Исай 8:6 - Библи

⁶ Тэрэ иигэжэ айладхаа: «Эдэ зоной Шилоах горхоной аалин намдуу урасхал уһые шамарлажа, Рэциин ба Рэмаалияагай хүбүүндэ баясажа байһандань

Исай 8:6 Referencias Cruzadas

3 Хаан түрэнүүд 7:16

Табан тохой үндэртэй хоёр зузаан хушалта тэрэ бүтээжэ, бахананууд дээрэ табиба.

Нэхэмьяа 3:15

Мицпаа нютагые толгойлогшо, Хол-Хозээгэй хүбүүн Шаллуум Булагай үүдэ шэнэлбэ. Тэрэ үүдэ шэнэлээд, харшын үүдые пүмпэгэр маягтайгаар бүтээбэ, хаабаринуудыень, мүн шэбхэ, хүшэлгэнүүдыень үлгэбэ. Давидай хотоһоо доошолһон гэшхүүрһээ хаанай сэсэрлиг соохи Шээлах гэжэ сөөрэм хүрэтэр хана һэргээн заһабарилба.

Псалманууд 46:4

Тэрэ бидэн доро арадуудые, ула доромнай арад зониие оруулаа.

Исай 1:20

Харин Минии урдаһаа эсэргүүсэн бодобол, таанад һэлмээр сабшагдан хосорхот». Эзэнэй аман иигэжэ айладхана.

Исай 28:2

Үзөөрэйгты, шуурган мүндэр, сүйд хэдэг хара һалхин мэтэ, үерлэһэн уһанай хүсэтэ урасхал мэтэ шадалтай, хүсэтэй нэгэн Эзэндэ бии. Тэрэ газардан хаяха,

Исай 30:12

Тиимэһээ Израилиин арюун Бурхан иигэжэ айладхана: «Минии айладхал дууланагүйт, дарлалтада найдажа, мэхэ гоходо түшэглэбэт.

Исай 5:24

Тиимэһээ тэдэнэй үндэһэн һолоомын болон хатаһан үбһэнэй гал дүлэндэ шатаһандал адли хосорхо, тэдэнэй сэсэг хатажа, хумхаа тооһон болохо, юундэб гэхэдэ, тэдэ Түмэн Сэрэгтэ Эзэнэй Хуули буруушаагаа, Израилиин арюун Бурханай үгэнүүдые тоогоогүй.

Исай 7:4

– Зүрхэеэ хөөрэнгүй, номгон даруу, айнгүй бай, – гэжэ тэрээндэ хэлээрэйгты, – Рэциин хаан араамшуудтайгаа хамта ба Рэмаалияагай хүбүүн – ууяжа-унтаржа байһан хоёр модон гээшэ, уур сухалаар дүрэлзэбэшье, сүйд хэхэ бэшэ.

Исай 7:6

«Иудын хан түрэ руу шэлжэн орожо, арад зониие айлган һүрдүүлжэ, газар дайдыень өөһэдөө хубаан абаад, тэндэ Табээлэй хүбүүе хаанаар табия».

Исай 7:9

Эпрааимые Самари зонхилно, Самариие – Рэмаалияагай хүбүүн. Танай этигэл бата бэшэ һаа, таанад бата бэхи зогсоногүй гээшэт!

Исай 8:5

Эзэн намтай дахин хөөрэлдэбэ.

Ерэмияа 18:14

Ливаанай хабсагайта үндэрнүүд хэзээ нэгэтэ саһагүй болодог юм гү? Хадын хүйтэн урасхалнуудынь шэргэдэг юм аал?

Ерэмияа 2:13

Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.

Ерэмияа 2:18

Һанаад үзыт, Иудын зон, Нил мүрэнэй уһа уухаяа таанадай Египет руу ошохо түсэбтэ энэ болбол туһалаа гү? Евфрат мүрэнэй уһанһаа уухаяа Ассири руу ошохо түсэбтэтнай энэ хадаа туһалха гү? Үгы!

Лука 13:4

Үгышье һаа, унаһан Шилоамай аранга самхагта даруулжа үхэһэн арбан найман хүниие Иерусалимай бүхы зонһоо үлүү ехэ нүгэлтэй байгаа гэжэ һанана аалта?

Иоанн 9:7

– Иигээд Шилоам сөөрэмдэ ошожо нюураа угаа, – гэжэ Иисүүс тэрэ һохор хүндэ хэлэбэ (Шилоам гэжэ үгэ «Эльгээгдэһэн» гэһэн удхатай). Һохор хүниинь ошожо нюураа угаагаад, юумэ харадаг болоод, ерэбэ.