Исай 9:13 - Библи

¹³ Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Исай 9:13 Referencias Cruzadas

2 Угай бэшэг 28:22

Гай гасаланта үе сагай тохёолдоодшье байхада Ахааз хаан Эзэнэй урда гэм зэмэ хэһээр зандаа байба.

Иоов 36:13

Бурханиие сэгнэдэггүй зон хоро һанажа ябадаг, түрмын оёорой гэмтэн болоһоншье һаа, Тэрээнһээ туһаламжа эридэггүй.

Исай 1:5

Үсэрхэлгэеэ дам үргэлжэлүүлжэл байгаашад, хаагууртнай үшөө сохимоор бэ?! Толгойтнай хуу яра шарха, бүхы зүрхэ сэдьхэлтнай үбшэ хабшан болонхой.

Исай 19:15

Иигэжэ хэншье – баян, үгытэйшье, засаг баряаша, юрын хүншье Египедтэ ямаршье туһа хэжэ шадахагүй.

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 31:1

Египедһээ туһа эрихэеэ ошогшод дэмы һалаха! Тэдэ Египедэй олон моритой, тэргэнүүдтэйдэнь, мори унаашадайнь хүсэтэйдэ найдана, харин Израилиин Нангин Эзэндэ түшэглэнэгүй, найданагүй, туһа эринэгүй.

Исай 57:17

Тэдэнэй хомхой хобдог байһанда, нүгэл хэхэдэнь Би уурлажа, тэдээнһээ арсаа бэлэйб. Теэд тэдэ юушье ойлгоогүй, үсэд нэтэрүүгээр тэрэ нүгэлтэй замаа үргэлжэлүүлээ.

Исай 7:20

Ассириин гараар Эзэн Иудын хан түрые хэһээхэ. Тэрэ Ассириин хааниие үһэ заһагша мэтээр хэрэглэжэ, дороһоо дээшэнь бултыень – хүлэйтнай, толгойнтнай үһэ зүһэ, һахал һамбай хюһан абаха.

Ерэмияа 15:7

Асаар һолоомо һалхитуулан тарааһандал, Би таанадые газар дэлхэйн бүхы хотонуудаар тараагааб. Үхи хүүгэдыетнай үгы хээб, та бүгэдые усадханаб. Юуб гэхэдэ, таанад буруу замаа орхиногүйт.

Ерэмияа 29:11

Таанад тушаа түсэблэһэн юумэеэ Би гансал Өөрөө мэдэнэб, гай тодхор бэшэ, амгалан тайбаниие таанадта үршөөхэб, танай найдадаг ерээдүйе үгэхэб.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Эзэкээл 22:24

– Хүнэй үри Эзэкээл! Израилиин улад зондо газартнай муу муухай, тиимэһээ Минии, Эзэнэй, тэрэниие хэһээһэн тушаа дуулга.

Эзэкээл 24:13

Хэдышье сэбэрлээ һаам, ши, Иерусалим, жэгшүүритэй муухай, нүгэлтэй зандааш. Уур хилэнгээ гүйсэд гаргатарни ши сэбэр болохогүйш.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Һошээ 7:10

Израилиин арад зониие доромжолжо байна, теэд тэдэ Намда, Эзэн Бурхандаа, ханданагүй, туһа эринэгүй.

Һошээ 7:16

Тэдэ Намһаа бүри холодоо. Гажанхай һурша номдол ямаршье аша туһагүй тэдэ болоо. Дээрэлхүү үгэнүүдые хэлэһэндээ удамаршадынь һэлмээр сабшагдан хосорхо. Тиихэдэнь Египедэй зон тэдэниие наадалан энеэлдэхэ.

Амоос 4:10

Египедтэ үйлэдэһэндэл адляар Би таанад руу гай гамшиг эльгээгээб. Залуу зонииетнай Би һэлмээр сабшан усадхааб. Дайсад моридыетнай абаашаа. Үхэһэн сэрэгшэдэйтнай һэенүүдһээ үмхэй муухай үнэр танар хотон хүреэнүүдээртнай таража, таанад тэрээгээр амилан байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Амоос 4:6

Энээнэй түлөө Би танай хотонуудаар үлэсхэлэн хооһон байдал тохёолдуулааб, хүдөө нютагуудаартнай шэмхэшье таряан үлөөгүй. Теэд таанар Нам руу эрьеэгүйт! Энэ болбол Би, Эзэн, тунхаглана мүн!

Цэпаанияа 1:6

Намһаа буруу харагшадые, Намайе бэдэрээгүй, һурагшалан Нам руу ерээгүй зониие усадхахаб.

Хуули дабталга 4:29

Гай тодхорой таанадые нэгэ хэды болоод дайража эхилхэдэ, зобохо зүдэрхэ үедөө Эзэн Бурхандаа эрьехэт. Тиихэдээ Тэрэниие бэдэрээ һаа, бүхы зүрхэ сэдьхэлээрээ шүтэн бэдэрбэл, олохот, Тэрэнэй үгэ соо байхат.