Исай 9:7 - Библи

⁷ Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Исай 9:7 Referencias Cruzadas

2 Хаан түрэнүүд 7:16

Ши хододоо үри һадаһадтай байхаш, хаан түрэшни хэтэ мүнхэдөө оршохо. Хаан шэрээдэ һууха уг удамшни хэзээдэшье таһалдахагүй!

4 Хаан түрэнүүд 19:31

Амиды үлэгшэд Иерусалимһаа гараха, амин бэеэ абарагшад Сион хадаһаа бууха. Түмэн Сэрэгтэ Эзэн энээниие заабол бэелүүлхэл.

Псалманууд 2:8

Намһаа гуй! Би үндэһэ арадуудые шинии мэдэлэй болгохоб, дэлхэйе заха хизаартайньшье шинии болгохоб.

Исай 11:1

Ишайн уг отологдоһон модоной түгсүүл мэтэ, гэбэшье түгсүүлһээ шэнэ эшэ ургаха, түгсүүлһээ шэнэ мүшэр урган гараха.

Исай 16:5

Тиихэдэнь хан шэрээ үнэн сэхээр бата болохо, тэрээн дээрэ, Давидай майхан соо үнэн зүб шүүгшэ заларха. Тэрэ үнэн зүбые баримталан хэрэгүүдые үйлэдэхэ, зүб шударгаар хэрэгүүдые шиидхэхэ.

Исай 2:4

Үндэһэтэдэй хоорондохи арсалдаае Тэрэ болюулха, олон арад түмэниие шүүхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 37:32

Амиды үлэгшэд Иерусалимһаа гараха, амин бэеэ абарагшад Сион хадаһаа бууха. Түмэн Сэрэгтэ Эзэн энээниие заабол бэелүүлхэл.

Исай 40:10

Харагты, Эзэн Бурхан хүсэ шадалаа, засаг эрхэеэ зангидан залархань. Зондо шагнал Тэрэ асарна.

Исай 42:13

Эзэн сэрэгшэ мэтэ урагшаа гаража, дай үүдхэхээр бэлэн байхал. Байлдаанай дуу шангаар хашхаран, дайсадтаа хүсэ шадалаа элирхэйлхэ.

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Даниил 2:35

Тэрэ дары түмэр, шабар, гуулин, мүнгэн, алтан бутаржа, нажарай сагта гүмнээ дээрэ хиидэдэг мэхиинэ мэтэ болоод, һалхинда туугдажа, һэе мүргүй үгы болобо. Мантан хүрэг дээрэ унааша тэрэ шулуун агуу хада боложо, бүхы газар дэлхэйе эзэлбэ.

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Даниил 7:14

Засаг, соло, хан түрэ Тэрээндэ үгтэжэ, бүхы яһатад, арадууд, обогууд тэрэнэй засаг мэдэрээ. Зонхилолтонь – хэтэ мүнхын, хэзээшье дууһахагүй, хан түрэнь һандархагүй бүхэ.

Даниил 7:27

Дээдэ Бурханай гэгээшүүлэй арад түмэндэ хан түрэ, засаг түлөөлгэ, огторгой доро байгша бүхы хан түрэнүүдэй һүр жабхалан үгтэхэ. Тэрэнэй хааншалалга хэтэ мүнхэдөө оршохо, ямаршье засагтан тэрэнэй засаг мэдэржэ, хэлэһэн юумыень хэжэ байха.

Хаггай 2:9

Шэнэ Һүмэ хуушан Һүмэдэ орходоо бүри алдар суутай байха гэжэ Би найдуулнаб. Энэ газарай улад зондо амгалан тайбан байдал Би үршөөхэб. Энэ болбол Би, Түмэн Сэрэгтэ Эзэн, айладхана мүн!»

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Иоанн 12:34

Улад зон Тэрээндэ хэлэбэ: – Бурханай табисуурта хэтэ мүнхэдөө амиды ябаха гэжэ Хуули соо бэшээтэй гэжэ бидэ дуулаа һэмди. Харин Та юундэ Хүн түрэлхитэнэй Хүбүүн дээшээ дэгдээгдэхэ гэжэ хэлэбэт? Тиигээд тэрэ Хүн түрэлхитэнэй Хүбүүнтнай хэн юм?

Еврейнүүдтэ 1:8

Гэхэдэ Хүбүүн тухайгаа Бурхан: «Хан шэрээшни Бурханай шэрээ мэтэ, хэтэ мүнхэдөө оршохо. Хаанта баягшни – зүб шударга ёһын баяг.

Еврейнүүдтэ 7:24

Харин Иисүүсэй мүнхэ амидаржа байһан хадань Тэрэнэй санаартын албан баһа мүнхэ юм.

Гэршэлгэ 19:11

Тиин сэлеэтэй байһан тэнгэри харабаб – тэндэ сагаан мори унаһан хүн байба. Мори унаашань Үнэн зүб, Сэхэ шударгы гэжэ нэрэтэй. Тэрэ һуугаашань зарга шүүбэриие, дайн сэрэгые үнэн зүбөөр хэгшэ юм.