Хаггай 1:6 - Библи

⁶ Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Хаггай 1:6 Referencias Cruzadas

2 Хаан түрэнүүд 21:1

Давидай хаан түрэеэ зонхилхо үедэнь үлэсхэлэн хооһон гурбан жэл хойно хойноһоо тохёолдобо. Тиихэдэнь Давид Эзэнһээ ушар шалтагааниинь һурагшалба. Эзэн иигэжэ айладхаба: – Саул болон тэрэнэй гэр бүлэ зоной шуһа урдахуулһандаа зэмэтэй. Тэрэ Гибэһооной хүнүүдые алаа.

3 Хаан түрэнүүд 17:12

Харин тэрэ эхэнэр: – Танай Эзэн Бурханай нэрээр тангаригланаб, намда хилээмэн үгыл. Аяга соо нэгэ адха гурил, нэгэ дуһал болохо гэхээр оливын тоһон бии. Харагты даа, би хоёр модо оложо суглуулаад, гэртээ ошожо, энээниие бэлэдхэжэ болгохоб, тиигээд хүбүүнтэеэ хамта эдеэд, удаань хоюулаа үхэхэбди, – гэбэ.

Нэхэмьяа 5:2

Тэдэнэй заримань иигэжэ хэлэбэ: – Бидэ өөһэдөө, басагад, хүбүүднайшье ехэ олон. Тиимэһээ бэеэ тэжээхын тула маанадта ехэ талха таряан хэрэгтэй болоно.

Иоов 20:22

Элбэг дүүрэн амидаржа байһанаа тэрэ гэнтэ хохидожо, туйлай ехэ зоболон үзэхэ.

Иоов 20:28

Эзэнэй уур хилэнсэг эд зөөрииень үерэй уһан мэтэ хаман аршана.

Һургаал 11:24

Зөөриеэ хубаан тараажа байдаг хүнэй зөөри нэмэжэ байха, тиихэдэнь харамнадаг хүн үгырхэ ушар байха.

Исай 5:10

Дүрбэн гектар талмай үзэмэй жэмэсһээ оройдоол нэгэ баата жэмэсэй шүүһэн гараха. Тариһан хоомэр таряанһаа оройдоол эфаа, арба дахин бага таряан ургаха, – гэжэ дуулгаал.

Ерэмияа 12:13

Минии арад зон шэниисэ тариһан аад, үрмэдүүл хуряажа абаба. Тэдэ эсэн ядараа, гэбэшье ямаршье ашаг олзо олоогүй. Өөһэдынгөө ургасаһаа тэдэ эшэг лэ! Дүлэтэһэн уур сухални иимэл!

Ерэмияа 14:4

Бороогой орохогүйдэ газар гандан хахаранхай. Таряашад сүхэрэнхэй, хүнэй нюур харахаяа эшэнэ.

Ерэмияа 44:18

Харин Тэнгэриин хатан бурханда үргэл, сэржэм үргэхэеэ болиходоо, юушьегүй болообди, зомнайшье дайн дажарта, үлэсхэлэн хооһон байдалһаа наһа бараа.

Һошээ 4:10

Тэдэ эдеэлээшье һаа, садахагүй, ондоо бурхадта мүргэбэшье, хүбүүдтэй болохогүй. Ушар гэбэл, тэдэ Намһаа буруу хараа шуу.

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Левит 26:20

Дэмы хии талаар хүсэнтнай буураха, газартнай ургаса үгэхэгүй, мододтнай үрэ жэмэс үгэхэгүй.

Левит 26:26

Хилээмэгүй болгохоб. Нэгэ пеэшэн соо арбан һамгад танда хилээмэ бариха, хилээмэ таанадта шэгнээд үгэхэ, таанад тэрэ хилээмэ эдеэд, садахагүйт.

Хаггай 1:10

Энээнэйл түлөө таанарта тэнгэри шүүдэр, аадар үгэнэгүй, газар үрэжэл үгэнэгүй.

Хаггай 1:5

Мүнөө Би, Түмэн Сэрэгтэ Эзэн, иигэжэ айладханаб: Өөрынгөө хэһэн үйлэ хэрэгүүд тухай бодомжолжо үзэгты!

Хаггай 1:7

Би, Түмэн Сэрэгтэ Эзэн, иигэжэ айладханаб: Өөрынгөө хэһэн үйлэ хэрэгүүд тухай бодомжолжо үзэгты!

Хаггай 1:9

Ехэ юумэ хүлеэнэт, теэд бага юумэн болоно. Гэртээ асарһан юумыетнай Би хумхаа тооһон болгохоб. «Ямар ушарһаа?» – гээд асуухадатнай, Би, Түмэн Сэрэгтэ Эзэн, иигэжэ харюу үгэхэб: «Хүн бүхэнтнай өөрын гэр шэмэглэн сүлөөгүй ажаллана, харин Минии Гэр хооһон, һандархай байна. Энээнэй түлөө!»

Хаггай 2:16

хорин боолто таряа абахаар хэн нэгэнэй ерэхэдэ, тэндэ оройдоол арбан боолто байдаг; үзэмэй дараһан архиин торхоһоо хэн нэгэнэй табин һуулга абахаяа ерэхэдэ, тэндэ оройдоол хорин һуулга байдаг бэлэй.

Хаггай 2:17

Би таанарые болон хэрэг ажалыетнай халуун һалхи, мүндэрөөр сохин байгааб, теэд таанар үшөөл һанаа ороогүйт, Нам руу эрьеэгүйт.

Захарияа 5:4

Түмэн Сэрэгтэ Эзэн иигэжэ айладаа: Би тэрэниие хулгайшанай гэртэ ба Минии нэрээр хуурмаг тангариглагшын гэртэ ябуулааб. Тэндэ нэбтэрэн орожо өөрыень һүнөөхэ, модо шулууеньшье усадхаха.

Захарияа 8:10

Энээнһээ урагша ажал хэдэг хүндэ, хүлһэлжэ абаһан малай түлөө ямаршье түлөөһэн гэжэ байгаагүй. Ороһон гараһан хүндэ амаргүй, дайсантай һэн хойно амгалан бэшэ байгаа. Би бүхы хүнүүдые хоорондонь нэгэ нэгэндэнь эсэргүү табиһан байгааб.

Малаахи 2:2

Түмэн Сэрэгтэ Эзэн айладажа байна: «Хэрбээ таанад хэлэһыем шагнахагүй, Минии нэрэ хүндэлхын тулада энээниие сэдьхэлдээ хүлеэн абахагүй һаатнай, Би хэһээлтэ буулгахаб. Минии алдар нэрэ үргөөгүй байбал, танай абаһан үреэл һөөргэ сухаряад хараал болохо. Ушарынь хадаа таанад Минии нэрэ хүндэлнэгүйт.

Хуули дабталга 28:17

орооһо таряандатнай, эдеэ хоолдотнай Эзэн хараал шэнгээхэ;