Исай 61:6 - Библи

⁶ Харин таанад Эзэнэй санаартад, манай Бурханай зарасанар гэжэ нэрлэгдэн, бусад арадуудай баялиг эдлэн, тэдэнэй алдар соло таанадта хүртэхэ.

Исай 61:6 Referencias Cruzadas

Египедһээ гаралга 19:6

харин таанад Минии санаартадай хаан түрэ, нангин арад болохо жэшээтэйт!» Эдэ үгэнүүдые Израилиин зондо дамжуулал даа.

Исай 23:18

Худалдаа наймаагаар олоһон олзонь Эзэнэй болохо. Тиир хото тэрэ олзоёо нөөсэлжэ-хадагалжа байхагүй. Эзэндэ һүгэдэн зальбардаг зон тэрэ мүнгөөрнь һайн хоол, һайхан хубсаһа өөһэдтөө худалдан абадаг байхал.

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 56:6

Эзэнэй арад түмэнтэй хамтаржа, Эзэндэ алба хэжэ, дурлажа, амаралтын үдэр нангинаар сахин, хэлсээгээ дүүргэгшэ хариин зон тушаа Эзэн иигэжэ айладхана:

Исай 66:12

Эзэн иигэжэ айладхана: «Би таанадта гол мэтээр амгалан тайбан байдал, үндэһэ яһатанай эд баялигуудые урдахуулхаб. Тэжээлгэжэ, эхынгээ гар дээрэ үргэгдэн, үбдэг дээрэнь энхэрүүлэн байгааша үхибүүндэл адли таанад болохот.

Исай 66:21

Тэдэнэй заримыень санаартад болон левит зон болгохоб.

Ерэмияа 33:18

Левит санаартад хододоо Намда алба хэжэ байха, түгэс шатаалта үргэл үргэдэг байха.

Эзэкээл 14:11

Израилиин улад зоной Намһаа холодохогүйн, өөрыгөө элдэб муу муухай хэрэгүүдээр бузарлахагүйн тула Би иимэ юумэ хэхэб. Тэдэ Минии арад түмэн, Би тэдэнэй Бурхан байха ёһотойб. Энэ болбол Би, Эзэн Бурхан, айладхана мүн!

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Коринфынхидтэ 1-дэхи 3:5

Эсэсэй эсэстэ Аполлос гэдэгтнай хэн бэ? Тиихэдэ Павел гэдэгтнай хэн бэ? Бидэ таанадай Христоосто һүзэглэхэдэ туһалһан юрэ Бурханай зарасанар гээшэбди. Бидэ Эзэнэй хүн бүхэндэмнай үгэһэн ажалыел бүтээгээбди:

Коринфынхидтэ 1-дэхи 4:1

Бурханай нюуса тайлбарилжа байхаар табигдаһан юрэ Христоосой зарасанар байһыемнай таанад ойлгохо ёһотойт.

Коринфынхидтэ 2-дохи 11:23

Тэдэнэр Христоосой зарасанар гү? Тиихэдэ би тэдэнһээ үлүү һайн зарасань гээшэб. Тиигэжэ үбэштэйрһэндэл хэлэһэмни мэдээжэ. Би тэдэ зонһоо үлүү ехээр ажаллажа, бүри оло дахин түрмэдэ орооб, тоогүй оло дахин ташуурдуулан хэһээлгээд, үхэн алдааби.

Коринфынхидтэ 2-дохи 6:4

Ямаршье юумэ хэхэдээ, бидэ тохёолдоһон бэрхэшээл зоболонгуудые, дутагдал дундануудые, хүшэр байдалые даруу номгоноор дабажа гаран, өөһэдыгөө Бурханай үнэн зарасанар гэжэ харуулнабди.

Хуули дабталга 18:2

Бусад обогой зондо орходоо левидүүд газарай өөрын хубигүй байха. Эзэнэй тэдээндэ айладаһанай ёһоор, Эзэн лэ Өөрөө тэдэнэй хуби мүн.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Гэршэлгэ 1:6

Иисүүс Христоос бидэниие хаан түрэ дотор нэгэдүүлээд, Эсэгэ Бурхандаа алба хэдэг санаартаниинь болгоо. Иисүүс Христоосто хэтэ мүнхын алдар соло, эршэ хүсэн байхань болтогой!

Гэршэлгэ 20:6

Түрүүшын амидыруулгын үедэ дахин амидырагдаха хүнүүд жаргалтай. Тэдэнэр Бурханай хүнүүд мүн. Тэдэнэр хоёрдохиёо үхэхэгүй. Тэдэнэр Бурханай, Христоосой санаартадынь болохо, мянган жэлэй туршада Иисүүстэй хамта засаг түрэ барижа байха.

Гэршэлгэ 5:10

Та манай Бурханай аша туһада тэдэ хүнүүдые санаартад, хаашуул болгоот – тэдэнэр газар дэлхэйн зониие зонхилжо байха!