Исай 7:1 - Библи

¹ Уззияа гэгшын аша, Ётаамай хүбүүн Ахаазай Иудын хан түрые зонхилжо байһан үедэ дайн дажар болоо һэн. Араамай хаан Рэциин ба Израилиин хаан, Рэмаалияагай хүбүүн Пээкаа Иерусалимда дайлаба, гэбэшье эзэлэн абажа шадабагүй.

Исай 7:1 Referencias Cruzadas

4 Хаан түрэнүүд 15:25

Харуулшадай дарга Рэмаалияагай хүбүүн Пээкаа Пэкайяада нюуса эсэргүү хэлсээ эмхидхэжэ, Самаридахи ордон соогоо амардаг таһалгадань тэрэниие алаба. Энэ хэрэг үйлэдэлгэндэ табин галаадууд тэрээндэ хамһалсаба. Пээкаа Пэкайяае алаад, өөрөө орондонь хаан болобо.

4 Хаан түрэнүүд 15:27

Иудын хаан Азаарияагай табин хоёрдохи жэлээ хан түрэеэ засаглажа байхада, Рэмаалияагай хүбүүн Пээкаа Израилиин хаан болобо. Тиин тэрэ Самарида хорин жэлэй туршада хаан шэрээдэ һууба.

4 Хаан түрэнүүд 15:37

Тэрэнэй амиды байхада, Эзэн эхин түрүүшынхиеэ Араамай хаан Рэцииниие, Рэмаалияагай хүбүүн Пээкаае Иудын хаан орондо дайгаар эльгээбэ.

4 Хаан түрэнүүд 16:1

Рэмаалияагай хүбүүн Пээкаагай арбан долоодохи жэлээ хан түрэеэ засаглажа байхада, Ётаамай хүбүүн Ахааз Иудын хаан болобо.

4 Хаан түрэнүүд 16:5

Тэрэ үдэрнүүдтэ Араамһаа Рэциин хаан Израилиин хаан Рэмаалияагай хүбүүн Пээкаа хоёр Иудада дайгаар ошобо. Тэдэнэр Ахаазые Иерусалимда бүһэлэн хүреэлөөд, тэрэниие диилэн булижа шадабагүй.

Исай 1:1

Иудын хаашуул Уззияа, Ётаам, Ахааз ба Хэзэкияагай үе сагта Амооцой хүбүүн Исайда Иудын хан түрэ ба Иерусалим тухай Бурханай үзүүлһэн үзэгдэл гэбэл, энэ.

Исай 8:6

Тэрэ иигэжэ айладхаа: «Эдэ зоной Шилоах горхоной аалин намдуу урасхал уһые шамарлажа, Рэциин ба Рэмаалияагай хүбүүндэ баясажа байһандань

Исай 9:11

Тэдээндэ добтолон орохыень Эзэн дайсадыень, Рэцииниие, дуудан зэбсэгжүүлээ.

Эзэкээл 27:16

Араамай зон номин шулуугаар, хүхэ бэхэ үнгэтэй, мүн тиихэдэ шэрэжэ оёһон бүдөөр, гоё һайхан маалинга бүдөөр, шүрэ, рубин шулуунуудаар эд барааешни андалдан абагша һэн.

Һошээ 1:1

Уззияа, Ётаам, Ахааз, Хэзэкияа гэгшэдэй Иудын хаашуул, Ехоһаашай хүбүүн Еробоһаамай Израилиин хаан байха үе сагта Бээриигэй хүбүүн Һошээдэ Эзэнэй дамжуулһан үгэнүүд эдэ мүн.

Михей 1:1

Ётаам, Ахааз болон Хэзэкияа гэгшэдэй Иудын хаашуул байха үе сагта Морээшэт хотын Михейдэ Эзэн айладхал буулгажа, Самари болон Иерусалим хотонууд тушаа үзэгдэл харуулһан байна.