Исай 9:3 - Библи

³ Бурхан, Та үндэһэ яһатаниие олошоруулаат, ехэ баяр тэдээндэ түхөөгөөт. Зон олзо хубааха үедэ баярладаг мэтэ, Танай урда ургаса хуряан баярлана.

Исай 9:3 Referencias Cruzadas

Нэхэмьяа 9:23

Та тэдэнэй үри һадаһадые тэнгэриин мүшэдтэл олон болгоот. Израильшууд эндэ ерэжэ эзэмдэн һууха гэжэ тэдэнэй эсэгэнэртэ Та айладаһан байжа, үри һадаһадыень энэ нютагта асараат.

Иоов 12:23

Зарим улас үндэһэтэниие хүсэтэй болгожо, нүгөөдүүлынь нураан унагаадаг. Зарим уласай газарынь үргэдхэнэ, зариманай газар буляан абадаг.

Псалманууд 4:7

«Хэн нэгэн бидэндэ жаргал асарха гү?» гэжэ олон зон хэлэнэ. Эзэн! Маанад руу һаруул харасаа шэглүүлыт!

Исай 10:26

Хирээгэй шулуун дээрэ Мидианай зониие сохиһондол, Би, Түмэн Сэрэгтэ Эзэн, тэдэниие ташуураар ташуурдахаб. Египедые хэһээһэндэл Ассириие хэһээхэб.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 14:5

Эзэн муу муухай зоной засаг зонхилолтые болюулба!

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 26:15

Эзэмнай, Та арад түмэниие олошоруулаат, ороной газар дэбисхэр үргэдхөөт. Иигэжэ Өөрыгөө алдаршуулаат.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 35:2

Зэлүүд хооһон газар сэнгэн баясажа, баяртайгаар хашхаран хуугайлан байха. Ливаанай хада ууладал энэ угаа һайхан, Кармээл болон Шарооной таряалангуудтал үрэжэлтэ баян болохо. Хүн бүхэн Эзэнэй ялас гэмэ оршол, һүр жабхалан адаглан хараха.

Исай 54:1

Иерусалим, ши үхибүү түрөөгүй, үри хүүгэдгүй эхэнэр, хүхин баясыш! Үхибүү түрэхын зоболон мэдэрээгүй эхэнэр, хүхииш, баярлыш! Юуб гэхэдэ, хадамда гараагүй эхэнэр хадамтай эхэнэртэ орходоо тоогүй олон үхибүүтэй байха. Иигэжэ Эзэн айладхаа.

Исай 55:12

Таанад баяртайгаар гаран ошохот, амар амгалан үдэшүүлхэт. Уула гүбээнүүд баярлан дуулалдаха, талын бүхы модод альгаа ташаха.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 61:7

Доромжолуулдаг сагтнай дүүрээ. Таанад өөһэдынгөө газар дайда дээрэ ажаһуужа, хоёр дахин ехээр эд баялигтнай нэмэхэ, хэтэ мүнхэдөө баясан баярлан байхат.

Исай 65:14

Тэдэ баясан хүхилдэн байха, харин таанад сүхэрэн-орилон байхат.

Исай 65:18

Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Исай 66:10

Иерусалимда дуратай зон, тэрээнтэй баясан сэнгэгты! Тэрэнэй түлөө һанаагаа зобогшод, булта тэрээнтэй хамта баясан жаргагты!

Ерэмияа 31:7

Эзэн иигэжэ тунхаглана: Яковта баяртай шангаар дуу дуулагты, үндэһэ яһатадай эгээл ехыень угтагты. Тунхаглан, иимэ магтаал үргэгты: «Эзэн Өөрынгөө арад түмэниие абараа, үлэһэн бүхы зоноо абараа!»

Һошээ 4:7

Санаартад олошорхо бүри урдаһаам нүгэл шэбэлээ бүри олоор үйлэдэжэ байна. Би тэдэнэй алдар солые эшэмхэй муу байдалаар һэлгэхэб.

Левит 26:13

Би Эзэнтнайб, таанадые богоол болоод, Египедэй газарта зобохогүйн түлөө хөөмэгшыетнай бута сохёоб, толгойетнай дээрэ үргүүлэн, таанадые дахуулжа, тэндэһээ гаргаа бэлэйб.

Захарияа 10:8

«Би тэдээндэ дохёо үгэжэ, нэгэ газарта суглуулхаб, юундэб гэхэдэ, тэдэниие түлөөһөөр бусаагааб. Тэдэ урданайхи шэнги тоо томшогүй олон болохо.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Захарияа 8:23

Түмэн Сэрэгтэ Эзэн айладана: Тэдэ үдэрнүүдтэ ондоо хэлэн дээрэ дуугардаг арбан зон нэгэ иудей хүндэ ерэжэ, хубсаһанһаань татан хэлэхэ: «Бурхан тантай гэжэ дуулаабди. Бидэниие өөһэдтөө абыт».

Лука 11:22

Бүри хүсэтэй хүн тэрээндэ добтолжо ороод, тэрэниие диилээ һаа, бүхы найдалынь болохо буу зэбсэгыень буляаха, зөөрииень олзолхо байна.

Хэрэгүүд 8:8

Тиимэһээ тэрэ хотодо ехэ баяр тудаа.

Филиппынхидтэ 4:4

Эзэнтэй нэгэдэһэндээ ходо баясажа байгты. Баясагты гэжэ би дахин хэлэнэб.

Пётрой 1-дэхи хандалга 1:8

Тэрэниие хараагүйшье һаа, таанад Тэрээндэ дуратайт; мүнөө Тэрэниие харангүйшье байхадаа, Тэрээндэ этигэнэт. Тиимэһээ таанад үгэнүүдээр дамжуулхын аргагүй, гайхалтай баяраар баясанат,

Ударидагшад 5:3

Хаашуул, шагнагты! Хайхарагты, амбан һайд! Би Эзэндэ дууланаб. Би Израилиин Бурханда магтаал дуугаа үргэнэб!

Ударидагшад 7:22

Гидооной гурбан зуун сэрэгшэд эбэр бүреэнүүдээ үлеэбэ. Эзэн майхан хүреэн соогоо байһан мидианай сэрэгшэдые бэе бэетэеэ тэмсэхэ эсэргүүсэлгэндэ абаашаба. Тэдэнэр һэлмээрээ бэе бэеэ хадхажа алабад. Тэдэнэй амиды үлэһэн сэрэгшэд Цэрэраа тээхи зүгэй мүрэнэй эрьедэхи Бэт-Шитаа болон Таббаат хотын хажуудахи Абээл-Мэхолаагай хилэ хүрэтэр тэрьедэн зугадаба.

Ударидагшад 8:12

Зээбах, Цалмуннаа хоёр зугадан тэрьедэбэ. Гэбэшье Гидоон тэдэнэй хойноһоо намнажа хүсөөд, Мидианай хаашуулые барижа, тэдэнэй сэрэгүүдые үй бута сохибо.

1 Хаан түрэнүүд 30:16

Тиигээд тэрэ Давидые дахуулан абаашаба. Харахада, амалээгүүд газараар дүүрэн таранхай, пилиштүүдэй болон Иудын газарһаа олзолон абаһан ехэ олзоһоо боложо, һайндэрлэжэ, эдижэ, уужа байба.