Исай 66:4 - Библи

⁴ Тиимэһээ Би тэдээндэ гай тодхор татахаб, айдаг юумыень өөһэд дээрэнь асархаб. Юундэб гэхэдэ, Минии дуудахада, хэншье харюусаагүй. Минии айладхахада, хэншье соносоогүй. Тэдэ Минии урда муу юумэ хэжэ, Намда таагүй юумэ шэлээ».

Исай 66:4 Referencias Cruzadas

4 Хаан түрэнүүд 21:2

Тэрэ Эзэндэ таарамжагүй хэрэгүүдые хэбэ. Эзэнэй израильшуудта үгэһэн газар дээрэхи уул арадууд мэтээр тэрэ жэгшүүритэй муухай ябадалнуудые үйлэдэбэ.

4 Хаан түрэнүүд 21:6

Тэрэ хүбүүгээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

Һургаал 1:24

Минии дуудахада, таанар буруу хараат, гараа һарбайхадам, хэншье анхараагүй.

Һургаал 10:24

Муу нүгэлтэ айдаг зүйлтэйгээ ушарха, шударга хүнэй хүсэл бэелхэ.

Исай 50:2

Минии абархаяа ерэхэдэ, арад түмэмни юундэ байгаагүйб? Минии дуудахада, юундэ хэншье харюусаагүйб? Иихэдээ Минии гарые богони, Намда абарха хүсэн үгы гэжэ тэдэ һанаба гү?! Хараад үзөөрэйгты, захирхадам, далай шэргэхэ, гол мүрэнүүдые сүл губи болгоходом, загаһад уһагүйһөө боложо хосорхол.

Исай 59:15

Үнэн зүб үгы болоо. Муу муухайһаа холодогшод өөһэдөө хүнэһэн болоно. Зарга шүүбэриин үгы болоһые Эзэн хараад, нюдэдынь балартаа». Эзэн энээниие хараад, зүб шударга ёһын үгы болоһондо сухалаа хүрөөд байна.

Исай 59:7

Гүйдэлөөрөө муу муухай хэрэгүүдые хэнэт, ямаршье зэмэгүй зониие аланат. Һанаан бодолтнай хилэнсэгтэ, харгы замтнай – сүйд, эбдэрэл.

Исай 65:12

һэлмээр сабшагдан үхэхэ үхэл бэлдэнхэйб. Таанадые үбдэглүүлээд сабшаха! Минии дуудахада, харюусаагүйт, айладахадамни, дуулаагүйт. Таанад муу хэрэг үйлэдэн, Намда таарамжагүй юумэ шэлэһэн байнат.

Исай 65:2

Муу зам даган, өөрын һанаһаар ажаһуудаг, хүнэй үгэ дууладаггүй арад руу бүхэлиин үдэрөө гараа һунган байгааб.

Исай 65:3

Теэд тэдэ Минии хараһаар байтар Намайе доромжолон, тахилтай ой модон соо үргэл үргэн, хирпиисэнүүд дээрэ уталга ууюулан байна.

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Ерэмияа 35:17

Тиимэһээ Би, Түмэн Сэрэгтэ Эзэн, Израилиин Бурхан, Иуда дээрэ, Иерусалим хотынхид дээрэ айладхаһан гай тодхороо буулгахам. Минии үгэ дуулаагүй, дуудахадамни, харюусаагүй байһанайтнай түлөө эдэ бүгэдые таанадта үйлэдэхэб.

Ерэмияа 7:13

Би таанадта оло дахин хэлээ һэм, теэд таанад дуулаагүйт, Би таанадые дуудаа һэм, теэд харюусаагүйт. Мүнөө хадаа эдэ бүхы үйлэ хэрэгүүдэйтнай түлөө

Ерэмияа 7:30

Иудын улад зон Минии хараһаар байтар муу муухай юумэ үйлэдөө. Минии нэрээр нэрлэгдэдэг үргөө соо тэдэ өөһэдынгөө шүтөөнүүдые табиба. Тиигээд тэрэ үргөө бузарлагдаа.

Эзэкээл 11:8

Һэлмэһээ айдаг гүт? Һэлмэ баринхай сэрэгые таанад руу асархаб!

Эзэкээл 14:4

Тэдээнтэй ши хөөрэлдэжэ, Минии, Эзэн Бурханай, иимэ айладхал дуулга: «Израилиин арад зоной хэн нэгэн онгонуудта мүргэжэ, Минии урда гэм үйлэдэжэ байһан аад, лүндэншэдэ ерэжэ, Намһаа зүбшэл заабари эрибэл, ямаршье харюу дуулахагүй!

Эзэкээл 20:25

Ами наһанай орондо үхэл хатал асардаг хуули ёһонуудые тэдээндэ үгэбэб.

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

1 Хаан түрэнүүд 8:19

Гэбэшье арад зон Самуилай үгэ дуулахаһаа татагалзан: – Үгы, маанадые зонхилхо хаан байха ёһотой.