Хэрэгүүд 1:6 - Библи

⁶ Элшэнэр суглараад, Иисүүстэ хандан: – Эзэн аа, Та тиихэдээ Израилиин хаан орониие сүлөөлжэ, захирха эрхыень бусаахатнай гү? – гэбэ.

Шэнэ Хэлсээн

⁶ Элшэнэр суглараад байхадаа, Иисуста хандан: – Дээдын Эзэн, ши тиихэдээ Израилиин хаан орониие сүлөөлжэ, захирха эрхыень бусаахашни гү? – гэбэ.

Хэрэгүүд 1:6 Referencias Cruzadas

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Исай 1:26

Удамаршадые, зүбшэгшэдыетнай анханай удамаршадтал адли болгоходом, Иерусалим үнэн зүб, үнэн сэхэ хото гээд нэрлэгдэдэг болохо».

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Даниил 7:27

Дээдэ Бурханай гэгээшүүлэй арад түмэндэ хан түрэ, засаг түлөөлгэ, огторгой доро байгша бүхы хан түрэнүүдэй һүр жабхалан үгтэхэ. Тэрэнэй хааншалалга хэтэ мүнхэдөө оршохо, ямаршье засагтан тэрэнэй засаг мэдэржэ, хэлэһэн юумыень хэжэ байха.

Һошээ 3:4

Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Матвей 17:11

Тиихэдэнь Иисүүс: – Үнэхөөрөө Элияа түрүүн ерэжэ, бүхы юумые бэлэн болгохо ёһотой.

Матвей 20:21

– Ши юу хүсэнэбши? – гэжэ Иисүүс тэрэ эхэнэрһээ асууба. Тэрэнь Иисүүстэ: – Та Хаан шэрээдээ һуухадаа, эдэ хоёр хүбүүдэймни нэгыень баруун таладаа, нүгөөдыень зүүн таладаа һуулгажа хайрлыт даа, – гэбэ.

Матвей 24:3

Хожомынь Иисүүсэй Элеон хада дээрэ гараад һуухадань, шабинарынь Тэрээндэ ерээд: – Эдэ бүхы юумэн хэзээ болохоб, хэлэжэ үгыт. Танай заларжа ерэхэдэ, газар дэлхэйн хосорходо ямар дүлгэ тэмдэгүүд харуулагдахаб? – гэжэ асууба.

Марк 9:12

Иисүүс харюусаба: – Үнэхөөрөө Элияа түрүүн ерэжэ, бүхы юумэ бэлдэхэ ёһотой. Тиихэдээ юундэ Хүн түрэлхитэнэй Хүбүүн ехээр зобохо, Тэрээнһээ арсаха юм гэжэ Нангин Бэшэг соо хэлээтэй байдаг бэ?

Лука 17:20

– Бурханай хаан орон хэзээ мандахаб? – гэжэ фарисейнүүдэй асуухада, Иисүүс иигэжэ харюусаба: – Бурханай хаан орон эли харагдаһаар ерэхэгүй.

Лука 19:11

Иисүүс үшөө нэгэ һургаалта үгэ шагнажа байһан зондо хөөрэбэ. Тэрэ Иерусалимда дүтэ ерэшэнхэй байгаа, тиимэһээ хүнүүд Бурханай хаан түрэ һаядаа оршохо гэжэ һанажа байгаа һэн.

Лука 22:29

Хаандал адли захирха эрхэ Эсэгымни Намда үгэһэндэл адли Бишье таанадта хаандал адли захиржа байха эрхэ үгэнэб.

Иоанн 21:21

Пётр тэрэ шабииень хараад, Иисүүсһээ: – Эзэн аа, энэмнай яахань гээшэб? – гэжэ һураба.