Хаггай 2:4 - Библи

⁴ Гэбэшье Зэрубабээл зоригтой бай, Ёцадаагай хүбүүн Иисүүс, ахамад санаартан, зоригтой бай! Энэ ороной улад зон, зоригтой байгты! Би, Түмэн Сэрэгтэ Эзэн, таанартай хамта байнаб. Ажал хэгты, туһалхаб.

Хаггай 2:4 Referencias Cruzadas

2 Хаан түрэнүүд 5:10

Түмэн Сэрэгтэ Эзэн Бурханай өөртэйнь хамта байһан ушарһаа Давид улам хүсэтэй боложол байгаа.

1 Угай бэшэг 22:13

Эзэнэй Моисейдэ Израилиин аша туһада үгэһэн захяануудые, хуули ёһонуудыень наринаар бэелүүлжэ ябахадаа, ши хододоо амжалтатай ябахаш. Эрэлхэг зоригтой, юунһээшье айнгүй, сэдьхэл дүүрэн яба.

1 Угай бэшэг 28:20

Давид Соломоондоо иигэжэ хэлэбэ: – Эрэлхэг зоримгой шанга яба, юунһээшье бү ай, зүрхэ бү алда, юуб гэхэдэ, Эзэн Бурхан, Минии Бурхан хододоо шамтай байха, Эзэнэй гэрэй бүхы заабаринуудыень дүүргээд байбалшни, Тэрэ шамһаа холо болохогүй, шамайе хэзээдэш орхихогүй,

Эзраа 10:18

Буса түрэлтэдэй басагаар һамга хэһэн хүбүүд санаартадайшье дунда олдоо – Ёцадаагай хүбүүн Иисүүсэй болон аха дүүнэрэйнь хүбүүд: Маашэяа, Элиээзэр, Ярииб, Гэдаалияа.

Эзраа 5:2

Тиихэдэнь Шалтиээлэй хүбүүн Зэрубабээл, Ёцадаагай хүбүүн Иисүүс гэгшэд Иерусалимдахи Бурханай гэрэй барилга шэнээр эхилбэ, тэдэнтэй хамта Бурханай лүндэншэд, тэдэниие дэмжэгшэд булта хүдэлөө.

Египедһээ гаралга 3:12

– Би шамтай суг хажуудаш байхаб. Минии шамайе эльгээһэнэй дүлгэ тэмдэг иигэжэ тудаха: Египедһээ арадыем гаргаһанайш хойно энэ хада дээрэ Бурханда зальбаран, ёһолол бүтээхэ сагтнай ерэхэ, – гэжэ Бурхан харюусаба.

Хаггай 1:13

Эзэнэй мэдээсэгшэ Хаггай айладхалынь арад түмэндэ дамжуулба: «Би таанадтай байхаб, энэ Минии найдуулга мүн гэжэ Эзэн айладхана!»

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Захарияа 8:9

Түмэн Сэрэгтэ Эзэн иигэжэ айладана: «Түмэн Сэрэгтэ Эзэнэй үргөөгэй һууриин табигдаһан үдэрһөө хойшо лүндэншэдэй аманһаа тунхаглагдаһан эдэ үгэнүүдые эдэ үдэрнүүдтэ шагнажа байһан таанар Һүмын баригдажа дууһатар хүсэ шадалтай байгты.

Марк 16:20

Тиигээд шабинарынь хаа хаанагүй ябажа, эндэ тэндэ номножо байба. Эзэн тэдэндэ хамһалсажа, хэлэһэн үгэнүүдэйнь үнэн зүб байһые гайхамшагта үйлэ хэрэгүүдээр баталдаг байгаа.

Хэрэгүүд 7:9

Үбгэ эсэгэнэрнай Иосифто атаархажа, тэрэниие барлаг болгон Египедтэ худалдаа. Гэбэшье Бурхан тэрэниие орхёогүй,

Коринфынхидтэ 1-дэхи 16:13

Һэргэг байгты. Һүзэгөө алдангүй, зоригтой, хатуу байгты.

Эфесэйхиндэ 6:10

Эсэстэнь иигэжэ хэлэһүү: Эзэнэй һүр хүсөөр бэхижэгты.

Хуули дабталга 31:23

Удаань Эзэн Нүүнэй хүбүүн Иисүүстэ захирба: – Хатуу шанга, эрэлхэг зоригтой бай, юуб гэхэдэ, Израилиин арад түмэниие Минии тангариглан найдуулһан газарта хүтэлэн абаашахаш. Би шамтай суг байхаб.

Тимофейдэ 2-дохи 2:1

Хүбүүмни, Иисүүс Христоосой хайрлаһан үршөөл хайраарнь бэхижэжэ бай.

Тимофейдэ 2-дохи 4:17

Тэрэ үедэ Эзэн намтай байжа, намайе зоригжуулаа. Тиимэһээ би Бурханай үгэ бусад арадуудай бултанайнь дуулахаар гүйсэд номнохо шадалтай байгааб. Бурхан намайе үхэлэй һабарһаа аршалаа.

Нүүнэй Иисүүс 1:6

Хатуу, зоригтой байгаарай; юундэб гэхэдэ, эсэгэнэртэнь үгэхэб гэжэ тангариглаһан газарым ши тэдээндэ эдлэхынь үгэхэш.

Нүүнэй Иисүүс 1:9

Би шамда зарлиг буулганаб: хатуу ба зоригтой байгаарай, бү ай, бү һүрдэн бахарда. Хаанаш ошоо һааш, Эзэн, шинии Бурхан хажуудаш байха.

Ударидагшад 2:18

Дайсад оло дахин израильшуудта добтолбо. Тиихэдэнь тэдэнэр өөрынгөө Бурханһаа туһа эрижэ мүргэбэд. Эзэн тэдэниие хайрлаад, дайсадһаа өөрынгөө арад зониие аршалан хамгаалхынь тула тэдээндэ ударидагшадые эльгээдэг болобо. Ударидагшадай амиды мэндэ ажаһуухада, Эзэн Өөрөө тэдэнэй ударидагшадай ахалагша боложо, дайсадһаа израильшуудые ходол аршалан абардаг байба. Гэбэшье дарлалта болон харшалалтада орожо, зобохо тулихадаа, тэдэнэй гэмэрэлдээ болон бархиралдаае дуулаад, Эзэн тэдэниие хайрлажа эхилбэ.

1 Хаан түрэнүүд 16:18

Нэгэ зарасань: – Харагты, би Бэтлэһээмэй Ишай гэгшын хүбүүе хараа һэм. Тэрэ наадажа шададаг, зоригтой, дайшалхы хүн, үгэдөө ухаалиг, һайхан түһөөтэй. Эзэншье тэрээнтэй хамта байна, – гэбэ.