Исай 8:18 - Библи

¹⁸ Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Исай 8:18 Referencias Cruzadas

Эхин 33:5

Эсаав һэгээ орожо, эхэнэрнүүдые, үхибүүдые обёороод, асууба: – Эдэшни хэд гээшэб? Яков харюусаба: – Танай барлаг болохо намайе Бурхан үреэжэ, иимэ үхи хүүгэдые үршөөгөөл.

1 Угай бэшэг 23:25

Давидай хэлэһэнэй ёһоор: – Израилиин Эзэн, Бурхан өөрынгөө арадта амгалан байдал үршөөжэ, тэрэниие Иерусалимда хэтын хэтэдэ түбхинүүлээ,

Псалманууд 71:7

Тэрэнэй үе сагта зүб шударга хүн сэсэг мэтэ һалбаран байг, һарын туяарха сагта аза жаргал дэлгэрэн-билтаран байг.

Псалманууд 9:11

Нэрыетнай мэдэдэг зондо Та этигэл найдалынь гээшэт, юуб гэбэл, Таниие бэдэрэн дагагшадые орхидоггүйт.

Псалманууд 9:12

Сиондо оршодог Эзэндэ магтаал дуулагты, хэһэн үйлэ хэрэгүүдынь зоной дунда тунхаглагты.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 14:32

«Пилишт орон нютагһаа маанад руу ерэжэ байгааша элшэнэртэ юун гэжэ харюу үгэхэбибди?» «Эзэн Сионой үндэһэ һуури табяа, Тэрэнэй арад түмэнэй зобожо зүдэрһэн зон тэндэ хоргодохо аргатай болоо гэжэ тэдээндэ хэлэхэбди».

Исай 20:3

Эзэн иигэжэ айладхал буулгаба: – Минии зараса Исайн гурбан жэлэй туршада салдаган, хүл нюсэгэн ябаһаниинь Египет болон Эфиопитой юун болохо байһанайнь дүлгэ тэмдэг юм.

Исай 24:23

Түмэн Сэрэгтэ Эзэнэй Сион хада уулаһаа Иерусалимые зонхилон-захиран хаан шэрээ эзэлжэ залархада, һүр жабхалангынь арадай удамаршадай урда угаа ехээр яларжа-толоржо, һара, наранай гэрэл тэрэниие диилэжэ шадахагүй.

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Исай 7:16

Һайе мууһаа илгаруулжа шададаг Тэрэнэй болоодүй байтар таанадай айдаг тэрэ хоёр хаашуулай орон нютагууд хооһорхо.

Исай 7:3

Тиихэдэнь Эзэн Исайда иигэжэ айладхаба: – Ши Шэһаар-Яшууб хүбүүнтэеэ хамта Ахааз хаанай урдаһаа ошо. Бүд шэрдэдэг газар руу ошогшо харгыда, дээдэ сөөрэмһөө татаатай уһанай татуурай эсэстэ тэрээнтэй ушархат.

Исай 8:3

Тиигээд би һамгантаяа унтажа, һамгамни хээлитэй болоод, хүбүү түрөө бэлэй. Эзэн намда айладхаба: – Хүбүүгээ «Һаяар дээрмэдэлгэ, түргөөр тонолго» гээд нэрлэгты.

Ерэмияа 44:29

Энэ газар дээрэ таанадые Минии хэһээхэ байһанай, таанадта гай тодхор минии татаха байһанай дүлгэ тэмдэг харуулхаб.

Эзэкээл 12:6

Хаража байхадань үдэшын бараагаар зөөриеэ үргэлөөд, хайшаашье ошоһоноо харахагүйгөөр нюдэ нюураа бүтүүлээд, гаража ошоорой. Ши хадаа Израилиин арад түмэндэ Минии харуулһан дүлгэ тэмдэг болонош.

Эзэкээл 14:8

Би тиимэ хүнэй урдаһаа тулахаб! Тиигээд тэрэ зоной наадан, ябаган зугаа үгэ болохо, Минии арад түмэнэй дундаһаа үгы хэхэб. Тиихэдэм таанад Намайе Эзэн гээд мэдэхэт.

Эзэкээл 4:3

Удаань түмэр хайруулга абажа, шинии болон хотын хоорондохи хана мэтээр табяарай. Тиигээд тэрэ хотодо добтолон оро. Тэрэ хото бүһэлжэ, добтолоорой. Энэ болбол Израилиин арад түмэндэ дүлгэ тэмдэг болохо юм.

Захарияа 3:8

Шагнал даа, ахамад санаарта ши Иисүүс, шинии урда һуужа байһан ахамад санаартан мүн лэ дуулажа байг. Эдэ зон үзэгдэл шэнжын гэршэ болохо. Би Өөрынгөө богоолые, Өөрын Һалаа эндэ асаржа харуулхам.

Захарияа 8:3

Түмэн Сэрэгтэ Эзэн иигэжэ айладана: «Би Сион руу эрьежэ, Иерусалимай дунда оршохом. Тиигээд Иерусалимые Үнэнэй Хото гээд нэрлэхэ, Түмэн Сэрэгтэ Эзэнэй хадые Нангин хада уула гэжэ дуудадаг болохо».

Лука 2:18

Малшадай хэлэһэн юумэ дуулаһан хүнүүд булта гайхажа байгаа.

Лука 2:34

Симеон тэдэ хоёрые адислаад, Иисүүсэй эхэ Марияда хэлэбэ: – Израильда олониие унагаажа һүнөөхын, мүн олониие һэргээжэ абархын тула Бурхан энэ Хүбүүниие шэлэжэ абаа. Энэ Хүбүүн һэргылһэн һүлдэ тэмдэг болохо. Олон зон Энээниие буруушаажа,

Хуули дабталга 28:46

Энэ хараал шэрээл хадаа таанадта мүн уг удамдатнай хэтэ мүнхын хэһээлтэ амасуулха гэһэн Бурханай дүлгэ тэмдэг, харуулһан юумэниинь болохо.

Еврейнүүдтэ 10:33

Таанадые урдань хүнүүд гомдохоодог, доромжолдог бэлэй, тиимэһээ тон тиигэжэ доромжолуулжа байһан хүнүүдые таанад хамгаалхада бэлэн байдаг бэлэйт.

Еврейнүүдтэ 12:22

Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.