Исай 7:6 - Библи

⁶ «Иудын хан түрэ руу шэлжэн орожо, арад зониие айлган һүрдүүлжэ, газар дайдыень өөһэдөө хубаан абаад, тэндэ Табээлэй хүбүүе хаанаар табия».

Исай 7:6 Referencias Cruzadas

3 Хаан түрэнүүд 12:16

Хаан маанадай гуйлта анхарбагүй гэжэ Израилиин зон бултадаа ойлгоходоо, иигэжэ дуугаралдаба: «Давидай гэр бүлэ маанарта хэд болохоб?! Ишайн хүбүүн маанадта хуби үлөөхэгүйл. Израилиин зон, гэртээ тарая даа! Рэхобаам өөрынгөө арадые зонхилон байг, маанарта бү хамаархаг». Тиигэжэ Израилиин бүхы улад зон гэр гэртээ тараа бэлэй.

4 Хаан түрэнүүд 11:2

Иораам хаанай басаган, Ахазияагай эгэшэ Ёшэбаа алуулха хуби заяатай байһан хаанай хүбүүдэй дундаһаа Ёһаашые нюусаар хулуужа абарба, тэжээһэн эхэтэйнь хамта өөрынгөө унталгын таһалгада асаржа хоргодуулба. Тиигэжэ Ёшэбаа Ёһаашые Атаалияаһаа нюужа, тэрэ амиды мэндэ үлөө бэлэй.

2 Угай бэшэг 13:8

Давидай уг удамда Эзэнэй үгэгшэ хаанта засагай урдаһаа мүнөө таанад дайлалдаха гэжэ байна гээшэ гүт?! Угаа олон сэрэгтэйт, бурхад болгон таанадта Еробоһаамай дархалуулжа үгэгшэ алтан хүрэгүүдтэйт.

2 Угай бэшэг 21:7

Харин Эзэн Давидтай баталһан хэлсээнһээ боложо Давидай уг удамые хосороохогүйб гэһэн шиидхэбэри гаргаа һэн. Ушар юуб гэхэдэ, үеын үедэ уг удамынь хааншалан байха гэжэ Эзэн Давидые найдуулһан байгаа.

2 Угай бэшэг 28:5

Араамай сэрэг тэрээндэ добтолон диилэжэ, олон зонииень баряанда туужа, Дамааск руу абаашаба. Мүн Израилиин хаанда тэрэ диилдэжэ, һамна бута сохюулба.

Псалманууд 21:11

Хэбэлһээ гараһанһаа хойшо Танай харууһан доро байгааб, бүрилдэһэн сагһаам хойшо Та минии Бурхан мүн.

Псалманууд 83:3

Эзэнэй нангин үргөөгэй хашаа руу орохоо хэды ехэ һананабиб! Зүрхэмни, бэемни Амиды Бурханай урда баясан дуулана.

Һургаал 19:21

Хүнэй зосоо олон һанаан байбашье, Эзэнэй түсэбөөр лэ болохо.

Исай 7:1

Уззияа гэгшын аша, Ётаамай хүбүүн Ахаазай Иудын хан түрые зонхилжо байһан үедэ дайн дажар болоо һэн. Араамай хаан Рэциин ба Израилиин хаан, Рэмаалияагай хүбүүн Пээкаа Иерусалимда дайлаба, гэбэшье эзэлэн абажа шадабагүй.

Исай 7:5

Араамшууд эпрааимуудтай, Рэмаалияагай хүбүүнтэй хамта шинии урдаһаа хорото хэлсээ байгуулаа. Тэдэ иигэжэ хэлэнэ:

Исай 7:7

Харин Би, Эзэн Бурхан, иимэ юумэн болохогүй, бүтэхэгүй гэжэ соносхоноб.

Исай 8:6

Тэрэ иигэжэ айладхаа: «Эдэ зоной Шилоах горхоной аалин намдуу урасхал уһые шамарлажа, Рэциин ба Рэмаалияагай хүбүүндэ баясажа байһандань