Хэрэгүүд 13:23 - Библи

²³ Бурхан найдуулһан ёһоороо Давидай үри һадаһан болохо Абарагша Иисүүсые Израильда эльгээгээ.

Шэнэ Хэлсээн

²³ Бурхан найдуулһан ёһоороо Давидай үри һадаһан болохо Абарагша Иисусые Израильда эльгээгээ.

Хэрэгүүд 13:23 Referencias Cruzadas

2 Хаан түрэнүүд 7:12

Шинии наһа баража, үбгэ эсэгэнэртэеэ хамта мүнхэ нойроор нойрсоходош, Би шинии нэгэ хүбүүе хаан шэрээдэ һуулгажа, хаан түрыень бата болгохоб.

Исай 11:1

Ишайн уг отологдоһон модоной түгсүүл мэтэ, гэбэшье түгсүүлһээ шэнэ эшэ ургаха, түгсүүлһээ шэнэ мүшэр урган гараха.

Исай 11:10

Тэрэ үдэр Ишайн үри һадаһан арадуудта туг болохо, тэдэ арадууд тэрээн руу эрьехэ, оршодог газарынь алдар суутай болохо.

Исай 43:11

Би гансаараа Эзэн гээшэб! Намһаа ондоо абарагша танда байхагүй.

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Исай 7:13

Тиихэдэнь Исай иигэжэ хэлэбэ: – Давид хаанай үри һадаһад, одоо шагныта! Зоной тэсэбэри туршажа байхатнай таанадта багадаад, Бурханайшье тэсэбэри туршажа-шалгажа байхаяа һанаба гүт?!

Ерэмияа 30:9

Харин Намда, Өөрынгөө Эзэн Бурханда, мүн Минии хан шэрээдэ һуулгаһан Давидай уг удамда тэдэ алба хэжэ эхилхэл.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Матвей 1:1

Абраһаамай үри һадаһан болохо Давидай үри һадаһан Иисүүс Христоосой уг гарбалынь иимэ:

Матвей 1:21

Тэрэшни хүбүү түрэхэ, Тэрээндэ Иисүүс гэжэ нэрэ үгэхэш, юундэб гэбэл, Тэрэ арад зоноо нүгэл хилэнсэгһээ абарха.

Матвей 21:9

Урдуурнь ябаһан зон, мүн хойноһоонь дахагшад: – Давидай үри һадаһан алдар солотой байһай! Эзэнэй нэрээр заларан Ерэгшэ үршөөл хайратай байһай! Дээдын тэнгэридэ оршоһон Бурханда алдар соло! – гэжэ шанга шангаар хашхаралдаба.

Матвей 22:42

– Бурханай табисуурта тухай таанар юун гэжэ һананат? Тэрэ хэнэй удам байхаб? – гэжэ һураба. Тэдэнь: – Давид хаанай үри һадаһан байха, – гэжэ харюусаба.

Лука 1:69

Зараса Давидайнгаа үри һадаһадһаа манда һүр хүсэтэй Абарагшые үгөөл.

Иоанн 4:42

– Бидэ Танай хэлэһэнээр тухайлна бэшэбди, харин энэ Хүнэй хэлэһые өөһэдөө шагнаад байхадаа, энэ Хүн үнэхөөрөөл дэлхэйн зоной Абарагша байна гэжэ одоол мэдээбди, – гэжэ тэрэ эхэнэртэ самаряанууд хэлэбэд.

Иоанн 7:42

Бурханай табисуурта болбол Давидай үри һадаһан мүн, Давидай түрэһэн Бэтлэһээм хотоһоо ерэхэ ёһотой гэжэ Нангин Бэшэг соо хэлээтэй ха юм.

Хэрэгүүд 13:32

Харин бидэ манай үбгэ эсэгэнэртэ үгтэһэн үгэ бүтэбэл даа гэжэ Һайн Мэдээсэлые айладхажа байнабди.

Хэрэгүүд 2:30

Давидай хаан шэрээдэ үри һадаһыень һуулгахаб гэжэ Бурханай үгэһэн тангаригые Давид лүндэншэ байһан дээрэһээ мэдэжэ байгаа.

Хэрэгүүд 3:26

Хүн бүхэнииетнай муу муухай хэрэгүүдһээ зайсуулжа, буян хэшэгтээ хүртөөхын тула Бурхан Зарасаяа амидыруулаад, Тэрэнээ анха түрүүн таанадта эльгээгээ юм.

Хэрэгүүд 4:12

Ондоо нэгэшье хүн таниие абархагүй, бидэниие абаржа шадаха ондоо хүниие энэ дэлхэйдэ Бурхан үгөөгүй.

Римэйхиндэ 1:3

Бурхан Һайн Мэдээсэл номнохыемни намайе шэлэжэ абаа. Нангин Бэшэг соо хэлэгдэһэнэй ёһоор Бурхан тэрэ Һайн Мэдээсэлые урдань лүндэншэдөөрөө дамжуулан амалаа. Тэрэ Мэдээсэлынь Бурханай Хүбүүн, манай Эзэн Иисүүс Христоос тухай. Иисүүс хүнэй бэе бэелхэдээ Давидай үри һадаһан боложо түрөө. Харин Тэрэнэй һүр хүсэтэй Бурханай Хүбүүн байһыень, үхөөд амидырхадань Арюун Һүлдэ харуулаа. Бүхы яһатаниие, тиихэдэ Иисүүс Христоосой дуудаһан таанадые һүзэгтэй, мэдэлдэ оросотой болгохын тула Бурхан Хүбүүгээрээ дамжан, Тэрэнэй аша туһада намайе элшэн болгон үршөөгөө.

Римэйхиндэ 11:26

Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Пётрой 2-дохи хандалга 1:1

Манай Бурхан ба Абарагша болохо Иисүүс Христоосой үршөөһэн үнэн сэдьхэлэй ашаар маанадтал адли һүзэгтэй болоһон хүнүүд, таанадта Иисүүс Христоосой зараса болон элшэн Симон Пётр бэшэнэ.

Пётрой 2-дохи хандалга 1:11

Манай Эзэн, Абарагша Иисүүс Христоосой мүнхын хаан орондо орохо бүрин эрхэ таанадта үгтэхэл.

Пётрой 2-дохи хандалга 2:20

Манай Эзэн, Абарагша Иисүүс Христоосые мэдээд, энэ дэлхэйн бузарнуудһаа мултаржа шадаһан аад, һүүлдэнь дахин тэдэ хүсэнүүдтэ баригдажа илагдаһан хүнүүд һүүлэй һүүлдэ түрүүшынхиһээ бүри муу нүхэсэлдэ ороно.

Пётрой 2-дохи хандалга 3:18

Зүгөөр, манай Эзэн ба Абарагша Иисүүс Христоосые саашадаашье мэдэржэ, үршөөл хайрадань хүртэжэ байгты. Тэрэ мүнөөшье, хэтын хэтэдэшье алдар солотой байһай! Болтогой!

Пётрой 2-дохи хандалга 3:2

Гэгээн лүндэншэдэй хэлэһэн үгэнүүдые, элшэнэрэйтнай таанадта дамжуулһан Эзэнэй ба Абарагшын захяа заабариие һануулха хүсэлтэй байгааб.

Иоаннай 1-дэхи хандалга 4:14

Эсэгэ Бурхан газар дэлхэйе Абарагша болгон, Хүбүүгээ эльгээгээ гэжэ бидэ хараабди, гэршэлэн баталнабди.

Иудын хандалга 1:25

Эзэн Иисүүс Христоосоор дамжан бидэниие абарһан ори ганса Бурханда анханһаа эхилээд, мүнөө саг болотор хэтын хэтэдэ алдар соло, һүр жабхалан, хаан түрэ, эрхэ засаг байһай! Болтогой!

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.