Хаггай 2:19 - Библи

¹⁹ Амбаар соо үрэ бии гээшэ гү? Үзэмэй жэмэс, инжирэй модон, анар, чидун модон мүнөө болотор үрэ үгөөгүй байгаа. Харин мүнөөдэрһөө эхилэн Би таанадые үреэхэб.

Хаггай 2:19 Referencias Cruzadas

Эхин 26:12

Энэ газар орондо нютаглаад, Исаак таряа таридаг һэн. Эзэн үреэжэ, урда жэлнүүдтэ орходоо зуу дахин баян ургаса нэгэ жэл тэрэ хуряаба.

Иоов 39:12

Тэрэнэй хүсөөр ургасаа хуряагаад, таряа сохидог газарта хүргүүлжэ шадаха гүш?

Псалманууд 133:3

Огторгой газар хоёрые бүтээгшэ Эзэн Сионһоо таанадые юрөөхэл.

Псалманууд 84:12

Үнэн газарһаа ургажа, зүб шударга огторгойһоо шэртэхэ.

Ерэмияа 31:12

Израилиин арад зон бусажа, Сионой хада ууланууд дээрэ баярлан шууялдаха, Минии үршөөһэн хэшэг болохо орооһо таряанда, шэнэ үзэмэй дараһан архида, оливын тоһондо, мал һүрэгэй түлдэ баярлаха. Сэсэглэжэ байгаа саадтал адли тэдэ боложо, дахин хэзээдэшье доройтохогүй.

Ерэмияа 31:14

Санаартадай сэдьхэлые элбэг-дэлбэгээр дүүргэжэ, арад түмэнэйнгөө бүхы эрилтэнүүдые хангахаб. Энэ болбол Би, Эзэн, айладхана мүн!

Ёһээл 1:12

Уһан үзэмэй һөөг, удамбар жэмэстэ модон хаташоо. Анар жэмэс, дала модон, алима жэмэсэй модон болон талын бүхы модод хубхайран хатаба. Хүн зоной баяр, хүхюу байдал үсөөрөө.

Ёһээл 2:14

Эзэн бодолоо хубилган, хэһээлтэ зайлуулжа магад. Тэрэ зөөлэржэ, танда үршөөл хайра хүртөөхэл. Тиихэдэнь Эзэндэ зорюулһан талхан ба ундан үргэлөө хэжэ болохот.

Хаггай 1:11

Ган гасуурые Би дуудааб! Газар руу – хадануудта, таряалангуудта, үзэмэй модоной сэсэрлигтэ, оливын мододто, – юрэдөө, газарай ургуулдаг бүхы юумэндэ, хүн зондо, мал адууһанда, хүнэй хэдэг бүхы ажалда.

Малаахи 3:10

«Минии үргөөдэ зөөриингөө арбанай нэгэ хубиие асаржа ерэгты. Тиигэжэ Намайе туршагты. Би таанадай түлөө тэнгэриин сонхо нээжэ, эбигээл үршөөл халитар хүртөөхэб» гэжэ Түмэн Сэрэгтэ Эзэн айладажа байна.

Матвей 6:33

Түрүүшээр Бурханай хаан түрые, Бурханай үнэн зүбые бэдэрэгты, тиигээ һаатнай, бусад бүгэдэ юумэнүүд танда үгтэхэ.

Хуули дабталга 15:10

Тэрээндэ эриһэн юумыень үгэ, үгэжэ байхадаа сэдьхэлдэшни бүглэржэ бү байг. Юуб гэхэдэ, энэ хэрэгэй түлөө Эзэн Бурханшни бүхы ажал хэрэгүүдыеш, бүтээжэ байгаа бүхы юумыеш үреэхэ.

Хуули дабталга 28:22

Эзэн таанадые уушханай ханяадан, хумхаа үбшэн, халууралга, хабдараар нэрбүүлэн сохихо, ган гасуур, хуурай һалхи эльгээжэ, ургасыетнай һалгааха. Таанадай хосортор эдэ үбшэнгүүд хойноһоотнай дахан ябаха.