Исай 9:18 - Библи

¹⁸ Зоной муу муухай ябадал гал мэтэ соробхилжо, үүргэнэ болон хадхуурта һөөгүүдые шатаана. Энэ хадаа ойн шэрэнгэ хүрэтэр носожо, дээшээ утаан бахана мэтэ хөөрэнэ.

Исай 9:18 Referencias Cruzadas

3 Хаан түрэнүүд 16:21

Тиигээд Израилиин арад түмэн хоёр хэһэг болон хубаарба: хахадынь Гинаадай хүбүүн Тибнии гэгшые, нүгөөдэ хахадынь Омриие хаан болгохо дуратай байба.

Псалманууд 37:20

Харин дайсадни амиды мэндэ, хүсэтэй болоно, ямаршье шалтаггүй намайе үзэн ядагшад олошорно.

Псалманууд 68:2

Бурхан, намайе абарыт, юуб гэбэл, ехэ уһан аминдамни хүрэжэ байнал.

Исай 1:31

Хатаһан набша намаагай ошонһоо аһажа-шатажа байһандал, хүсэ шадалтай зоншье муу муухай хэрэгүүдэйнгээ хэмээр усадхагдажа эхилхэ, хэншье энэ гай тодхор саража-болюулжа шадахагүй.

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 27:4

Уур хилэн намда үгы. Гэбэшье хадхуур, үүргэнэ ургуулжа, урдаһаам тулахаар бодоболнь, Би дайлан гарахаб, тэрэниие дууһан шатаахаб!

Исай 3:5

Хүн бүхэн бэе бэеэ дарлажа байха. Залуушуул аха захатанаа хүндэлхэеэ болихо, хара зон нэрэ түрэтэйшүүлээ хүндэлхэгүй.

Исай 30:30

Эзэн һүрдэмэ шанга хоолойгоор бужаганажа, гараа һунган сохихо. Уур хилэнгынь угаа ехэ, үрэбхилдэг галай дүлэн дүлэгэнэхэ. Шуурган, үер, мүндэр орожо эхилхэ!

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Исай 33:12

Таанад бусалжа байһан сагаан шохойдол, галда шатажа байһан үүргэнэдэл адли болохот.

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 5:24

Тиимэһээ тэдэнэй үндэһэн һолоомын болон хатаһан үбһэнэй гал дүлэндэ шатаһандал адли хосорхо, тэдэнэй сэсэг хатажа, хумхаа тооһон болохо, юундэб гэхэдэ, тэдэ Түмэн Сэрэгтэ Эзэнэй Хуули буруушаагаа, Израилиин арюун Бурханай үгэнүүдые тоогоогүй.

Исай 50:11

Гал түлижэ, гартаа гал баряад ябааша таанад! Өөрын галай гэрэл соо, өөһэдын носоогшо галаа барин ябыта, хамаагүй! Минии гар таанадта иимэ юумэ ушаруулха: таанад зобожо хэбтэхэт!

Ерэмияа 9:3

Татаһан һурша ном мэтэ худал хэлэтэйл тэдэ. Энэ газар нютагта худал үгэ үнэн сэхэһээ хүсэтэй болоо. «Минии арад муу муухай юумэ хойно хойноһоо үйлэдэнэ, Намайе Бурхан гэжэ тооногүй», – гээд Эзэн айладхана.

Һошээ 13:3

Энээнэйнгээ түлөө тэдэ үглөөнэй манан, түргэн хатадаг шүүдэр, таряа сохиходо гарадаг мэхиинэ, соргоор бааяһан утаан мэтэ үгы болохо!

Ёһээл 2:20

Хойто зүгһөө ерэһэн угсаатаниие таанадһаа холодуулхаб. Тэдэниие сүл хооһон дайда руу ябуулхаб. Заримашуулынь Дабһата далай тээшэ, нүгөөдүүлынь Дундада далай руу талииха. Эдэ зон ехэ хоро хүргөө, тииһэнэйнгээ түлөө харюусаха. Үхэһэн хүнүүдтэл тэдэ үжэжэ, үмхэй муухай үнэр гутажа захалха».

Ёһээл 2:3

Тэдэ хойноо шатаһан газар үлөөнэ. Ерэхэһээнь урид Эдээмэй сэсэрлиг шэнги байгаа һаа, арадань хооһон губи болодог. Тэдээнһээ тэрьелхэ арга огто үгы.

Амоос 7:4

Эзэн Бурхан намда иимэ юумэ үзүүлээ: Тэрэ гал бороо дуудана хэбэртэй. Тэнгис далай дүрэлзэбэ, хубинь шатажа дууһаба.

Авдии 1:18

Удаань Яковай удам гал боложо, Иосифой удам дүлэн болохо, Эсаавай удам һолоомо шэнгеэр соробхилхо. Эсаавай уг удамһаа нэгэшье хүнэй амиды үлэхэгүй болотор тэдэниие галда шатааха», – гэжэ Эзэн айладаа.

Наум 1:10

Орёосолдоһон адаалхай һөөг ба хуурай һолоомо мэтэ таанар архиншадтал шатан үхэхэт!

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Хуули дабталга 32:22

Гал дүлэн мэтээр Минии уур сухал бужаганаа, үхэлэй орон хүрэтэр дүлэтэнэ, газарые болон хэшэгыень шатаан залгижа, хада уулын үндэһэ һуури хайрана.

Еврейнүүдтэ 6:8

Харин тиихэдэ хашаг болон буртаг үбһэ ургуулһан газар юундэшье хэрэггүй, Бурханай хараалда арай хүртөөгүй, галда шатаагдаха хойшолонтой байдаг.

Гэршэлгэ 14:11

Тэдэниие зобоогшо галай хара утаан хэтын хэтэдэ өөдөө хөөрэн дэгдэхэ, тиин арьяатанда, тэрэнэй хүрэг дүрсэдэ һүгэдэн мүргэгшэдтэ, тэрэнэй нэрэтэй тамгатайшуулда үдэр һүнигүй амар заяа үзүүлэгдэхэгүй».