Исай 7:2 - Библи

² Эпрааимай газар дайдада Араамай сэрэгэй ороод байһан тухай мэдээсэл Давидай гэр бүлэдэ дуулдахадань, Ахааз хаан арад зонтоёо хамта һалхинда найгажа байһан ойн модод мэтэ шэшэрэлдэн айба.

Исай 7:2 Referencias Cruzadas

2 Хаан түрэнүүд 7:16

Ши хододоо үри һадаһадтай байхаш, хаан түрэшни хэтэ мүнхэдөө оршохо. Хаан шэрээдэ һууха уг удамшни хэзээдэшье таһалдахагүй!

3 Хаан түрэнүүд 11:32

Харин Минии богоол Давидые болон Израилиин бүхы газар нютагууд сооһоо шэлэн абаһан Иерусалим хотые хараада абан, Соломоондо нэгэл обог үлөөхэб.

3 Хаан түрэнүүд 12:16

Хаан маанадай гуйлта анхарбагүй гэжэ Израилиин зон бултадаа ойлгоходоо, иигэжэ дуугаралдаба: «Давидай гэр бүлэ маанарта хэд болохоб?! Ишайн хүбүүн маанадта хуби үлөөхэгүйл. Израилиин зон, гэртээ тарая даа! Рэхобаам өөрынгөө арадые зонхилон байг, маанарта бү хамаархаг». Тиигэжэ Израилиин бүхы улад зон гэр гэртээ тараа бэлэй.

3 Хаан түрэнүүд 13:2

Тэрэ үргэлэй шэрээдэ Эзэнэй айладхал хашхаран соносхобо: – Үргэлэй шэрээ, үргэлэй шэрээ! Эзэн иигэжэ айладхаа: «Давидай уг удамда Ёшияа гэжэ нэрэтэй хүбүүн түрэхэ. Тэрэ шам дээрэ уталга ууюулдаг, мүргэлэй обоонуудай санаартадые үргэл болгон шатааха, хүнэй яһануудые шам дээрэ галдаха!»

2 Угай бэшэг 25:10

Эпрааимай обогһоо ерэһэн сэрэгтэ гэртээ һөөргөө ошохыень Амацияа захирба. Гэртээ бусан ябахадаа тэдэ угаа ехээр Иудын хан түрэдэ уурлажа ошоо бэлэй.

2 Угай бэшэг 28:12

Эпрааимай обогой, Израилиин хан түрын дүрбэн удамаршад – Ёханаанай хүбүүн Азаарияа, Мэшиллэмоодой хүбүүн Бэрэхияа, Шаллуумай хүбүүн Хэзэкияа, Хадлайгай хүбүүн Амасаа дайн дажарһаа бусажа ябаашадай урдаһаа гаража,

Псалманууд 11:1

[Дуунай бүлэгэй хүтэлбэрилэгшэдэ: найман хүбшэргэйтэ зэр зэмсэгэй дууряалга доро. Давидай псалма.]

Һургаал 28:1

Муу хүн хүнэй мүрдөө мүшхөөгүй байхада зугадажа ябадаг, үнэн шударга хүн арсалан шэнги доро зүрхэтэй.

Исай 11:13

Эпрааимай хан түрын атаархал болихо, Иудын хан түрын дайсан мэтэ байхань үгы хэгдэхэ, тэдэ эбтэй эетэй болохо.

Исай 22:22

Давидай ордоной түлхюур тэрэнэй мүр дээрэ табихаб: нээһэн үүдыень хэншье хаахагүй, хааһан үүдыень хэншье өөрын мэдэлээр нээхэгүй.

Исай 37:27

Зүүн зүгэй һалхинһаа хаташаһан зүлгэ ногоон мэтэ, хээрэ талада хагдаршаһан хатаһан ногооной эшэ мэтэ, гэрэй хушалта дээрэ ургажа, найгахын урда тээ хатаһан үрмэдүүл мэтэ болоо, тэндэхи хүнүүд хүсэ шадалгүй, тэнсэлгүйгөөр айһанһаа нэрэеэ хухараа.

Исай 37:35

Өөрынгөө түлөө, Минии барлаг Давидай түлөө Би энэ хотые аршалан абархаб!

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Исай 7:13

Тиихэдэнь Исай иигэжэ хэлэбэ: – Давид хаанай үри һадаһад, одоо шагныта! Зоной тэсэбэри туршажа байхатнай таанадта багадаад, Бурханайшье тэсэбэри туршажа-шалгажа байхаяа һанаба гүт?!

Исай 7:17

Гэбэшье Иудын хан түрэһөө Эпрааимай таһарһан сагһаа хойшо үзэгдөө-харагдаагүй гай гасаланта үдэрнүүдые Эзэн таанадта, улад зондотнай, гэр бүлэдэтнай тохон тохёолдуулхань. Тэрэ юун бэ гэхэдэ, Ассириин хааниие Тэрэ асархань.

Исай 7:5

Араамшууд эпрааимуудтай, Рэмаалияагай хүбүүнтэй хамта шинии урдаһаа хорото хэлсээ байгуулаа. Тэдэ иигэжэ хэлэнэ:

Исай 8:12

– Энэ арадай нюуса хэлсээн гэжэ тооложо байгаашые бүгэдыень нюуса хэлсээн гэжэ бү тооло. Тэдэнэй айжа байгаа юумэнһээ бү ай, бү һүрдэ.

Исай 9:9

Эпрааимай бүхы зон, ниислэл хото Самарида ажаһуугша хүн бүхэн, Тэрэнэй эдэ бүгэдые эрхилһэн тухай мэдэхэ болоно. Мүнөө тэдэ бардам, ехэрхүү зантай. Тэдэ иигэжэ хэлэнэ:

Һошээ 12:1

Израилиин арад зон бүхэли үдэрөө хэндэшье хэрэггүй ажал хэнэ. Худал хуурмаг ябадал, хархис муухай хэрэгүүд үдэр бүри олошорно. Ассиритэй тэдэ хэлсээ батална, Египет руу оливын тоһо абаашана».

Матвей 2:3

Энээниие дуулаад, Ирод хаан, тэрээнтэй хамта бүхы Иерусалимай зон һанаата болобо.