Хаггай 1:8 - Библи

⁸ Хада өөдэ гаража, модо отолон, Һүмэ барижа эхилэгты! Би тэрээндэ сэдьхэлээ ханан, тэрээн соо магтуулан, Өөртөө мүргүүлэн байхаб.

Хаггай 1:8 Referencias Cruzadas

3 Хаан түрэнүүд 6:1

Израилиин улад зоной Египедһээ гараһаар дүрбэн зуун наян жэлэй үнгэржэ байхада, Израилиин хан шэрээ эзэлһээр дүрбэдэхи жэлдээ, жэлэй хоёрдохи һара болохо зиив һарада Соломоон Эзэнэй Һүмэ барижа эхилээ бэлэй.

3 Хаан түрэнүүд 9:3

Тиигээд Эзэн Соломоондо иигэжэ айладхаба: – Би шинии зальбарал дуулааб. Намайе хүндэлжэ шинии бариһан Һүмые арюудхааб, тиигээд хододоо тэрэниие анхаран байхаб.

1 Угай бэшэг 22:19

Эзэнээ, Өөрынгөө Бурханиие хүндэлхын тула өөһэдынгөө зүрхэ сэдьхэлые, ухаан бодолые сүм зорюулагты, Эзэнэй хэлсээнэй ханза, хадагалха гэр, Бурханда хабаатай хэрэгсэлнүүдые бүтээхын тула Эзэндээ зорюулһанаа бүтээхын тула эбтэйгээр ябажа, Эзэн Бурханай нангин гэр бодхоогты.

2 Угай бэшэг 7:16

Хэтэ мүнхэдөө Намда зоной мүргэжэ байхын тула Би энэ Һүмэ шэлэн абажа, арюудхааб. Тиигээд Би хододоо тэрэниие хаража, шэхээ табин байхаб.

Эзраа 3:7

Тиигээд шулуу хайгшадта болон модошо дархашуулда сагаан мүнгэн үгтэбэ, Персиин хаан Киирэй зүбшөөлөөр Ливаанһаа далайгаар Яафа хүрэтэр үнэтэ хуша модо асаруулхын тула Сидооной болон Тиирэй зондо эдихэ ууха юумэ, оливын тоһо үгэдэг болобо.

Эзраа 6:4

Ханань гурбан зэргэлээ томо шулуунуудаар, нэгэ зэргэлээ модоор бодхоогдохо ёһотой. Хүдэлмэриин гаргаша хаанай һан жасаһаа түлэгдэхэ.

Египедһээ гаралга 29:43

Израиль угсаатантай Минии уулзадаг тэрэ газар Минии һүр солын нангин газар болохол.

Исай 60:13

Минии нангин үргөөе, Иерусалим, шамайе үзэсхэлэн һайхан, һүр жабхалантай болгохын тула нарһан, арса, жодоо модод – Ливаанай ойн эгээл үнэтэй модод шам руу асарагдаха.

Исай 60:7

Кэдаарай болон Нэбайһоодой бүхы хонин һүрэг үргэл болон, Эзэнэй шэрээ дээрэ шатаагдаха. Эзэн Өөрын алдарай нангин үргөөе алдаршуулха!

Исай 66:11

Тэрэнэй һэргэн һалбарһанда таанад эхынгээ хүхэ хүхэжэ байһан үхибүүндэл һанаагаа амаран, баясахат.

Хаггай 1:7

Би, Түмэн Сэрэгтэ Эзэн, иигэжэ айладханаб: Өөрынгөө хэһэн үйлэ хэрэгүүд тухай бодомжолжо үзэгты!

Хаггай 2:7

Бүхы арадуудые һэгсэрхэб! Тэдэнэй баялиг эндэ асаруулагдаха. Тиигээд Минии алдар солын гэрэл энэ һүмые дууһан гэрэлтүүлхэ.

Хаггай 2:9

Шэнэ Һүмэ хуушан Һүмэдэ орходоо бүри алдар суутай байха гэжэ Би найдуулнаб. Энэ газарай улад зондо амгалан тайбан байдал Би үршөөхэб. Энэ болбол Би, Түмэн Сэрэгтэ Эзэн, айладхана мүн!»