Хэрэгүүд 10:2 - Библи

² Тэрэ гэр бүлөөрөө Бурханда һүзэглэдэг, Тэрээнһээ айн һүгэдэдэг, ядажа тулижа ябаһан зондо үргэл бадар ехээр асардаг, Бурханда үргэлжэ зальбардаг һэн.

Шэнэ Хэлсээн

² Тэрэ гэр бүлөөрөө Бурханда һүзэглэдэг, тэрээнһээ айн һүгэдэдэг, ядажа тулижа ябаһан зондо үргэл бадар ехээр асардаг, Бурханда үргэлжэ зальбардаг һэн.

Хэрэгүүд 10:2 Referencias Cruzadas

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

3 Хаан түрэнүүд 8:43

Та оршодог газарһаа – огторгойн уудамһаа тэрэ хариин хүниие дуулажа, гуйлтыень дүүргыт. Тиигэбэл, дэлхэйн бүхы арадууд Танай нэрэ хүндэ ойлгожо, Танай арад түмэн Израильдал адли Танһаа айн түбэгшөөжэ, Таниие хүндэлжэ эхилхэ. Минии баряаша үргөө Танай нэрээр дуудагдадаг гэжэ тэдэ мэдэхэ.

2 Угай бэшэг 6:33

Та оршодог газарһаа – огторгойн уудамһаа тэрэ хариин хүниие дуулажа, гуйлтыень дүүргыт. Тиигэбэл, дэлхэйн бүхы арадууд Танай нэрэ хүндэ ойлгожо, Танай арад түмэн Израильдал адли Танһаа айн түбэгшөөжэ, Таниие хүндэлжэ эхилхэ. Минии баряаша үргөө Танай нэрээр дуудагдадаг гэжэ тэдэ мэдэхэ.

Иоов 1:1

Ууц нютагта Иоов гэжэ хүн ажаһуугаа. Тэрэ нүгэл хилэнсэг гэжэ мэдэхэгүй, үнэн шударга, Бурханда бэшэрэн шүтэдэг, бузар мууһаа огто зайлаха гэжэ оролдодог хүн байгаа.

Иоов 1:5

Найр сэнгэлэйнь дүүрэхэдэ, Иоов хүүгэдээ дуудажа, арюудхалгын ёһолол бүтээдэг һэн. Мүн үглөөгүүр тэрэ эртэлэн бодожо, хүбүүдэйнгөө тоогоор түгэс шатаалта үргэл асардаг байба. Хүүгэдэйнь хэн нэгэн Эзэниие баһажа, нүгэл хэжэ байгуужаг гэжэ Иоов һанаандаа түбэгшөөдэг һэн.

Псалманууд 102:15

Хүнэй наһан гээшэ үбһэнэй наһандал адли, тэрэ хээрын сэсэг шэнги ургажа хагдардаг.

Псалманууд 119:2

Эзэн, намайе худалша аманһаа, худал хуурмаг хэлэнһээ абарыт!

Псалманууд 25:5

Хорото һанаатайшуулай суглааниие үзэн яданаб, муу муухай зонтой хамта һуухагүйб.

Псалманууд 41:1

[Дуунай бүлэгэй хүтэлбэрилэгшэдэ: Коорахай уг удамай ирагуу үгэнүүд.]

Псалманууд 86:3

Бурханай хото, шам тухай алдар соло таранхайл. [Хүгжэм]

Псалманууд 88:1

[Эзраахай Этаанай ирагуу үгэнүүд.]

Экклезиаст 7:18

Нэгэ хуули сахяад, нүгөөдыень орхингүй байхада һайн гэбэшье, Бурханһаа түбэгшөөдэг хүн хоёр хэтэрүүһээ зайлаха.

Исай 59:19

Зүүн зүгһөө баруун зүг хүрэтэр бүхы зон Тэрээнһээ, асари ехэ һүр һүлдэһөөнь айха. Голой урасхал, шанга һалхин мэтэ Тэрэ буухал.

Даниил 6:10

Даниил иимэ зарлигай гараһан тушаа мэдэһэншье һаа, гэртээ ошоходоо урданайхидал адляар үдэртөө гурба дахин үбдэглэн, өөрын Бурханда зальбардаг, магтаал үргэдэг байба. Мүргэдэг дээдэ таһалгынь сонхонууд Иерусалим руу харанхай, нээгдэнхэй байдаг һэн.

Даниил 6:16

Тиихэдэнь хаан Даниилые асаржа, арсаланай нүхэн руу хаяхыень захирба. Тэрэ Даниилда: – Саг үргэлжэ шүтэдэг Бурханшни шамайе абархань болтогой! – гэбэ.

Даниил 6:20

Нүхэндэ дүтэлхэдөө тэрэ сошон-мэгдэн иигэжэ Даниилые дуудаба: – Амиды Бурханай богоол болохо Даниил! Саг үргэлжэ зальбардаг Бурханшни шамайе арсалануудһаа абаржа шадаа гээшэ гү?!

Даниил 6:26

Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Матвей 25:17

Тэрээндэл тон адляар хоёр мянган алтан мүнгэ абаһан зарасань мүнгэеэ эрьесэдэ оруулаад, үшөө хоёр мянган алтан мүнгэнэй ашаг олзо олобо.

Лука 18:1

Һанаа үнөөндөө дарагдаһанай хэрэггүй, саг үргэлжэ Бурхандаа зальбаржа ябаха ёһотой гэжэ ойлгуулхын тула Иисүүс иимэ һургаалта үгэ шабинартаа хөөрэбэ:

Лука 2:25

Боди һайхан сэдьхэлтэй, Бурханда бэшэрэн һүгэдэдэг, Арюун Һүлдэдэ хүртэһэн Симеон гэжэ хүн Иерусалим хотодо ажаһуугаа. Тэрэ хүн Израилиин абарагдахые хүлеэжэ байгаа.

Хэрэгүүд 10:22

– Бидэниие зуунай дарга Корнелий эльгээгээ. Тэрэ үнэн сэдьхэлтэн, Бурханда һүзэглэдэг хүн, тэрэниие бүхы еврей зон ехээр хүндэлдэг. Хэлэһэн юумыетнай Корнелиин шагнахын тула Бурханай Эльгээмэл тэрэниие танда эльгээжэ, таниие гэртээ дуудажа асархыень захираа, – гэжэ харюусабад.

Хэрэгүүд 10:31

«Корнелий, шинии зальбарал болон хэһэн буяншни Бурханда хүрөө. Тэрэ шамайе һанаандаа барижа байна.

Хэрэгүүд 10:35

Бурхан Тэрээндэ һүгэдэгшэ, үнэн сэхээр амидарагша ямаршье яһатанай хүниие хүлеэн абадаг.

Хэрэгүүд 10:4

Корнелий тэрэниие айн шэртэжэ: – Юун болооб даа, Эзэмни? – гэжэ асууба. – Шинии зальбарал болон хэһэн буяншни Бурханда хүрөө. Тэрэ шамайе һанана, – гээд Эльгээмэл Корнелидэ хэлэбэ. –

Хэрэгүүд 10:7

Эльгээмэлэй ябаһан хойно Корнелий хоёр зарасаяа, үнэн сэдьхэлтэ сэрэгэй нэгэ туһалагшаяа дуудажа,

Хэрэгүүд 11:14

Тэрэ шамайе, гэрынхидыешни абарха мэдээсэл шамда хөөрэжэ үгэхэ», – гэһыень хэлэбэ.

Хэрэгүүд 13:16

Павел өөдөө бодожо, шэмээгүй бологты гэжэ гараараа харуулаад: – Израильшууд, Бурханиие хүндэлэгшэд, шагныт даа!

Хэрэгүүд 13:26

Аха дүүнэрни! Абраһаамай үри һадаһад, Бурханиие хүндэлэгшэд, абаралга тухай энэ мэдээсэл бидэндэ эльгээгдэһэн байна.

Хэрэгүүд 13:50

Гэбэшье еврейнүүд хотын түрүү хүнүүдые болон Бурханда һүзэглэһэн хүндэтэ эхэнэрнүүдые Павел Барнааба хоёрто эсэргүү һанаатай болгобо. Тэдэ хоёрые хашан мүрдэжэ, нютагһаан намнаба.

Хэрэгүүд 18:8

Криисп гэжэ нэрэтэй мүргэлэй гэрэй дарга бүхы гэр бүлөөрөө Эзэндэ баһа этигээд байгаа. Номнол дуулаһан олон коринфууд этигэжэ, уһаар арюудхуулба.

Хэрэгүүд 2:5

Тэрэ үедэ Иерусалимда дэлхэйн элдэб оронуудһаа Бурханда шүтэдэг еврейнүүд ерээд байгаа.

Хэрэгүүд 22:12

Тэндэ Хуули хэшээлтэйгээр сахидаг Анания гэжэ хүн намда ерээ. Тэрэ хүниие Дамааскын бүхы еврейнүүд ехэ хүндэлдэг юм.

Хэрэгүүд 8:2

Бурханда һүзэглэдэг зарим зон Стефаниие хүдөөлүүлхэдээ шаналан уйлаа һэн.

Хэрэгүүд 9:11

– Бодоод, Сэхэ гэжэ гудамжа бэдэржэ ошо. Тэндэ Иудын гэртэ Саул гэжэ нэрэтэй Тарс хотын хүниие бэдэржэ олоорой. Мүнөө тэрэ зальбаржа байна,

Хэрэгүүд 9:31

Тэрэ үедэ бүхы Иудейн, Галилейн, Самариин нютагуудай һүзэглэгшэдэй бүлгэмүүдтэ энхэ тайбан мандажа, Арюун Һүлдын хүсөөр тэдэ бэхижэжэ, олошоржо, Эзэнэй урда һүгэдэжэ байгаа.

Хэрэгүүд 9:36

Яафа хотодо Табитаа гэжэ нэрэтэй нэгэ шаби басаган ажаһуугаа. (Табитаа гээшэнь «Зээрэн» гэһэн удхатай) Тэрэ басаган хүнүүдтэ һайе хэдэг, ядарһан дуталдаһан зондо туһалдаг байгаа.

Колоссынхидтэ 4:2

Үргэлжэ Бурханда баяр хүргэн зальбарагты, зальбархадаа, һэргэлэн байгты.

Фессалоникиинхидтэ 1-дэхи 5:17

Ходо зальбаржа ябагты.

Яковай хандалга 1:5

Хэрбээ хэн нэгэнэйтнай сэсэн ухаагаар дуталдабалнь, тэрэ тиимэ сэсэн ухаае таанадта хайрладаг Эзэн Бурханиие гуйг лэ, Эзэн Бурхан хүн бүхэндэ гуйһанииень элбэг дэлбэгээр, гэмэрэлтэгүй үгэдэг ха юм.

Нүүнэй Иисүүс 24:15

Эзэндэ шүтэхэ дурагүй һаа, хэндэ алба хэхэеэ мүнөө шэлэгты, голой саана ба Египедтэ танай эсэгэнэрэй алба хэһэн бурхадта алба хэхэ гүт, али танай һуужа байһан газарай арадай, эмооршуудай, бурхадта гү? Би, минии гэр бүлэ Эзэндэ алба хэхэбди.

Гэршэлгэ 15:4

Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.