Исай 61:8 - Библи

⁸ Эзэн иигэжэ айладхана: «Би зүб шударга ёһо гуримда дуратайб, дарлалта, дээрмэдэлгэ үзэн ядадагби. Хэһэн хэрэгүүдэйнь хэмээр шагнал Өөрын арадта үгэхэб, хэтэ мүнхын хэлсээ тэдээнтэй баталхаб.

Исай 61:8 Referencias Cruzadas

Эхин 17:7

Би энэ хэлсээ шамтай баталаад, шинии хойто үе удамтай мүн лэ баталнаб. Энэ хэлсээн хадаа үеын үедэ хүсэн түгэлдэр байха. Хэлсээнэй ёһоор, та бүгэдэнэй хүндэлхэ, шүтэхэ Бурхан гэбэл, Бил болохоб!

2 Хаан түрэнүүд 23:5

Бүгэдые эмхидхэһэн, найдамтай, хэтэ мүнхын хэлсээ Тэрэнэй намтай баталаа хадань, минии гэр бүлэ Бурханай урда мүн тиимэ бэшэ аал? Тэрэ минии уг удамые юрөөхэ. Энэ хадаа минии хүсэһэн зүйл, Бурхан тэрэниие заабол дүүргэхэ.

Псалманууд 105:10

үзэн ядагшадһаа абараа, дайсадһаа зайлуулаа.

Псалманууд 11:7

Шабар зуухада хайлуулжа, долоо дахин сэбэрлүүлэгдэһэн мүнгэн мэтэ Эзэнэй үгэ сэбэр юм.

Псалманууд 32:8

Бүхы дэлхэй Эзэнһээ айн һүрдэн байг, юртэмсын бүхы оршин һуугаашад урдань шэшэрэлдэг лэ!

Псалманууд 33:5

Минии хандахада Тэрэ харюусаа, бүхы аюулһаа намайе зайсуулаа. ה Һээ

Псалманууд 45:7

Үндэһэтэнүүд шууялдажа, хан түрэнүүд һалганан байна. Бурханай дуугархада, газар хайлана.

Псалманууд 50:5

Юуб гэбэл, би алдуутайгаа мэдэнэм, нүгэлни ходо урдам байна.

Псалманууд 62:10

Харин намайе алахаяа бэдэрэгшэд газарай гүн руу шабагдахал!

Псалманууд 99:4

Хаалгаарнь һайе хүргэн, хашаа руунь магтаал үргэн орогты. Тэрээндэ талархал үргэжэ, нэрыень алдаршуулагты!

Һургаал 3:6

Өөрын бүхы замда Тэрэниие танижа мэдэ. Тэрэ шинии замые шууд сэхэ болгоно.

Һургаал 8:20

Би зүб ёһын харгыгаар, үнэн шударгын зүргөөр ябанаб.

Исай 28:17

Һууриин шулууе хэмжэхэ шугам хадаа шударга ёһо болохо, тэрээниие тодоруулан харуулһан зурлаа хадаа үнэн зүб болохол. Танай худал хуурмагай хорохо газар шуурган мүндэртэ үгы хэгдэхэ, уһан үер аюулгүй байдалыетнай таһалдуулха.

Исай 30:18

Гэбэшье Эзэн хүлеэжэ, таанадые хайрлаха. Тэрэ бодожо, таанадта туһалха. Юуб гэбэл, Эзэн гээшэ зүб шударга Бурхан, Тэрээндэ этигэн һүгэдэгшэд жаргал эдлэхэ!

Исай 5:16

Харин Түмэн Сэрэгтэ Эзэн үнэн зүбөөр хэрэгүүдые шүүжэ үргэмжэлэгдэхэ, Арюун Бурхан үнэн шударгаараа нангин арюунаа харуулха.

Исай 54:10

Хада ууланууд хүдэлжэ, гүбээнүүд доһолжо болохо. Харин Минии энэрэл хайра шамһаа һалахагүй, энхэ тайбан тушаа хэлсээгээ хододоо сахин байхаб», – иигэжэ шамайе энэрэгшэ Эзэн айладажа байна.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Исай 56:1

Эзэн иигэжэ айладхана: «Шударга ёһо сахин, үнэн зүбые үйлэдэгты. Һаяар таанадые абархаб.

Исай 66:22

Минии бүтээхэ шэнэ тэнгэри, шэнэ газар хэтэ мүнхэдөө байха гэдэгтэл, таанадай уг удам, нэрэтнай хэтэ мүнхэдөө үлэхэ.

Ерэмияа 32:40

Би тэдээнтэй хэтэ мүнхын хэлсээ байгуулхаб. Һайн юумэ тэдээндэ хододоо хэдэг байхаб, холодохогүйнь тула Намһаа угаа айдаг болгохоб.

Ерэмияа 9:24

Харин һайрхагша нэгэн Намайе газар дэлхэй дээрэ хайра энэрэл, хэрэг шүүбэрилгэ болон үнэн зүбые үйлэдэгшэ Эзэн мүн гэжэ ойлгодог, мэдэдэгээрээ һайрхаг лэ. Энээндэ Би дуратай байхалби. Энэ болбол Би, Эзэн, айладхана мүн!

Эзэкээл 16:60

Гэбэшье залуу хонгор байхадаш шамтай баталһан хэлсээгээ Би мартахагүйб, энэ хадаа хэтэ мүнхэдөө хүсэндөө байха гээд найдуулхаб.

Эзэкээл 34:25

Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.

Малаахи 1:13

Таанадта энэ шэрээдэ байһан хоол таагүй, «ямар зоболонтой юм бэ» гэжэ хэлээд, зэбүүсэнгүй һэжэглэнэт. Һүүлээрнь үргэл гэжэ хулгайн, дохолон дорой, үбшэн мал асарнат. Тэрэнииетнай Би танай гарһаа абаха болоно гүб?

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Фессалоникиинхидтэ 2-дохи 3:5

Бурханай хайра дурые мэдэрүүлжэ, Христоосой ерэхые хүлеэхэ тэсэбэри Эзэн таанадта үршөөг лэ.