Исай 8:7 - Библи

⁷ Би, Эзэн Бурхан, тэдээндэ бүхы сэрэгээрээ добтолхыень Ассириин хааниие асархаб. Эрьеһээ халин үерлэгшэ Евфрат мүрэнэй ехэ урасхал уһандал адли тэрэнэй сэрэг нэбтэрэн-халин ерэхэл.

Исай 8:7 Referencias Cruzadas

Эхин 6:17

Амиды хамагые үгы хэхэеэ Би түби дэлхэйдэ уһан галаб – асари ехэ үер буулгахаб. Энэ дэлхэй дээрэ байгаа амитан бүхыдөө хосорхо.

4 Хаан түрэнүүд 19:32

Ассириин хаан тушаа Эзэн айладхаба: Тэрэ энэ хото руу орохогүй, тиишэнь ном годлинуудаа харбахагүй. Хотын урдаһаа бамбай бариһан сэрэгынь ерэхэгүй, бүһэлүүр обоошье бодхоохогүй!

Эзраа 4:10

агууехэ хаан Аснаппаарай Самариин хотонуудаар, Евфрат мүрэнһөө баруулжаа нютагуудаар нүүлгэһэн бусадшье арадуудай түлөөлэгшэдэй зүгһөө захирагша Рэхүүм, бэшээшэ Шимшай гэгшэд бусад нүхэдтэеэ бэшэнэбди».

Псалманууд 46:4

Тэрэ бидэн доро арадуудые, ула доромнай арад зониие оруулаа.

Псалманууд 72:8

Тэдэ баһажа, гүжэр үгэ тараадаг, бардамлан дуугардаг.

Исай 10:16

Тиимэһээ шанга баатарнуудыень хэһээхын тула Түмэн Сэрэгтэ Эзэн үбшэ хабша эльгэхэеэ байна. Тэдэнэй бэе махабадта гал дүлэн аһажа байһандал болохо, тэдэ шатаха-зобохо.

Исай 10:5

Эзэн иигэжэ айладхаба: «Оо, Ассири! Сухалым хүргөөһэн зониие Ассириин гараар, ташуур мэтээр тэрэниие хэрэглэн, хэһээхэм.

Исай 11:15

Эзэн Египедэй далайн хоолойе хатааха, Евфрат мүрэн хатаахаяа халуун һалхяар үлеэлгэхэ, хүнэй шаахайгаа тайлангүй тэрэниие гаталдаг болотор долоон багахан горхон болгон хубааха.

Исай 28:15

Үхэл хаталтай хэлсээ хэнхэйбди, үхэлэй оронтой үгэеэ ойлголсонхойбди гэжэ һайрхан дуугарнат. Гай тодхор таанадые зайлан гараха, худал хуурмаг, мэхэ гохо таанадые аршалха гээд һананат.

Исай 28:17

Һууриин шулууе хэмжэхэ шугам хадаа шударга ёһо болохо, тэрээниие тодоруулан харуулһан зурлаа хадаа үнэн зүб болохол. Танай худал хуурмагай хорохо газар шуурган мүндэртэ үгы хэгдэхэ, уһан үер аюулгүй байдалыетнай таһалдуулха.

Исай 28:2

Үзөөрэйгты, шуурган мүндэр, сүйд хэдэг хара һалхин мэтэ, үерлэһэн уһанай хүсэтэ урасхал мэтэ шадалтай, хүсэтэй нэгэн Эзэндэ бии. Тэрэ газардан хаяха,

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 59:19

Зүүн зүгһөө баруун зүг хүрэтэр бүхы зон Тэрээнһээ, асари ехэ һүр һүлдэһөөнь айха. Голой урасхал, шанга һалхин мэтэ Тэрэ буухал.

Исай 7:17

Гэбэшье Иудын хан түрэһөө Эпрааимай таһарһан сагһаа хойшо үзэгдөө-харагдаагүй гай гасаланта үдэрнүүдые Эзэн таанадта, улад зондотнай, гэр бүлэдэтнай тохон тохёолдуулхань. Тэрэ юун бэ гэхэдэ, Ассириин хааниие Тэрэ асархань.

Исай 7:20

Ассириин гараар Эзэн Иудын хан түрые хэһээхэ. Тэрэ Ассириин хааниие үһэ заһагша мэтээр хэрэглэжэ, дороһоо дээшэнь бултыень – хүлэйтнай, толгойнтнай үһэ зүһэ, һахал һамбай хюһан абаха.

Ерэмияа 47:2

Тэрэ иигэжэ айладхаа: Харыт! Хойто зүгтэ уһан бодожо, үер мэтэ урдахань. Тэрэ газар дайдые, дээрэнь байгааша бүхы юумэ – хото һууринуудые, ажаһуугшадые хушан бүрхөөхэнь. Зон туһа эрихэ, орон нютагай улад гашуунар уйлаха даа.

Ерэмияа 51:42

Тэнгис далай Вавилоон дээгүүр гаража, шааяата долгидоорнь тэрэ хушагдаа.

Эзэкээл 26:19

Би, Эзэн Бурхан, шамайе хаясаанай, орхисооной газар болгохоб. Тэнгис далайн уһан дээшээ бодожо, шамайе бүрхөөхэ.

Даниил 11:10

Хойто зүгэй хаанай хүбүүд дайнда бэлдэжэ, асари ехэ сэрэг суглуулан бүридхэхэ. Тэрэ сэрэг үер мэтэ урдажа, урда зүгэй хан түрын хэрэм ханануудта добтолхо.

Даниил 11:22

Тэрэнэй урдаһаа эсэргүүсэһэн лэ хүн, хэдэн байлдаануудта илалта туйлаһан сэрэгшэдшье, Хэлсээнэй удамаршаншье өөрөө байг, адли хосорхо юм.

Даниил 9:26

Жаран хоёр долоон хоногой үнгэрхэдэ, шэлэгдэһэн удамарша алуулагдаха, хэншье тэрээнтэй үлэхэгүй. Удаань хариин удамарша сэрэгээрээ үер мэтэ ерэжэ, хото болон нангин үргөөе һандарган һүйдхэхэ, дайн дажарай дүүрэтэр гай һандарал үргэлжэлхэ.

Амоос 8:8

Иихэдэнь газар яагаад доһолхогүйб даа?! Бүхы зониинь гашуудан байхал! Эрьеһээ халиһан Нил мүрэн мэтэ газар дээшээ хэлбэлзээд, Египедэй Нилдэл адли һөөргөө номгорхо.

Амоос 9:5

Түмэн Сэрэгтэ Эзэн газарта халта хүрэбэл, тэрэнь гуйбалзаха, ажаһуугшадынь бултадаа гашуудаха. Нил мүрэн мэтэ газар дээшээ хэлбэлзээд, Египедэй Нилдэл адли һөөргөө номгорхо.

Михей 1:9

Самариин шархань эдэгэшэгүй, Иудадашье энэнь хүрөө, арад зоноймни ажаһуудаг Иерусалимай хаалганууд хүрэтэршье ерээ.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Михей 5:5

Амгалан тайбан байдал тогтохо. Ассириин сэрэгэй манай газар уһанда ерэжэ, манай хамгаалалтые гэшхэн гарахадань, бидэ урдаһаань тулахаар хэдэн шанга удамаршые эльгээхэбди.

Наум 1:8

Халин урсаһан үерэй уһан мэтэ Тэрэ дайсадаа харанхы руу намнан, дууһан усадхаха.

Лука 6:48

Жэшээнь, нэгэ хүн газар гүнзэгыгөөр малтажа, гэрэйнгээ һуури шулуун дээрэ табиба гэе. Ехэ үер боложо, тэрэ гэртэнь уһан эбхэрэн ерэбэшье, һууриһаань хүдэлгэхэгүй, юундэб гэхэдэ, тэрэ гэр һайнаар баригдаһан байна. Һургаалыемни шагнажа, бэелүүлжэ байһан хүн тиимэ гэр баригшада адли.

Гэршэлгэ 17:15

Эльгээмэл намда иигэжэ хэлээ: «Янхан эмын һуугша гол мүрэнүүд хадаа элдэб янзын арадууд, улад зон, үндэһэ яһатан, янза бүриин хэлэтэй зон гээшэ.