Исай 9:15 - Библи

¹⁵ Толгойнь хадаа үндэр наһатайшуул ба ноёдынь, һүүлынь хадаа худал хуурмаг лүндэншэд болоно.

Исай 9:15 Referencias Cruzadas

3 Хаан түрэнүүд 13:18

– Би тандал адли лүндэншэ гээшэб. Эльгээмэл Эзэнэй үгэ намда дамжуулан, «тэрэниие гэртээ оруулжа, эдеэ хоол, унда таби» гэжэ айладхаа юм, – гэжэ үндэр наһатай лүндэншэ хэлэбэ. Гэбэшье тэрэ худалаар хэлээ.

Иоов 22:8

Тиихэ хирэдээ хүсэ шадалтай хүн газар эзэлдэг, нэрэтэй солотой зон тэндэ һуудаг гэжэ тоолодог байгааш.

Исай 19:15

Иигэжэ хэншье – баян, үгытэйшье, засаг баряаша, юрын хүншье Египедтэ ямаршье туһа хэжэ шадахагүй.

Исай 23:9

Бүхы гоо үзэсхэлэнгыень, бардам бахархалыень доромжолхын тула Түмэн Сэрэгтэ Эзэн энээниие түсэблэн хээ юм.

Исай 28:15

Үхэл хаталтай хэлсээ хэнхэйбди, үхэлэй оронтой үгэеэ ойлголсонхойбди гэжэ һайрхан дуугарнат. Гай тодхор таанадые зайлан гараха, худал хуурмаг, мэхэ гохо таанадые аршалха гээд һананат.

Исай 28:17

Һууриин шулууе хэмжэхэ шугам хадаа шударга ёһо болохо, тэрээниие тодоруулан харуулһан зурлаа хадаа үнэн зүб болохол. Танай худал хуурмагай хорохо газар шуурган мүндэртэ үгы хэгдэхэ, уһан үер аюулгүй байдалыетнай таһалдуулха.

Исай 28:7

Лүндэншэд, санаартадшье хүрэтэрөө үзэмэй дараһан архиһаа найгажа, шара айрагһаа алмайржа байна. Бурханай эльгээһэн үзэгдэлые лүндэншэ ойлгожо шадахаар бэшэ һогтуу, хэрэгүүдые шиидхэжэ шадахаар бэшээр санаартад һогтуу.

Исай 29:10

Эзэн таанадые гүн нойрто абтуулаа. Лүндэншэд, нюдыетнай хаагаа! Үзэлшэд, толгойетнай боогоо!

Исай 3:12

Хүүгэд арад зониием дарлажа, эхэнэрнүүд арадыем хүтэлбэрилнэ. Арад түмэмни! Удамаршадтнай таанадые төөрюулжэ, зүб харгыһаатнай хадууруулаа.

Исай 3:5

Хүн бүхэн бэе бэеэ дарлажа байха. Залуушуул аха захатанаа хүндэлхэеэ болихо, хара зон нэрэ түрэтэйшүүлээ хүндэлхэгүй.

Исай 43:27

Элинсэг эсэгэшни нүгэл хэжэ, удамаршадшни Намда һөөргэдэбэ.

Исай 5:13

Тиимэһээ ойлгодоггүй хадаа арадни баряанда туугдан ошохо. Удамаршадынь туража үхэхэ, хара зониинь ангажа хосорхо.

Исай 59:3

Таанад хүниие алажа, буруу шүүжэ, худалаар хэлэжэ, нүгэл хээт.

Исай 59:4

Хэншье зүб шударга юумэнэй түлөө тэмсэнэгүй, хооһон, худал юумэ хэлэнэ. Муу муухай хэрэгүүдые түсэблэжэ, тэрэнээ бэелүүлнэт!

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 23:9

Лүндэншэд тухай. Зүрхэмни хүмэринэ, бүхы бэем һалганана. Эзэнһээ ба Тэрэнэй нангин үгэнүүдһээ боложо, би һогтуу хүн мэтэ, үзэмэй дараһан архида диилдэһэн хүн мэтэ болооб.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 13:19

Адха таряанай, зүһэм хилээмэнэй түлөө таанад Намайе арад зоноймни урда бузарланат. Амиды мэндэ үлэхэ зониие аланат, үхэхэ зониие амиды байлганат. Арад түмэндэм худал юумэ дуулганат.

Эзэкээл 13:22

Минии дайрангүй орхихоёо һанаһан арюун сэбэр ябадалтай зондо таанад һаад хэнэт. Харин муу муухай ябадалтай зониие муу ябадалтай зандаа үлэхэдэнь урмашуулжа, дэмжэжэ байнат.

Һошээ 9:8

Бурханай лүндэншэн Эпрааимые харууһалхаяа оролдоо, теэд Эпрааимай бүхы замда урьха табигданхай, тиин Эпрааимай Бурханай нангин үргөө соо зэбүүрхэл эсэргүүсэл оршоно.

Амоос 2:4

Эзэн иигэжэ айладхаа: Иудын улад зон гэмээ нэмээһээр. Шиидхэһэнээ Би болюулхагүйб. Һургаалыем буруушаажа, хуули ёһонуудыем сахяагүйнь түлөө, эсэгэнэрэйнь дагадаг онгонуудай замһаань тэдэниие хадууруулһанай түлөө

Михей 3:5

Эдилгэ үгэдэг зондо амгалан тайбаниие худал найдуулжа, эдилгэ үгэдэггүй зондо дайн дажар болохо гэжэ һүрдөөжэ байгааша худалша лүндэншэд арад зониием мэхэлнэ. Эзэн эдэ лүндэншэдтэ иигэжэ айладхана:

Малаахи 2:9

– Тиигэжэ таанад Минии зам сахинагүйт, харин заабари элдэбээр тайлбарилан гуйбуулжа байнат. Тэрээнэйтнай түлөө Би таанадые арад түмэнэй урда хүндэгүй болгожо, баһамжалуулхаб.

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Иоаннай 1-дэхи хандалга 4:1

Инаг хайрата аха дүүнэрни, али бүхы һүлдэнүүдтэ бү этигэгты, Бурханһаа эльгээгдэһэн һүлдэнүүд гү гэжэ шалгагты, юундэб гэбэл, худал хуурмаг лүндэншэд газар дэлхэй дээрэ олон болошонхой.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

1 Хаан түрэнүүд 9:6

Зарасань тэрээндэ: – Хүлеэгты. Энэ хотодо Бурханай хүн бии. Тэрэ хүндэтэй хүн. Тэрэнэй хэлэһэн юумэн булта бэелүүлэгдэдэг. Мүнөө тэрээндэ ошоё. Хаана элжэгэнүүдые олохыемнай тэрэ заажа үгэжэ магад, – гэбэ.