Исай 61:2 - Библи

² Эзэнэй Өөрынгөө арад түмэниие абарха, дайсадыень һүнөөхэ таарамжатай сагай ерэһэн тушаа минии тунхаглахые, гашуудан уйлагшадые аргадахыемни Тэрэ эльгээгээ.

Исай 61:2 Referencias Cruzadas

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Исай 13:6

Сурхирса уйлыт! Эзэнэй үдэр дүтэлөө! Түгэс Хүсэтэһөө усадхал ерэжэ байна!

Исай 2:12

Энэ хадаа бардам ба дээрэлхүү, биб гэһэн хүн бүхэниие панхаруутуулха үдэр – Түмэн Сэрэгтэ Эзэнэй үдэр!

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 34:2

Эзэн бүхы үндэһэ яһатанда, тэдэнэй бүхы сэрэгтэ уурлаад байна. Тэдэниие хосорхо гээд Тэрэ шиидхээ.

Исай 34:8

Эзэнэй Сион абарха, дайсадһаа үһөө абаха саг энэл гээшэ.

Исай 35:4

Аймхай зондо иигэжэ хэлэгты: «Зоригтой байгты, бү айгты! Таанадые абархаяа, дайсадыетнай хэһээхэеэ Бурхан хүрэжэ ерэхэнь».

Исай 40:1

«Минии арад түмэниие һаатуулагты, – гэжэ манай Бурхан айладхана. – Һаатуулан байгты!

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 51:12

Эзэн иигэжэ айладхана: Таанадай түшэг тулгуубари Би, гансал Би мүн! Юундэ таанад үхэхэ табисууртай, хагдардаг үбһэндэл адли хүнһөө айха болообта?

Исай 57:18

Тэдэнэй үйлэ хэрэгүүдые Би харанаб, гэбэшье Би тэдэниие эдэгээхэб. Тэдэниие хүтэлжэ, туһалхаб, гашуудан уйлалдагшадай һанаа тэгшэрүүлхэб.

Исай 58:5

Өөрыгөө зобоожо, толгойгоо гунхуулан, үнэһэн дээрэ хэбтэжэ, таар үмдэхэдэтнай Би сэдьхэлээ хананги байха аалби? Энээниие масаг барилга гээд нэрлэмээр гү?

Исай 60:10

Эзэн Иерусалимда иигэжэ хандана: Хариин зон хана хэрэмыеш бодхоохо, хаашуулынь шамда алба хэхэ. Уур дундаа Би шамайе хэһээгээ һэм, харин мүнөө шамда үршөөл хайраяа элирхэйлхэб.

Исай 66:14

Энээниие харахадаа, сэдьхэлтнай баясаха, бэе тамиртнай зүлгэ ногоондол һалбаран, элүүр энхэ болохот. Минии, Эзэнэй, үгэ дуулагша зондо туһалдагыем, дайсадтаа уур хилэнгээ харуулдагыем ойлгохот».

Ерэмияа 31:13

Тиигээд залуу басагад, залуу хүбүүд ба хүгшэн зон хамта бүжэглэн баясаха. Тэдэнэй сэдьхэл заһажа, гашуудалыень баяраар һэлгэхэб, зоболонгыень мүн лэ баяраар һэлгэхэб.

Ерэмияа 46:10

Энэ үдэр болбол Түмэн Сэрэгтэ Эзэнэй үһөөгөө абаха үдэр. Тэрэ дайсадһаа үһөөгөө абажа, һэлмэнь садатараа тэдэниие залгиха, шуһыень садатараа ууха. Энэ хадаа Түмэн Сэрэгтэ Эзэндэ хойто зүгтэ, Евфрат мүрэнэй дэргэдэ үргэһэн үргэл болоно.

Михей 3:8

Харин намда Эзэн хүсэ шадал болон һүр һүлдэ дүүрэн үршөөгөө. Тиимэһээ шударга ёһо, эрэ зоригтой би Яковай удамда гэм зэмэ үйлэдэһэн тухайнь, Израилиин улад зондо нүгэл тухайнь сэхэ хэлэхэб!

Матвей 5:4

Гуниглан уйлаашад жаргалтайл, Бурхан тэдэнэй һанаае амаруулхал.

Лука 4:19

Эзэнэй Өөрынгөө арад түмэндэ үршөөлөө хайрлаха таарамжатай сагай ерэһэн тушаа Минии тунхаглахые Намайе эльгээгээ».

Лука 6:21

Мүнөө үлэсхэлэн байгшад, жаргалтайт, таанад элбэг дэлбэг эдихэ юумэтэй байхат. Мүнөө уйлаашад жаргалтайт, таанад баярладаг, хүхидэг болохот.

Коринфынхидтэ 2-дохи 6:2

«Таарамжатай сагай ерэхэдэ, Би шамайе дуулаа хүм, абарха үдэрэй ерэхэдэ, Би шамда туһалаа хүм», – гэжэ Бурхан хэлээ. Эгээл тэрэ саг болзор болобо, шамайе абарха тэрэ үдэр ерэбэ.

Фессалоникиинхидтэ 1-дэхи 2:16

Бусад арадуудай абарагдахын тулада Бурханай үгэ номноходомнай тэдэ баһал һаалта хэнэ. Тиигэжэ Иудейн зон хэһэн нүгэлнүүдэй хүсэлдүүлбэ. Одоол мүнөө Бурхан тэдэниие хэһээхэнь даа.