожо үхөөгүй үлэһэн хүнүүд өөһэдынгөө нүгэлтэ хара хэрэгүүдые үйлэдэжэл байгаа. Тэдэнэр алта мүнгөөр, гуули зэдээр, шулуу модоор хэгдэһэн худал хуурмаг шүтөөнүүдтэ, ада шүдхэрнүүдтэ урдынхидаал адляар һүгэдэн мүргэһөөр байгаа. Харин тиихэдэ тэдэ хуурмаг шүтөөнүүдынь юумэ үзэжэ харажашье, дуулажа шагнажашье, ябажа хүдэлжэшье шадахагүй.

1 Хаан түрэнүүд 14:32

Хүнүүд олзо юумэн руу шунахайран орожо, хони, үхэр, тугалнуудые барижа, газар дээрэ үүсэлжэ, шуһатайнь хамта эдижэ байба.

1 Хаан түрэнүүд 14:33

Удаань Саулда: – Харагты. Зон шуһатайнь эдижэ, Эзэнэй урда нүгэл хэжэ байна, – гэжэ мэдээсэгдэбэ. Саул: – Таанар урбагшад гээшэт! Мүнөө нам руу томо шулуу мухарюулан асарагты, – гэбэ.