Исай 8:8 - Библи

⁸ Тэдэ Иудын хан түрын газараар үер мэтэ дэлгэржэ, хүзүү хоолойдонь хүрэтэрөө, шэнгээхэ болотороо тулаха, бүхы газарыень эзэлхэ. Далинуудынь шинии бүхы газар дээгүүр далбаатай байха, Эммануил!»

Исай 8:8 Referencias Cruzadas

4 Хаан түрэнүүд 17:3

Ассириин хаан Шалманасаарай дайгаар Һошээдэ добтолон ороходо, Һошээ тэрээнэй мэдэлдэ орожо, алба татабари түлэдэг болобо.

2 Угай бэшэг 12:4

Шишаак Иудын хан түрын хэрэм хотонуудые эзэлэн абажа, Иерусалимда тулан ерэбэ.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 30:28

Амисхалынь ама хаажа байһан үертэл адли, арадуудые үхэлэй һагшуураар Тэрэ һагшаха. Тэрэ арадуудай үрүүндэ замһаань хадууруулха хазаар байна.

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Исай 7:17

Гэбэшье Иудын хан түрэһөө Эпрааимай таһарһан сагһаа хойшо үзэгдөө-харагдаагүй гай гасаланта үдэрнүүдые Эзэн таанадта, улад зондотнай, гэр бүлэдэтнай тохон тохёолдуулхань. Тэрэ юун бэ гэхэдэ, Ассириин хааниие Тэрэ асархань.

Исай 8:10

Байлдаа яажа ябуулхаяа түсэблэгты! Гэбэшье тэдэ түсэбүүдтнай бүтэхэгүй. Захиралта үгэнүүдые сэрэгтэ хэлэгты! Гэбэшье эдэ бүгэдэ ямаршье туһагүй, юуб гэхэдэ, Бурхан бидэнтэй хамта!

Ерэмияа 47:2

Тэрэ иигэжэ айладхаа: Харыт! Хойто зүгтэ уһан бодожо, үер мэтэ урдахань. Тэрэ газар дайдые, дээрэнь байгааша бүхы юумэ – хото һууринуудые, ажаһуугшадые хушан бүрхөөхэнь. Зон туһа эрихэ, орон нютагай улад гашуунар уйлаха даа.

Ерэмияа 48:40

Эзэнэй айладхаһанай ёһоор, ондоо арад түмэн Моһаабта даляа дэбиһэн бүргэд мэтээр добтолон орохо.

Ерэмияа 51:42

Тэнгис далай Вавилоон дээгүүр гаража, шааяата долгидоорнь тэрэ хушагдаа.

Эзэкээл 17:3

Минии, Эзэн Бурханай, айладхаһые тэдэнэй ойлгохоор хөөрөөрэй. Зай, мантан далинуудтай, үнгэтэ үдэнүүдтэй угаа томо бүргэд нэгэтэ Ливаан руу ниидэбэ. Хуша модоной орой тэрэ хухалаад,

Эзэкээл 26:19

Би, Эзэн Бурхан, шамайе хаясаанай, орхисооной газар болгохоб. Тэнгис далайн уһан дээшээ бодожо, шамайе бүрхөөхэ.

Даниил 11:10

Хойто зүгэй хаанай хүбүүд дайнда бэлдэжэ, асари ехэ сэрэг суглуулан бүридхэхэ. Тэрэ сэрэг үер мэтэ урдажа, урда зүгэй хан түрын хэрэм ханануудта добтолхо.

Михей 1:9

Самариин шархань эдэгэшэгүй, Иудадашье энэнь хүрөө, арад зоноймни ажаһуудаг Иерусалимай хаалганууд хүрэтэршье ерээ.

Михей 5:5

Амгалан тайбан байдал тогтохо. Ассириин сэрэгэй манай газар уһанда ерэжэ, манай хамгаалалтые гэшхэн гарахадань, бидэ урдаһаань тулахаар хэдэн шанга удамаршые эльгээхэбди.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.