Исай 8:16 - Библи

¹⁶ Таанад, минии шабинар, Бурханай намда дамжуулһан айладхал сахиха, хадагалха ёһотойт.

Исай 8:16 Referencias Cruzadas

4 Хаан түрэнүүд 11:12

Ёядаа Ёһаашые газаа гаргаад, хаанай титим үмэдхүүлжэ, хаанай нэрэ түрын тэмдэг барюулжа, оливын тоһо толгойдонь түрхеэд, хаан болоһыень соносхобо. Арад зон альгаа ташажа: «Хаан мандаха болтогой!» – гэжэ хашхаралдабад.

Исай 50:4

Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.

Исай 54:13

Улад зониишни һургажа, урагшатай бэрхэнүүд болгохоб.

Исай 8:20

Эзэнэй һургаал болон гэршэлэлгэдэ хандагты. Тэдэниие сахин дүүргээгүй һаа, худал хуурмаг үгэнүүдтэ хүрмэгдэхэт. Теэд тэдэ үгэнүүд хооһон, аша туһагүйл.

Даниил 12:4

Ши, Даниил, эдэ үгэнүүдые ном соо хадагалжа, тамгалаад, энэ дэлхэйн дүүрэтэр нюугаад байгаарай. Олон зон юумэ ойлгохоёо һэдэжэ, тэрэниие бэдэрхэл.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Матвей 13:11

Тиихэдэнь Иисүүс иигэжэ харюусаба: – Огторгойн хаан түрэ тухай гүн нюусанууд таанадтал тайлбарилагдана.

Марк 10:10

Һүүлдэнь гэртээ ерээд байхадаа шабинарынь үнөөхи һургаһан юумэн тухайнь һураба.

Марк 4:34

Тэдэ зондо Иисүүс гансал һургаалта үгэнүүдээр хэлэдэг бэлэй. Харин шабинартайгаа үлэхэдөө Тэрэ бүхы юумэ тайлбарилжа үгэдэг һэн.

Коринфынхидтэ 1-дэхи 2:14

Зүгөөр Һүлдые тогтоожо абаагүй хүн Бурханай Һүлдын үгэһэн абьяас бэлигүүдые абажа шадахагүй. Тиимэ хүн тэдэ абьяас бэлигүүдые ойлгохогүй, тэдэниие ямаршье удхагүй гэжэ тоолохо. Ушарынь юуб гэхэдэ, тэдэ юумэнүүдые гансал оюун сэдьхэлээрээ ойлгожо болохо.

Хуули дабталга 4:45

Египедһээ гараһанай удаа, Иордан голой зүүн бэедэ, Бэт-Пэһоор хотын урдаһаа тулаһан нюруу дээрэ, Хэшбоондо ажаһууһан Сиһоон хаантай эмоор арадай газарта (Египедһээ гарахадаа, Моисей Израилиин улад зонтой хамта тэрэниие диилээ бэлэй) Израилиин зондо Моисей эрхэ нүхэсэлнүүдые, хуулинуудые, ёһо гуримуудые дамжуулаа һэн.

Еврейнүүдтэ 3:5

Моисей Бурханай гэртэ зарасадал адли найдабаритай байхадаа, Бурханай ерээдүйдэ хэлэхэ юумые гэршэлэн хэлэхэ ёһотой байгаа.

Гэршэлгэ 10:4

Тиигэжэ дуугаралдахадань, юумэ бэшэхэеэ бэлдээд байгааб, теэд: «Долоон аянгануудай хэлээшые бү бэшэ, нюугаад бай», – гэжэ тэнгэри дээрэһээ хэлэхые дуулабаб.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».

Гэршэлгэ 2:17

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Илагшада Би далда хадагалаатай манна эдеэ үгэхэб, сагаан шулуу үгэхэб. Шулуун дээрэнь шэнэ нэрэ бэшээтэй байха, тиин шулуу абагшаһаа ондоо хэншье тэрэ нэрые мэдэхэгүй».

Гэршэлгэ 5:1

Тиигээд долоон тамгаар тамгалан хаагаатай, дотор, гадаргүй бэшээтэй номые хаан шэрээдэ Һуугаашын баруун гартань харабаб.

Гэршэлгэ 5:5

– Бү уйла! Харалши! Илаашань Иудын угай, Давидай үри һадаһан болохо Арсалан тээ тэрэ байна. Долоон тамгыень эбдэжэ, энэ номые Тэрэл нээжэ шадаха, – гэжэ нэгэ ахамадынь намда хэлэбэ.