Хэрэгүүд 13:46 - Библи

⁴⁶ Павел Барнааба хоёр зоригтойгоор иигэжэ хэлэбэ: – Бидэ Бурханай үгэ анха түрүүн таанадта соносхохо ёһотой байгаабди. Харин энэ үгые таанадай буруушаажа, мүнхын амидаралда хүртэхөөр бэшэбди гэжэ өөһэд тухайгаа һанаа юм һаатнай, бидэ мүнөө бусад арадуудта ошохомнай.

Шэнэ Хэлсээн

⁴⁶ Павел Варнава хоёр зоригтойгоор иигэжэ хэлэбэ: – Бидэ Бурханай үгэ анха түрүүн таанадта асарха ёһотой байгаабди. Харин энэ үгые таанадай буруушаажа, мүнхын амидаралда хүртэхөөр бэшэбди гэжэ өөһэд тухайгаа һанаа юм һаатнай, бидэ мүнөө бусад арадуудта ошохомнай.

Хэрэгүүд 13:46 Referencias Cruzadas

Һургаал 28:1

Муу хүн хүнэй мүрдөө мүшхөөгүй байхада зугадажа ябадаг, үнэн шударга хүн арсалан шэнги доро зүрхэтэй.

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Эзэкээл 2:5

Зүрилдөөтэй тэдэнэр шамайе шагнана гү, али үгы гү, юрэдөө, өөһэдынь хоорондо Бурханай захяа дуулгаһан лүндэншын байһые тэдэ мэдэдэг болохо.

Матвей 10:6

Гансал Израилиин арадта ошогты, тэдэ төөригдэһэн һүрэг хонидто адли бшуу.

Матвей 21:41

– Харатай тэдэ үзэмшэдые эзэн зобоожо алаха, тиигээд үзэм жэмэсэй ургасаһаа эзэнэй хубииень саг соонь түүжэ эзэндэнь асардаг ондоо үзэмшэдтэ сэсэрлигээ хүлһэлэн даалгаха, – гэжэ Иисүүстэ харюусаба.

Матвей 21:43

Тиимэһээ танда хэлэхэ байнаб, Бурханай хаан түрэ таанарһаа абтаад, тэрэнэй эрхэ хүсэл дүүргэдэг зондо үгтэхэ.

Матвей 25:46

Тиигээд тэдэ буруутаһан зон хэтэ заяандаа хэһээгдэхэ, харин Бурханай һайшаалда хүртэһэн зон мүнхын амидаралда хүртэхэ.

Лука 24:47

Тиигээд нүгэлөө хүлисүүлхынь тула бүхы арадуудта Бурханда хандагты гэһэн мэдээсэл Тэрэнэй нэрээр номногдохо ёһотой. Таанад Иерусалимһаа эхилээд,

Иоанн 1:11

Гэрэл туяагай Өөһэдынхидтөө ерэхэдэнь, Өөһэдынхинь Тэрэнээ угтан абаагүй.

Иоанн 4:22

Хэндэ һүзэглэн мүргэдэгөө таанад мэдэнэгүйт, харин бидэ хэндэ һүзэглэн мүргэжэ байдагаа мэдэнэбди: юртэмсэ дэлхэйн абаралга еврейнүүдһээ ерэхэ.

Хэрэгүүд 13:14

Харин үлэһэн нүхэдынь Пээргэһээ Писидиин Антиох зорижо ерээд, субботын үдэр мүргэлэй гэртэ орожо һуубад.

Хэрэгүүд 13:26

Аха дүүнэрни! Абраһаамай үри һадаһад, Бурханиие хүндэлэгшэд, абаралга тухай энэ мэдээсэл бидэндэ эльгээгдэһэн байна.

Хэрэгүүд 13:5

Саламин хүрэжэ ерээд, тэдэнэр мүргэлэй гэрнүүдтэ Бурханай Үгэ номнобо. Тиихэдэ тэдэнтэй Иоанн ябалсажа, туһалжа байгаа.

Хэрэгүүд 19:9

Зарим хүнүүдэй зүрюу зан гаргажа, этигэхэ дурагүй байхадань, Эзэнэй замые зоной дунда хардажа эхилхэдэнь, Павел шабинартайгаа тэдэниие орхижо ошобо. Тиигээд Павел Тиранн гэдэг хүнэй һургуулида үдэр бүри номнодог болобо.

Хэрэгүүд 22:21

Тиихэдэ Тэрэ намда: «Яба, Би шамайе эндэһээ холо бусад арадуудта эльгээхэмни», – гэжэ хэлэбэ.

Хэрэгүүд 26:20

түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.

Хэрэгүүд 28:28

Абаралга тухай энэ Бурханай Мэдээсэл бусад арадуудта эльгээгдээ гэжэ таанад мэдэгты. Тиигээд тэдэл дуулаха.

Хэрэгүүд 3:26

Хүн бүхэнииетнай муу муухай хэрэгүүдһээ зайсуулжа, буян хэшэгтээ хүртөөхын тула Бурхан Зарасаяа амидыруулаад, Тэрэнээ анха түрүүн таанадта эльгээгээ юм.

Хэрэгүүд 4:13

Зоригтой дорюун Пётр Иоанн хоёрые эрдэм номгүй юрын хүнүүд байна гэжэ ойлгоходоо, Зүблэлэй гэшүүд түрүүшээр ехээр гайхалсажа, һүүлээрнь Иисүүстэй ябаһан хүнүүд байна гэжэ ажаглан тэмдэглэбэд.

Хэрэгүүд 7:51

Бурханай һургаал дуулаха дурагүй, мэдэлдэнь байдаггүй зүрюу зон! Таанад өөһэдынгөө үбгэ эсэгэнэртэл адли Арюун Һүлдэдэ ходо эсэргүүсэнэт.

Хэрэгүүд 9:20

Иисүүс болбол Бурханай Хүбүүн гэжэ мүргэлэй гэрнүүдтэ номнодог болобо.

Римэйхиндэ 1:16

Һайн Мэдээсэл тухай номнохоёо би эшэнэгүйб. Ушарынь юуб гэхэдэ, тэрэ һүзэглэһэн хүн бүхэниие, нэн түрүүн еврейнүүдые, тиихэдэ баһал бусад арадуудые абарха Бурханай һүр хүсэн юм.

Римэйхиндэ 2:10

Харин һайн һайхан юумэ бүтээжэ байһан хүн бүхэндэ, нэн түрүүн еврей хүндэ, баһа ондоошье яһатанай хүндэ Бурхан алдар соло, нэрэ түрэ, амгалан байдал үршөөхэ.

Хуули дабталга 32:21

Тэдэнэр шүтөөнүүдтэ мүргэдэг боложо, Минии сухал хүргэбэ. Тэдэнь бурхад бэшэ ха юм, хэндэшье хэрэггүй юумэд. Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб!

Филиппынхидтэ 1:14

Түрмэдэ һууһан ябадални һүзэглэгшэдэй олоной һүзэг бүри бэхижүүлбэ, тэдэнэр бүри зоригтойгоор, айлтагүйгөөр Бурханай мэдээсэл номножо захалба.

Еврейнүүдтэ 11:34

галзуу гал унтараадаг, жадын эриһээ зайсадаг, һулахан бирагүй байгаад, шадалтай болодог, байлдаанда бүхэ байдаг, хариин сэрэгүүдые дарадаг бэлэй.