Исай 7:14 - Библи

¹⁴ Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Исай 7:14 Referencias Cruzadas

Эхин 16:11

Ши хээлитэйш. Хүбүүтэй болохош. Тэрээндээ Ишмаһээл гэжэ нэрэ үгөөрэй, юундэб гэхэдэ, зоболондо ороод уйлахадаш, Эзэн шамайе дуулаа. («Ишмаһээл» гэдэгынь «Бурхан хүнэй үгэ анхаран дууладаг» гэһэн удхатай.)

Эхин 29:32

Лэһаа хээлитэй боложо, хүбүү түрэбэ. – Эзэн Бурхан минии гашуудал хаража, хүбүү хайрлаа. Үбгэмни мүнөө намда дуратай болохо бэзэ, – гэжэ тэрэ хэлээд, хүбүүндээ «Рэүбээн» («Хүбүүгээ хараһан» гэһэн удхатай) гэжэ нэрэ үгэбэ.

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

Эхин 30:6

– Бурхан гуйлтыем дуулаад, хүбүү үгэжэ, намайе үршөөгөө, – гэжэ Рахээл хэлээд, тэрэ хүбүүндэ «Даан» («Үршөөгөө» гэһэн удхатай үгэ) гэжэ нэрэ үгэбэ.

Эхин 30:8

– Би эгэшэтэеэ угаа ехэ тэмсэл ябуулжа, диилээб, – гэжэ хэлээд, хүбүүндэ «Напталии» («Минии тэмсэл» гэһэн удхатай) гэжэ нэрэ үгэбэ.

Эхин 4:25

Адаамай һамган дахин нэгэ хүбүү түрөөд: – Хаяанда алуулһан Аабэл хүбүүнэйм орондо Бурхан намда үшөө нэгэ хүбүү үршөөгөө, – гэжэ хэлэн, тэрээндээ Шээт гэжэ нэрэ үгэбэ.

3 Хаан түрэнүүд 13:3

Бурханай хүн үшөө иигэжэ нэмэбэ: – Эзэн үнэхөөрөө энээниие айладхаа гэһэнэй дүлгэ тэмдэг гэбэл, иимэ: хараарайт, үргэлэй шэрээ хамхаран бутарха, дээрэнь байгааша үнэһэн таран хиидэхэ.

Псалманууд 46:8

Юуб гэбэл, Бурхан хадаа бүхэдэлхэйн Хаан мүн! Ирагуу үгэнүүдые дуулан үргэгты!

Исай 38:7

Исай үшөө иигэжэ хэлэбэ: – Эзэн үгэеэ заабол бэелүүлхэ гэһэнэй дүлгэ тэмдэг хадаа иимэ байха:

Исай 8:10

Байлдаа яажа ябуулхаяа түсэблэгты! Гэбэшье тэдэ түсэбүүдтнай бүтэхэгүй. Захиралта үгэнүүдые сэрэгтэ хэлэгты! Гэбэшье эдэ бүгэдэ ямаршье туһагүй, юуб гэхэдэ, Бурхан бидэнтэй хамта!

Исай 8:8

Тэдэ Иудын хан түрын газараар үер мэтэ дэлгэржэ, хүзүү хоолойдонь хүрэтэрөө, шэнгээхэ болотороо тулаха, бүхы газарыень эзэлхэ. Далинуудынь шинии бүхы газар дээгүүр далбаатай байха, Эммануил!»

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Ерэмияа 23:6

Тэрэнэй зонхилхо сагта Иудын хан түрын улад зон абарагдаха, Израилиин зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Ерэмияа 31:22

Найдалгүй улад зон, таанад хэды болотор энэ-тэрээгүүр ябаха юмта? Юуб гэбэл, Би газар дэлхэй дээрэ нэгэ шэнэ зүйл бүтээгээб, эмэгтэй хүнэй эрэ хүниие хамгаалжа байһандал адли тэрэ юумэн юм.

Ерэмияа 44:29

Энэ газар дээрэ таанадые Минии хэһээхэ байһанай, таанадта гай тодхор минии татаха байһанай дүлгэ тэмдэг харуулхаб.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Лука 1:31

Ши хүндэ болохош, хүбүү түрэхэш, тэрээндээ Иисүүс гэжэ нэрэ үгэхэш.

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Лука 2:12

Тэрэниие иимэ дүлгэ тэмдэгээр танихат: мансытай Тэрэ Хүбүүхэнэй малай эдюур соо хэбтэхые харахат.

Лука 20:44

Зай, Давид хаан Бурханай табисууртые Эзэмни гэжэ нэрлэбэл, юундэ Тэрэ Давидай үри болохоб? – гэжэ Иисүүс асууба.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Римэйхиндэ 9:5

Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Ударидагшад 6:36

Гидоон Эзэндэ иигэжэ хэлэбэ: – Израильшуудые аршалан хамгаалхадаш туһалхаб гэжэ Та намда айладаа һэнта. Гэршэлгэеэ намда харуулжа хайрлыт!

1 Хаан түрэнүүд 1:20

Иигэжэ тэрэ хээлитэй боложо, нэгэ жэл үнгэрхэдэ хүбүү түрэбэ. – Би энэ хүбүүе Эзэнһээ гуйжа абааб, – гэжэ хэлээд, тэрэ Самуил гэжэ нэрэ тэрээндээ үгэбэ.

1 Хаан түрэнүүд 4:21

Бурханай ханзын буляагдажа, хадам эсэгынгээ ба үбгэнэйнгөө наһа бараһан ушарһаа тэрэ: – Бурханай алдар Израильһаа һалан ошобо, – гэжэ хэлэн, хүбүүгээ Ихабоод гэжэ нэрлэбэ.