Исай 9:6 - Библи

⁶ Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Исай 9:6 Referencias Cruzadas

2 Хаан түрэнүүд 7:13

Тэрэ Намда ордон бодхоохо, Би тэрэнэй уг удамда хаан шэрээ хэтэ мүнхэдөө эзэлүүлхэб.

2 Хаан түрэнүүд 7:16

Ши хододоо үри һадаһадтай байхаш, хаан түрэшни хэтэ мүнхэдөө оршохо. Хаан шэрээдэ һууха уг удамшни хэзээдэшье таһалдахагүй!

3 Хаан түрэнүүд 10:9

Энэрэл хайраа үзүүлэн, хаан шэрээдэ таниие заларуулагша Эзэн Бурхантнай үреэл магтаалда хүртэг лэ! Израильда хэтэ мүнхэдөө дуратай байһандаа таниие үнэн шударга байхынтнай тула, үнэн зүбые үйлэдэхынтнай тула Эзэн таниие хаанаар томилоол!

3 Хаан түрэнүүд 2:33

Тэрэ шуһан Ёһаабай болон үри һадаһанайнь толгой дээрэ хэтэ мүнхэдөө тудан байхань болтогой! Харин хан шэрээ эзэлдэг Давидай үри һадаһадта Эзэн хэтэ мүнхэдөө амгалан байдал үршөөхэнь болтогой! – гэбэ.

3 Хаан түрэнүүд 2:45

Харин би үреэлдэ хүртэхэм болтогой! Давидай хан шэрээ Эзэнэй урда хэтэ мүнхэдөө оршохонь болтогой!

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Псалманууд 45:3

Тиимэһээ газарай хүдэлхэдэшье, далайн гүн руу хада уулануудай хэмхэржэ унахадашье айхагүйбди.

Псалманууд 45:6

Бурхан тэрэ хотын дунда оршоно, хото доһолхогүй, Бурхан тэрээндэ үүр сайхаһаа эхилээд туһалха.

Псалманууд 45:7

Үндэһэтэнүүд шууялдажа, хан түрэнүүд һалганан байна. Бурханай дуугархада, газар хайлана.

Псалманууд 50:1

[Дуунай бүлэгэй хүтэлбэрилэгшэдэ: Давидай псалма.

Псалманууд 72:17

Энэ Бурханай нангин газарта минии оротор үргэлжэлөө. Тиихэдэл тэдэнэй эсэс болохые ойлгоо бэлэйб.

Псалманууд 72:3

Юуб гэхэдэ, муу муухай зоной һайн байхые харахадаа, эдэ убайгүйшүүлдэ атаархааб.

Псалманууд 72:7

Таргалжа нюдэниинь ониигоо, хүсэл түсэбынь хизааргүй.

Псалманууд 85:10

Юуб гэбэл, Та агууехэт, гайхамшагта хэрэгүүдые бүтээдэгта. Та гансаараал Бурхан мүн.

Псалманууд 89:5

Мянган жэл хадаа Танда үнгэрһэн үдэртэл гү, али һүниин нэгэ харуулай хугасаа мэтэ.

Һургаал 8:23

Би эхинэй эхинһээ, газар дэлхэйн һаяхан бии боложо байхада тогтоогдоо һэм.

Исай 10:21

Үлдөөсэнь бусаха, Яковай амиды мэндэ үлэһэн зоной үсөөхэниинь лэ хүсэтэ Бурхандаа бусаха.

Исай 11:5

Тэрэ үнэн зүбөөр бүһэлхэ, үнэн сэхэ Тэрэнэй бүһэ болохо.

Исай 16:5

Тиихэдэнь хан шэрээ үнэн сэхээр бата болохо, тэрээн дээрэ, Давидай майхан соо үнэн зүб шүүгшэ заларха. Тэрэ үнэн зүбые баримталан хэрэгүүдые үйлэдэхэ, зүб шударгаар хэрэгүүдые шиидхэхэ.

Исай 26:12

Эзэн, Та бидэндэ һайн байдал үршөөгыт! Манай хэһэн бүхы хэрэгүүд Танай ашаар бүтэнэ.

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 28:29

Эдэ бүгэдэ шадабари Түмэн Сэрэгтэ Эзэнһээ олгогдонхой. Тэрэнэй зүбшэл гайхамшагтай, мэргэн ухааниинь агууехэ юм!

Исай 32:1

Үнэн зүбөөр зонхилогшо хаан, шударга зүбөөр хэрэгүүдые шиидхэгшэ ударидагшад бии болохо.

Исай 37:32

Амиды үлэгшэд Иерусалимһаа гараха, амин бэеэ абарагшад Сион хадаһаа бууха. Түмэн Сэрэгтэ Эзэн энээниие заабол бэелүүлхэл.

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Исай 53:2

Эзэнэй урда Тэрэ хуурай газарһаа урган гараһан ургамалдал байгаа. Тэрээндэ һайхан шэг шарайшье, һүр жабхаланшье байгаагүй. Хараһаншье һаа, анхаралаа ехэ Тэрээндэ бидэ хандуулаагүйбди.

Исай 53:5

Харин Тэрэ манай нүгэлэй түлөө шархатаһан, манай гэм зэмэй түлөө зобоһон, манай амар амгалан ажаһуухын тула Тэрээн дээрэ хэһээлтэ бууһан байгаа! Хэһээлтэ амасаһаарнь бидэ эдэгээбди.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Исай 66:12

Эзэн иигэжэ айладхана: «Би таанадта гол мэтээр амгалан тайбан байдал, үндэһэ яһатанай эд баялигуудые урдахуулхаб. Тэжээлгэжэ, эхынгээ гар дээрэ үргэгдэн, үбдэг дээрэнь энхэрүүлэн байгааша үхибүүндэл адли таанад болохот.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Исай 8:18

Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Ерэмияа 31:22

Найдалгүй улад зон, таанад хэды болотор энэ-тэрээгүүр ябаха юмта? Юуб гэбэл, Би газар дэлхэй дээрэ нэгэ шэнэ зүйл бүтээгээб, эмэгтэй хүнэй эрэ хүниие хамгаалжа байһандал адли тэрэ юумэн юм.

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Даниил 7:14

Засаг, соло, хан түрэ Тэрээндэ үгтэжэ, бүхы яһатад, арадууд, обогууд тэрэнэй засаг мэдэрээ. Зонхилолтонь – хэтэ мүнхын, хэзээшье дууһахагүй, хан түрэнь һандархагүй бүхэ.

Хаггай 2:9

Шэнэ Һүмэ хуушан Һүмэдэ орходоо бүри алдар суутай байха гэжэ Би найдуулнаб. Энэ газарай улад зондо амгалан тайбан байдал Би үршөөхэб. Энэ болбол Би, Түмэн Сэрэгтэ Эзэн, айладхана мүн!»

Матвей 1:1

Абраһаамай үри һадаһан болохо Давидай үри һадаһан Иисүүс Христоосой уг гарбалынь иимэ:

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Матвей 28:18

Тиигээд Иисүүс тэдэндэ ойртоод: – Тэнгэридэшье, газар дээрэшье бүрин эрхэ засаг Намда үгтэбэ!

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Лука 2:11

мүнөөдэр Давид хаанай хотодо танай Абарагша түрэбэ, Бурханай табисуурта Эзэн мүндэлбэ.

Лука 21:15

Юу хэлэхые мэдэхэ ухаа Би таанадта үршөөхэб. Танай хэлэһэн юумые нэгэшье дайсантнай буруушаажа гү, али һөөргэдэжэ шадахагүй.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 1:16

Тэрэ Өөрынгөө хизааргүй ехэ, урданайхиһаа үлүү ехэ буян хэшэгтэ маниие хүртүүлээ.

Иоанн 14:27

Би таанарые амгалан тайбанда орхёод ябахамни, Өөрын амгалан тайбаниие таанарта үгэнэб. Минии үгэхэ энхэ тайбан энэ дэлхэйн зоной энхэ тайбанда адли бэшэ. Таанар һанаа сэдьхэлээ бү зобоогты! Бү айгты!

Хэрэгүүд 10:36

Амгалан байдал тухай номнолые Бурхан Иисүүс Христоосоор дамжуулан, бүхы Израилиин зондо айладхаа. Иисүүс Христоос хүн бүхэнэй Эзэн гээшэ.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Римэйхиндэ 9:5

Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Коринфынхидтэ 1-дэхи 1:30

Юуб гэбэл, Бурхан лэ таанадые Христоос Иисүүстэй нэгэдүүлээ, Христоосые манай сэсэн ухаан болгоо. Христоосой ашаар бидэ үнэн сэдьхэлтэнгүүд, Бурханай нангин хүнүүд, сүлөөтэй хүнүүд болообди.

Коринфынхидтэ 1-дэхи 15:25

Христоос бүхы дайсадаа ула дороо оруултараа захирха.

Коринфынхидтэ 2-дохи 5:19

Бурхан Христоос соо оршожо, энэ дэлхэйн зонтой эбээ нэгэдхээ, нүгэлнүүдыень хүлисөө. Тиигээд эб нэгэдхэхэ тухай мэдээсэлээ маанадта даалгаа.

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Колоссынхидтэ 2:3

Христоос болбол Бурханай мэргэн ухаанай болон мэдэрэлгын баялигые нээхэ түлхюур юм.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Тидтэ 2:13

Манай агууехэ Бурханай, Абарагша Иисүүс Христоосой алдарай элирхэ тэрэ үршөөлтэй Үдэртэ найдан, тэрэ Үдэрые хүлеэжэ байнабди.

Еврейнүүдтэ 1:8

Гэхэдэ Хүбүүн тухайгаа Бурхан: «Хан шэрээшни Бурханай шэрээ мэтэ, хэтэ мүнхэдөө оршохо. Хаанта баягшни – зүб шударга ёһын баяг.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.

Гэршэлгэ 19:16

Тэрэнэй суба дээрэ, гуя дээрэ иигэжэ бэшээтэй: хаашуулай Хаан, эзэдүүдэй Эзэн.

Ударидагшад 13:18

Эзэнэй Эльгээмэл Манооһаада иигэжэ айладаба: – Ши юундэ минии нэрые һурабаш? Минии нэрэ юрэ бусын юм.