Исай 64:11 - Библи

¹¹ Үбгэ эсэгэнэрэймнай Танда магтаал үргэдэг газар – манай нангин үзэсхэлэнтэ үргөө гал дүлэндэ шатаа. Манай дуратай газарнууд һандаргагдаа.

Исай 64:11 Referencias Cruzadas

3 Хаан түрэнүүд 8:14

Тиигээд хаан эрьежэ, зогсоод байгааша Израилиин улад зониие юрөөбэ.

3 Хаан түрэнүүд 8:56

– Эзэндэ магтаал үргэе! Найдуулһанайнгаа ёһоор Тэрэ Израилиин арад зондо амгалан тайбан байдал түхөөгөө. Үнэн зараса Моисейгээр дамжуулан айладхаһан бүхы һайн һайхан найдуулгань бэелүүлэгдээ.

4 Хаан түрэнүүд 25:9

Тэрэ Эзэнэй һүмэ, хаанай ордон, Иерусалимай бүхы томо һайн гэрнүүдые дууһан шатааба.

2 Угай бэшэг 36:19

Навуходоносорой сэрэгшэд Бурханай гэрые галдан шатааба, Иерусалимай хэрэм ханануудые һандаргаба, шухала ордон, самхагуудыень галдаба, бүхы баялигуудыень үгы хэбэ.

2 Угай бэшэг 6:4

Тэрэ иигэжэ хэлээ: – Израилиин Эзэн Бурханда магтаал үргэнэб! Минии эсэгэ Давидта найдуулһанаа Тэрэ мүнөө бодотоор бэелүүлээ. Эзэн иигэжэ айладхаа бэлэй:

2 Угай бэшэг 7:3

Израилиин улад зон бултадаа Эзэнэй гал дүлэнэй болон ялагар гэрэлэй гараһые харахадаа, газар руу, шулуун табсан дээр һүгэдэн унажа мүргэн, Эзэниие магтан, Тэрэ һайн юумэ хододоо хэдэг, хайра энэрэлынь хэтэ мүнхын гэлдэн байба.

2 Угай бэшэг 7:6

Санаартад зиндаагай ёһоор һууринуудтаа зогсобо. Израилиин бүхы улад зоной зогсоод байхада, левидүүд хүгжэм наадажа байгаа. Хэтэ мүнхын хайра үршөөлтэй Эзэниие магтан дуулахын тула Давид хаан хүгжэмэй зэбсэгүүдые зохёон дархалһан гээд мэдээжэ. Санаартад ёһолол ябуулжа, дуу хүгжэм гаргажа байба.

Исай 63:18

Бидэ, Танай нангин арад, энэ газарые богони саг соо эзэмдэн байгаабди. Дайсаднай Танай нангин газарые дэбһэн бузарлаа.

Ерэмияа 52:13

Тэрэ Эзэнэй Һүмэ, хаанай ордон, Иерусалимай бүхы томо һайн гэрнүүдые дууһан шатааба.

Гашуудал 1:7

Гай тодхорто үдэрнүүдэй ерэхэдэ Иерусалим урдандаа ямар үнэтэ зүйлые эзэмдэн байдагаа һанан байна. Теэд арад түмэниинь дайсанда диилдээ, хэншье туһалнагүй. Дайсад тэрээн руу хаража, хүсэгүй байра байдалыень наадалан энеэлдэнэ.

Гашуудал 2:1

Оо, гай даа! Уур сухал дундаа Эзэн Сионой басагые шэб харанхыгаар хүреэлөө. Израилиин гоо һайханиие огторгойһоо газар руу шэдээ. Уур хилэнтэ үдэртөө нангин үргөө тухайгаашье мартаа.

Гашуудал 2:7

Тэрэ үргэлэй шэрээгээ буруушаагаа, нангин үргөөһөө буруу хараа. Эзэн Сионой бүхэлэлтэнүүдые дайсадта эзэлүүлээ. Дайсад мүнөө Эзэнэй нангин үргөө соо шууялдана, мүнөө тэдэнэй һайндэр гээшэ!

Эзэкээл 24:21

Таанарай хүсэ шадалай бахархал, нюдэнэйтнай хужар, сэдьхэлэйтнай сэсэг болохо нангин үргөөе Тэрэ үгы хэхэеэ байна. Иерусалимда үлөөшэ үхи хүүгэдтнай һэлмээр усадхагдаха.

Эзэкээл 24:25

Эзэн айладхаа: – Хүнэй үри Эзэкээл, алдар солынь шэмэг, нюдэнэйнь хужар, сэдьхэлэйнь сэсэг болохо нангин үргөөень Би үгы хэхэб, үхи хүүгэдыень мүн лэ усадхахаб.

Захарияа 1:12

Удаань Эзэнэй Эльгээмэл хэлэбэ: «Түмэн Сэрэгтэ Эзэн! Хэзээ болотор Иерусалимда, Иудын хотонуудта үршөөл хайраяа хүртөөнгүй байха юмта, аяар далан жэл соо тэдээндэ уурланалта».

Матвей 24:2

Иисүүс шабинартаа: – Эдэ бүгэдые харана гүт? Энэ һууринда ганса шулууншье үлэхэгүй; баран һандаргагдаха гэжэ танда хэлэнэб, – гэбэ.

Хуули дабталга 29:23

«Бүхы газар хүхэр ба дабһан, гал дүлэн. Үрэһэ хүрэнгэ тарихын, юумэ ургуулхын аргагүй. Содом, Гоморро, Адмаа, Цэбоһиим хотонуудые уур сухал дундаа Эзэнэй хюдаһанай һүүлээр мэтэ ямаршье ногоон тэрээн дээрэ урганагүйл».