Исай 6:9 - Библи

⁹ Тиихэдэм Тэрэ айладаба: – «Хэды дуулаһаншье һаа, таанад юумэ ойлгохогүйт. Хэды хараһаншье һаа, юумэ обёорхогүйт» гэжэ тэрэ арадта ошожо хэлэ.

Исай 6:9 Referencias Cruzadas

Һургаал 28:5

Хара һанаатан шударга ёһые ойлгодоггүй, харин Эзэниие бэдэрэгшэд тэрээниие ойлгохо.

Исай 28:13

Тиимэһээл Эзэнэй үгэнүүд таанадта «заабари, заабари, дүрим, дүрим, тэндэ нэгэ бага, эндэ нэгэ бага…» болохо. Тиимэһээл таанад алхахадаа, бүдэржэ унахат, шархатан, урьхада орожо баригдахат.

Исай 29:10

Эзэн таанадые гүн нойрто абтуулаа. Лүндэншэд, нюдыетнай хаагаа! Үзэлшэд, толгойетнай боогоо!

Исай 29:13

Эзэн иигэжэ айладхаа: «Энэ улад зон Намда зальбарна, теэд үгэнүүдынь удхагүй хооһон, тэдэ хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй. Тэдэнэй шүтэхэ зүйлынь гэбэл, гансал зоной ёһонууд, заншалнууд.

Исай 29:14

Тиимэһээ Би энэ арадтай гайхалтай, урид үзэгдөөгүй хэрэгүүдые дахин хэхэб, Сэсэн мэргэшүүлэй ухаан үгы болохо, ухаатай зоной ухаан һалаха».

Исай 42:20

Минии арад түмэн, таанад олон юумэ үзэһэншье һаа, юумэ һайн ойлгоогүйт. Шэхэтэйшье һаа, юумэ дуулаагүйт.

Исай 43:8

Эзэн иигэжэ айладхал буулгана: «Нюдэтэйшье һаа, һохор, шэхэтэйшье һаа, дүлии Минии арад түмэниие шүүбэрилхыем асарагты!

Ерэмияа 5:21

Шагныта, тэнэг, ухаагүй зон! Таанад нюдэтэй байбашье, харадаггүйт, шэхэтэй байбашье, дууладаггүйт.

Эзэкээл 12:2

– Хүнэй үри Эзэкээл! Үгэ дууладаггүй зоной дунда ажаһуунаш. Тэдэ нюдэтэй аад, юушье харадаггүй, шэхэтэй аад, юушье дууладаггүй, юуб гэхэдэ, үгэ дуулахаяа һананагүй.

Һошээ 1:9

Эзэн Һошээдэ айладхаба: – Тэрээндэ Ло-Аммии гэжэ нэрэ үгэ. Юуб гэбэл, Израилиин арад зон Минии бэшэ, Би тэдэнэй Бурхан бэшэб.

Марк 4:12

Тиимэһээ: «Тэдэнэр хараба, шэртэбэшье, юумэ обёорхогүй. Тэдэнэр сонособо, шагнабашье, юумэ ойлгохогүй. Хэрбээ юумэ обёордог, ойлгодог һаа, тэдэ Бурханда хандаха байгаа, харин Бурхан тэдэниие хүлисэхэ һэн».

Лука 8:10

– Бурханай хаан түрэ тухай гүн нюусанууд таанадтал тайлбарилагдана, харин бусад хүнүүдтэ һургаалта үгэнүүдээр лэ хэлэгдэнэ. Тиимэһээ тэдэнэр хаража, шагнажа байһан мүртөө үнэн удхыень ойлгодоггүй.

Иоанн 12:40

«Бурхан тэдэ хүнүүдые һохор болгоо, ухааень балартуулаа. Тиимэһээ тэдэ нюдөөрөө юумэ харанагүй, ухаагаараа юумэ ойлгоногүй. Тиигээгүй һаа, Намда тэдэ хандаха һэн, Би тэдэниие аргалжа эдэгээхэ һэм».

Римэйхиндэ 11:8

Нангин Бэшэг соо хэлэһэнэй ёһоор: «Бурхан тэдэнэй сэдьхэлые мэдэрэлгүй болгоо, тиин тэдэнэр мүнөөдэршье болотор хараха гү, али дуулаха аргагүй байна».

Хуули дабталга 29:4

Харин Эзэн юунэй болоһые ойлгохо ухаа, хараха нюдэ, шагнаха шэхэ таанадта мүнөө болотор үгөөгүй.