Хэрэгүүд 11:23 - Библи

²³ Барнааба Антиох хүрэжэ ерэхэдээ, Бурханай үршөөһэн буян хэшэгые өөрөө хаража, ехээр баярлаба. Тиигээд бүхы зүрхэ сэдьхэлээрээ Эзэндэ үнэн сэхэ байхыень хүн зониие уряалаа.

Шэнэ Хэлсээн

²³ Варнава Антиох хүрэжэ ерэхэдээ, Бурханай үршөөл хайраар бүтээгдэһэн юумэнүүдые өөрөө хаража, ехэтэ баярлаба. Тиигээд бүхы зүрхэ сэдьхэлээрээ Дээдын Эзэндэ үнэн сэхэ байхыень тэрэ хүн зониие уряалаа.

Хэрэгүүд 11:23 Referencias Cruzadas

4 Хаан түрэнүүд 18:6

Тэрэ Эзэнэй талые түгэс дүүрэн баримталдаг, Тэрээнһээ огто холододоггүй, Моисейгээр дамжуулһан Тэрэнэй зарлигуудые сахидаг байба.

Псалманууд 17:3

Эзэн хадаа минии хабсагай, минии хорохо газар, абарагша Бурхамни, хамгаалагша хадамни, минии бамбай, абаралай ууламни, бүхэлэлтэмни.

Һургаал 23:15

Сэдьхэл зүрхөөрөө сэсэн байгаа һаань, миниишье зүрхэндэ баяр баясхалан тогтожо болоно.

Һургаал 23:28

Тэрэ дээрмэшэн мэтэ нэгэниие отожо, гэмтэ ябадалай тоо олошоруулдаг.

Даниил 1:8

Хаанай эдидэг эдеэ, уудаг унда уужа, бэеэ бузарлажа байхагүйн тула Даниил тэдэниие эдихэ-уухагүйб гэжэ өөртөө шэбшэн хэлээд, хаанай эдеэ хоол барихагүй тухайгаа түшэмэлнүүдэй ахалагша ноён Ашпэнаазые гуйба.

Матвей 16:24

Тиигээд Иисүүс Өөрынгөө шабинарта хэлэбэ: – Намтай ябалсаха дуратай хүн өөр тухайгаа бодохоёо болёод, үдэр бүхэн хэрээһэеэ үргэлөөд, хойноһоомни яба.

Марк 2:5

Иисүүс тэдэ хүнүүдэй аргагүй ехэ этигэлтэй байһыень харахадаа, саа үбшэнтэндэ хандан: – Хүбүүмни, нүгэлнүүдшни хүлисэгдэбэ, – гэбэ.

Иоанн 15:4

Би таанарай досоо байнаб, тэрээндэл адляар таанар Минии досоо байгты. Мүшэр өөрөө үрэ жэмэс асаржа шададаггүй, үрэжэл үгэхын тула мүшэр эшэ һалаагай хубинь байха ёһотой. Тон тиимээр таанар Минии досоо байгаагүй һаа, үрэ жэмэс асаржа шадахагүйт.

Хэрэгүүд 13:43

Сугларһан зоной таража эхилхэдэ, еврейнүүд болон еврейнүүдэй шажанда этигэһэн олон хүнүүд Павел Барнааба хоёрые дахаба, харин тэдэ хоёрынь саашадаашье Бурханай үршөөл хайрада амидархыень тэдэ зониие идхан һургаба.

Хэрэгүүд 14:22

ябаһан газартаа шабинараа урмашуулан, зоригжуулан, этигэлээ алдангүй, харин бэхижүүлжэ байхыень уряалба. Бурханай хаан орондо орохынгоо урда тээ таанад аргагүй ехэ зоболон дабахат гэжэ тэдэ хэлэбэ.

Хэрэгүүд 14:26

Мүнөө тэдэ Атталиһаа Антиох руу бусажа тамарба. Түрүүн Антиохдо байхадань, ажалаа ябуулхадань Бурханай үршөөл хайра оршохо болтогой гэжэ зальбаран, Павел Барнааба хоёрые ябуулаа бэлэй. Мүнөө тэдэнэр үнөөхи ажалаа бүтээгөөд, бусажа ерэбэд.

Хэрэгүүд 15:40

Харин Павел Силые замай нүхэр болгон абаба. Аха дүүнэрынь тэдэниие Эзэнэй үршөөл хайрада даалгажа табяа һэн.

Хэрэгүүд 20:24

Харин би ами наһаяа оройдоошье хайрланагүйб. Бурханай үршөөл хайра тухай Һайн Мэдээсэл айладхажа бай гэжэ Эзэнэй намда даалгаһан үүргэ гүйсэдхэн, ябаха ёһотой замаараа ябажа түгэсхэбэлни һайн гээшэ.

Хэрэгүүд 20:32

Би таанадые Бурханда, Бурханай үршөөл хайра тухай һургаалда даалганаб. Бурханай үршөөл хайра тухай һургаал таанадые үлүү һайн һургажа магадгүй. Һүзэглэгшэ зондо бэлдээтэй зөөри зөөшэһөө тэрэ һургаал таанадта баһа үгэхэ.

Хэрэгүүд 4:36

Жэшээлхэдэ, элшэнэрэй дунда Барнааба гэһэн алдартай («һанаа амаруулагша» гэжэ оршуулагдана), Кипрһээ уг гарбалтай Иосиф гэдэг левит хүн,

Римэйхиндэ 12:8

бусадые урмашуулха табилантай һаа, урмашуулха ёһотойбди. Бусадтай хубаалсажа байгаа һаа, бардам баянаар хубаалсагты; хүтэлэгшэ юм һаа, бүхы хүсэ шадалаараа захиржа байгты; буян үйлэдэбэл, баяртайгаар буян үйлэдэгты.

Коринфынхидтэ 1-дэхи 15:58

Тиимэһээ, инаг хайрата аха дүүнэрни, Эзэнэй түлөө хэһэн ямаршье ажалтнай дэмы бэшэ гэжэ мэдэн, Эзэнэй ажалда өөһэдыгөө бүрин зорюулагты, нугаршагүй, бата хатуу байгты.

Коринфынхидтэ 2-дохи 1:17

Энэ түсэбүүдни һэбхи ябадал болоо гээшэ гү? Нэгэ хэлэхэдээ «тиимэ», нүгөө хэлэхэдээ «үгы» гэжэ хэлэдэг найдабаригүй хүн гээшэ гүб?

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Хуули дабталга 10:20

Эзэн Бурханаа хүндэлэгты, Тэрээндэ һүгэдэгты, Тэрээндэ хододоо үнэн сэхэ байгты. Гансал Тэрэнэйнгээ нэрээр тангариглагты.

Хуули дабталга 30:20

Эзэн Бурхандаа дуратай байгты, Тэрэнэйнгээ үгэ дуулагты, Тэрээндээ үнэн сэхэ байгты. Тиигэбэлтнай, танай үбгэ эсэгэнэртэ – Абраһаам, Исаак, Яков гэгшэдтэ «үгэхэб» гэжэ тангариглан найдуулһан газар дайда дээрээ таанадта Тэрэ ута наһа үршөөхэл.

Колоссынхидтэ 1:6

Һайн Мэдээсэл бүхы замби түбеэр һайнаар дэлгэржэ, үрэ дүн асаржа байна. Бурханай буян хэшэг тухай анха дуулаад, үнэн ушарынь мэдэхэдэтнай тэрэ таанадай дунда баһа һайнаар дэлгэржэ байгаа.

Тимофейдэ 2-дохи 3:10

Зүгөөр ши минии һургаалые баримталбаш, намдал адли ажамидарнаш, намдал адли зорилготой, һүзэгтэй, хайра дуратай байнаш, намдал адли шиираг тэсэбэритэй байнаш.

Нүүнэй Иисүүс 22:5

Гансал Эзэнэй богоол Моисейн танда захиһан захяа хуулиие жэншэдгүй сахихые оролдогты: Эзэндэ, танай Бурханда дуратай байгты, Тэрээнэй замаар ябагты, Тэрээнэй захяае хадагалжа ябагты, Тэрээндэ няалдажа, бүхы зүрхөөрөө, бүхы сэдьхэлээрээ алба хэгты.

Нүүнэй Иисүүс 23:8

Зүгөөр мүнөө хүрэтэр тииһэн ёһоороо Эзэндэ, танай Бурханда няалдагты.

Пётрой 1-дэхи хандалга 5:12

Христоосой шударгы һүзэглэгшэ Силуанай туһаламжаар би таанадта энэ богонихон бэшэг бэшээб. Таанадые урмашуулха ба Бурханай буян хэшэгые дамжуулха зорилготойгоор бэшээб. Энэ буян хэшэгые хатуу баримталжа байгты.

Иоаннай 1-дэхи хандалга 2:28

Үхибүүд, мүнөө таанар Христоостой нэгэн хамта байгты. Тиигээ һаа, Тэрэнэй бусажа ерэхэдэнь, бидэ айхые мэдэхэгүйбди, эшэхэгүйбди.

Иоаннай 3-дахи хандалга 1:4

Минии үхибүүд бодото зүб хэрэгтэ үнэн сэхэ зандаа гэжэ дуулахадаа, энээнһээ бүри ехэ баяр баясхалан намда байдаггүй.

Иудын хандалга 1:4

Өөһэдынгөө харата хэрэгүүдые сагааруулха зорилготойгоор Бурханаймнай буян хэшэг тухай һургаалые хазагайруулдаг, буруу болгодог, манай Захирагша болон Эзэн Иисүүс Христоосые буруушаадаг һүзэг шүтөөнгүй зарим хүнүүд бидэнэй дунда шургажа ороо. Тэдэ зон хэһээлтэдэ орохо гэжэ Нангин Бэшэг соо эртэ урдын сагһаа хойшо бэшээтэй байдаг.