Исай 66:5 - Библи

⁵ Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Исай 66:5 Referencias Cruzadas

3 Хаан түрэнүүд 21:29

– Минии урда Ахаабай номгорһые харана гүш? Номгороо хадань амиды мэндэ сагтань гай тодхор тэрээндэ ушаруулхагүйб. Хүбүүнэйнь хааншалан байха үе сагта бүхы уг удамдань гай гасалан хүргэхэб!

4 Хаан түрэнүүд 22:10

үргэлжэлүүлбэ. – Хилкияа санаарта танда энэ хуйламал бэшэг дамжуулхые намда үгөө. Шапаан бэшээшэ тэрэ хуйламал бэшэг хаанда уншажа үгэбэ.

2 Угай бэшэг 34:27

Гэмээ мэдэрһэнэйш түлөө, энэ газар болон ажаһуугшад тушаань Бурханай үгэнүүдые дуулахадаа, даруу номгон болоһонойш түлөө, гашуудан, хубсаһа хунараа удара татаһанайш, Минии урда бархирһанайш түлөө Би шамайе анхарааб гэжэ Эзэн айладхана.

Эзраа 9:4

Тиихэдэмни нүүжэ ерэгшэдэй гэм зэмэтэ ябадалай түлөө Израилиин Бурханһаа айһан зон булта намда сугларба. Би гашуудалда баригданхай, үдэшын үргэл болотор һуубаб.

Һургаал 13:13

Зарлиг шагнадаггүй хүн өөртөө хохидол асардаг. Зарлигһаа айдаг хүн шагналда хүртэнэ.

Дуунай дуун 1:6

Сэдьхэл зүрхэнэйм хайратамни, хаана һүрэгөө бэлшээхэш? Үдын наранай шангадахада хаана һүүдэртэ абаашахаш? Хэлыш даа, инагни, намдаа хэлэ! Амараг шамайгаа үгылөөд, бусадай һүрэгэй дундуур нюураа бүглөөд ябахам хайшаа юм?

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 5:19

«Эзэн айладхалаа түргөөр бэелүүлэг лэ, бидэ тэрэнииень нюдөөрөө харахаяа һананабди. Израилиин арюун Бурхан түсэбөө бэелүүлэг лэ, бидэ тэрэнииень лаб мэдэхэеэ хүсэнэбди!» гэжэ тэдэ хэлэнэ.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 65:13

Тиимэһээ Би, Эзэн Бурхан, таанадта иигэжэ соносхоноб: Намда һүгэдэн зальбардаг зон эдихэ хоол, ууха ундаар элбэг-дэлбэг байхадань, таанад гэдэһээ үлдэжэ, ангажа байхат.

Исай 66:2

Эдэ бүгэдые Би Өөрөө бүтээгээ һэм. Даруу зантай, Намһаа айдаг, үгыем дууладаг зоной талые харахаб.

Ерэмияа 36:16

Уншаһанайнь удаа тэдэ бэе бэеэ мэгдэнгеэр харалсаад, «Бидэ энээн тушаа хаанда дуулгаха ёһотойбди» – гэжэ Баруухта хэлээ һэн.

Һошээ 11:10

Минии арад түмэн хойноһоом дахан ябаха. Арсаландал Би архиран, дайсадынь һүрдөөхэб. Минии арад зон баруун зүгһөө шэшэрэлдэн бусаха.

Матвей 10:22

Минии түлөө таанадые булта үзэн ядаха; зүгөөр эсэстэнь хүрэтэр тэсэжэ гараһаниинь абарагдаха.

Лука 13:17

Иисүүсэй иигэжэ хэлэхэдэ, Тэрэниие буруушаагшад эшэн аягүйрхэбэ, харин бусад зон барандаа баярлан, Иисүүсэй һайн һайхан хэрэгүүдые магтан алдаршуулба.

Иоанн 16:2

Таанадые мүргэлэй гэрһээ намнаха; энээнһээ гадна, таанарые алаха хюдахадаа Бурханда алба хэнэбди гэжэ һанаха саг ерэхэ.

Иоанн 9:34

Тиихэдэнь еврейнүүдэй ахамадууд: – Ши түрэхынгөө нүгэлтэй аад, маанадые һургаха һанаатай гүш, – гэжэ тэрэ хүниие хараагаад, мүргэлэй гэрһээ намнажархиба.

Фессалоникиинхидтэ 2-дохи 1:12

Манай Бурхан болон Эзэн Иисүүс Христоосой үршөөл хайраар Эзэн Иисүүс Христоосой нэрэнь таанадай ажамидарһан аргаар алдар суутай болохо, таанад баһа Эзэнтэй хамта алдар суутай байхат.

Тидтэ 2:13

Манай агууехэ Бурханай, Абарагша Иисүүс Христоосой алдарай элирхэ тэрэ үршөөлтэй Үдэртэ найдан, тэрэ Үдэрые хүлеэжэ байнабди.

Еврейнүүдтэ 9:28

Тон тиигэжэл Христоос олон зоной нүгэлнүүдые хүлисүүлхээр Өөрыгөө нэгэтэ үргэл болгон асараа. Тэрэ хоёрдохиёо нүгэлнүүдые арилгахаяа бэшэ, харин Тэрэниие хүлеэжэ байһан зониие абархаяа ерэхэ.

Иоаннай 1-дэхи хандалга 3:13

Аха дүүнэрни, таанарта газар дэлхэйнхид дурагүй байна гэжэ бү гайхагты.