Хэрэгүүд 1:8 - Библи

⁸ Гэбэшье Арюун Һүлдын танай дээрэ буухада, таанад хүсэтэй боложо, Иерусалимай, бүхы Иудейн болон Самариин нютагуудһаа эхилээд, газарай заха хизаар хүрэтэр Минии гэршэнэр болохот, – гэжэ харюусаба.

Шэнэ Хэлсээн

⁸ Гэбэшье Нангин Һүлдын танай дээрэ буухада, таанад хүсэтэй боложо, Иерусалимай, бүхы Иудейн болон Самариин нютагуудһаа эхилээд, газарай заха хизаар хүрэтэр минии гэршэнүүд болохот, – гэжэ тэрэнь харюусаба.

Хэрэгүүд 1:8 Referencias Cruzadas

Псалманууд 98:3

Танай агуу, һүрдэмөөр нэрые тэдэ магтан дуулаг! Тэрэ хадаа арюун!

Исай 42:10

Эзэндэ шэнэ дуу дуулажа, бүхы дэлхэйгээр Тэрээндэ магтаал дуулагты! Далайгаар тамарагшад болон далайн бүхы амитад, Тэрэниие магтагты! Олтирогууд болон ажаһуугша зониинь, Эзэндэ магтаал дуулагты!

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Михей 3:8

Харин намда Эзэн хүсэ шадал болон һүр һүлдэ дүүрэн үршөөгөө. Тиимэһээ шударга ёһо, эрэ зоригтой би Яковай удамда гэм зэмэ үйлэдэһэн тухайнь, Израилиин улад зондо нүгэл тухайнь сэхэ хэлэхэб!

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Матвей 24:14

Бурханай хаан түрэ тухай Һайн мэдээсэлэй бүхы газар дэлхэйгээр, бүхы арадуудта гэршэлэгдэн номногдоһон хойно эсэс болохо.

Матвей 28:19

Зай, ошожо, бүхы арадуудта Минии һургаал айладхагты, Эсэгын, Хүбүүнэй, Арюун Һүлдын нэрээр тэдэниие уһаар арюудхагты.

Марк 16:15

Тиигээд тэдэндээ иигэжэ хэлэбэ: – Бүхы газар дэлхэйгээр ябажа, хүн бүхэндэ Һайн Мэдээсэл номногты.

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Лука 10:19

Шагнагты даа, могой болон хорото абаахайнуудые, мүн хамаг дайсадай хүсые дараха засаг таанадта барюулааб. Тиимэһээ таанадта ямаршье хүсэн хоро хэжэ шадахагүй.

Лука 24:29

нүгөө хоёрынь: – Орой боложо, нара орохоёо байна, бидэнтэй үлыт, – гэжэ Иисүүсые аргадаба. Иисүүс тэдэнээр үлэжэ, айлда оролсобо.

Иоанн 15:27

Мүн таанаршье Минии гэршэ болохот, ушарынь хэлэбэл, эгээл эхинһээ Намтай суг байгаа ха юмта.

Хэрэгүүд 1:5

Иоанн уһаар арюудхаа, харин таанад һаядаа Арюун Һүлдөөр арюудхадаг болохот.

Хэрэгүүд 13:31

Галилейһээ Иерусалим хүрэтэр Тэрээнтэй хамта ерэлсэһэн хүнүүдтэ олон үдэрэй туршада Тэрэ үзэгдөө, тиимэһээ тэдэнь мүнөө хүнүүдтэ Иисүүс тухай баталан гэршэлнэ.

Хэрэгүүд 2:32

Бурхан Иисүүсые амидыруулаа, тиин бидэ булта энэ ушарай гэршэнэр болонобди.

Хэрэгүүд 22:15

Юундэб гэхэдэ, ши хараһан дуулаһан бүхэнөө бүхы зондо дуулган, Эзэн тухай гэршэлхэ ёһотойш.

Хэрэгүүд 3:15

Таанар Амидарал бүтээгшые алабат, харин Бурхан Тэрэниие амидыруулаа. Бидэ тэдэ үйлэ хэрэгүүдэй гэршэнэрбди.

Хэрэгүүд 4:33

Эзэн Иисүүсэй амидырһан тухай элшэнэр улам эршэтэйгээр гэршэлбэ, тиихэдэнь Бурхан тэдэниие үршөөл хайрадаа элбэг дэлбэгээр хүртөөжэ байба.

Хэрэгүүд 5:32

Бидэнэр өөһэдөөшье, Арюун Һүлдэшье эдэ бүхэнэй гэршэнэрбди. Бурхан үгыень дууладаг хүн бүхэндэ Арюун Һүлдые үгэдэг юм, – гэжэ Пётр болон бусад элшэнэр харюусаба.

Хэрэгүүд 6:8

Бурханай үршөөл, хүсэ шадалда хүртэһэн Стефан арад зоной дунда гайхамшагта үзэгдэлнүүдые, дүлгэ тэмдэгүүдые бүтээжэ байгаа.

Хэрэгүүд 8:1

Стефаниие алаһан хэрэг Саулда ехэ һайшаагдаба. Энэ үдэрһөө хойшо Иерусалимда һүзэглэгшэдые ехээр хашан мүрдэдэг болобо. Тиимэһээ элшэнэр лэ хотодо үлөөд, бусад һүзэглэгшэд булта Иудейн ба Самариин нютагуудаар тараба.

Римэйхиндэ 10:18

Израилиин арад зон мэдээсэл соносоогүй аал гэжэ би асуунаб. Юундэ соносохогүйб, «Тэдэнэй хэлээшэнь бүхы газар дэлхэйгээр тараа, тэдэнэй үгэнүүдынь газар дэлхэйн заха хизаар хүрөө», – гэжэ Нангин Бэшэг соо хэлэгдэнэ.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.