Исай 61:3 - Библи

³ Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Исай 61:3 Referencias Cruzadas

Эстээр 8:15

Энээнэй удаа хүхэ, сагаан үнгэтэй хаанай һайхан хубсаһа үмдэнхэй, алтан томо титим толгойдоо табинхай, шад улаан үнгэтэй миндаһан нэмэргэ нэмэрэнхэй Мордохайн хаанай ордонһоо гаража ерэхэдэ, ниислэл хотынхид баярлан, хашхаралдажа байжа угтаба.

Эстээр 9:22

Ушар гэбэл, иудейнүүд тэдэ үдэрнүүдтэ дайсанай гарһаа мултаржа, уйдхар гашуудалынь баяр наадан боложо, гашуудалайнь үдэр баярай үдэр болон хубилаа бшуу. Тиимэһээ Мордохайн эльгээгшэ захяагай ёһоор иудей зон тэрэ үдэрые баярай үдэр болгон тэмдэглэжэ, найр наада дэлгэн, бэе бэеэ амтан эдеэгээр хүндэлжэ, ядаруу зондо бэлэг баридаг болонхой.

Псалманууд 104:15

«Тоһолон шэлэһэн зондомни гар бү хүрэгты, лүндэншэдтэмни муу юумэ бү хэгты!»

Псалманууд 149:4

Юуб гэбэл, Эзэн Өөрын арад түмэндэ дуратай, номгон даруу зониие магтана, абарна!

Псалманууд 23:5

Иимэ хүниие Эзэн үреэхэ, Абарагша Бурханиинь үршөөхэ.

Псалманууд 30:11

Юуб гэхэдэ, би амидаралаа уйдхар гашуудалтайгаар, он жэлнүүдээ һанаа алдан үнгэрүүлнэб. Хүсэ тэнхээмни зоболонһоом боложо һулараа, яһамни хэбэрэг болошоо.

Псалманууд 30:12

Бүхы дайсадни, үнгэрхэдөө хүршэнэрнишье, намайе доромжолно. Танилнуудтаа айдаһа түрүүлнэб, гудамжада намайе хараад, тэдэ намһаа зайлана.

Псалманууд 45:7

Үндэһэтэнүүд шууялдажа, хан түрэнүүд һалганан байна. Бурханай дуугархада, газар хайлана.

Экклезиаст 9:8

Саг үргэлжэ сайбар сагаан хубсаһа үмдөөрэй, толгойдоо тоһо элбэгээр түрхи.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 26:2

Хотын бартаануудые нээгыт! Бурхандаа үнэн сэхэ, зүб шударга үндэһэтэн орог лэ!

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Исай 46:13

Би һайн юумэ һаяар хэхэб, тэрэ саг ойртоо. Абарал буулгаха сагни удааржа байхагүй. Би Сиониие абархаб, Израильда нэрэ хүндэ олгуулхаб».

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Ерэмияа 31:13

Тиигээд залуу басагад, залуу хүбүүд ба хүгшэн зон хамта бүжэглэн баясаха. Тэдэнэй сэдьхэл заһажа, гашуудалыень баяраар һэлгэхэб, зоболонгыень мүн лэ баяраар һэлгэхэб.

Эзэкээл 34:29

Баян хэшэг үгэхыень газарые баадхахаб, тиихэдэм тэдэ үлэсхэлэн хооһон байдалһаа боложо туража үхэжэ байхаяа болихо. Үндэһэ яһатад таанадые шоо үзэхэеэ болихо.

Эзэкээл 47:7

Урасхалай хоёр эрьеэр олон модон ургажа байгаа.

Захарияа 3:5

Удаань иигэжэ хэлэбэ: – Тэрэнэй толгойдо сэбэр орёолто үмдэхүүлэгты. Эльгээмэлэй зогсоод хаража байхадань, сэбэр орёолто толгойдонь орёобо, жабхалангай хубсаһа бэедэнь үмдэхүүлбэ.

Матвей 15:13

Иисүүс иигэжэ харюусаба: – Тэнгэридэ байгша Эсэгымни таряагүй ямаршье ургамал үндэһэтэйгөө хамта абтажа хаягдаха.

Матвей 5:16

Энээндэл адляар танай гэрэл туяа улад зоной урда гэрэлтэжэ байхань болтогой, тиигэбэл дэмбэрэлтэ һайхан хэрэгүүдыетнай зон хараад, тэнгэридэхи Эсэгэдэтнай магтаал соло дуудахал.

Лука 15:22

Эсэгэнь барлагуудтаа: «Түргэхэн эгээ һайн хубсаһа асараад, хүбүүндэм үмдэхүүлэгты, хургандань үнэтэ шулуутай бэһэлиг зүүлгэгты, хүлдэнь гутал үмдэхүүлэгты.

Иоанн 15:8

Минии Эсэгын алдаршахын тула таанар ехэ ургаса асархат, Минии шабинар болохот.

Иоанн 16:20

Таанарта үнэн зүбые хэлэнэб: уйлахат, гашуудахат, харин дэлхэйн зон баярлаха, хүхихэ. Түрүүшээр уйдхар гашуудалда абтахат, теэд удаань баярлахат.

Коринфынхидтэ 1-дэхи 3:9

Бидэ Бурханай түлөө хамтаран ажаллагшад гээшэбди, харин таанад – Бурханай таряалан гээшэт. Тиихэдээ таанад баһа Бурханай барилга гээшэт.

Коринфынхидтэ 1-дэхи 6:20

Бурхан таанадые үнэтэй сэнгээр худалдажа абаа. Тиимэһээ бэеэрээ Бурханиие алдаршуулжа байгты.

Филиппынхидтэ 1:11

Хэһэн бүхы үйлэ хэрэгүүдтнай Иисүүс Христоосой нүлөөгөөр үнэндөө һайн һайхан байхал. Тиигэжэл Бурхан алдаршаха, Тэрээндэ магтаал соло дуудаха.

Фессалоникиинхидтэ 2-дохи 1:10

Эзэнэй тэрэ үдэр ерэхэдэнь, гэгээн арадынь, бүхы һүзэглэгшэдынь Тэрэниие хүндэлхэ, Тэрээндэ алдар соло дуудаха. Бидэнэй номноһон һургаалда этигэһэн ушарһаа таанадшье баһа тэрэ зоной дунда байлсахат.

Еврейнүүдтэ 1:9

Ши үнэн зүбтэ дуратайш, муу юумэ үзэн яданаш. Энээнэй түлөө Бурхан, Шинии Бурхан, хажуудашни байһан хэнииешье баярай тоһоор тоһодоогүй, харин гансал Шамайе тоһодон ёһолоол!», – гэжэ айладаа.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Пётрой 1-дэхи хандалга 4:14

Христоосой нэрэ алдарай түлөө таанадые хүнүүдэй доромжолболнь, таанад жаргалтайт. Ушарынь хэлэбэл, алдар солын Һүлдэ, Бурханай Һүлдэ таанад соо оршоно гээшэ.