Исай 6:7 - Библи

⁷ Тэрэ сог нүүрһээр уралдамни хүрэжэ, иигэжэ үгүүлбэ: – Энэ шинии уралда хүрэхэдэм, гэм зэмэшни үгы болоо, нүгэлшни арюудхагдаа.

Исай 6:7 Referencias Cruzadas

Исай 40:2

Иерусалимай зонтой эелдэр зөөлэнөөр хөөрэлдэгты. Тэдэнэй зобохо-тулиха саг дүүрээ, нүгэл хилэнсэгынь арюудхагдаа гэжэ хэлэгты. Бүхы нүгэлэйнь түлөө тэдэниие Би хоёр дахин ехээр хэһээгээб».

Исай 43:25

Гэбэшье Би, Бурхан, шинии хилэнсэг арюудхан, нүгэлыеш хүлисэнэб.

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Исай 53:5

Харин Тэрэ манай нүгэлэй түлөө шархатаһан, манай гэм зэмэй түлөө зобоһон, манай амар амгалан ажаһуухын тула Тэрээн дээрэ хэһээлтэ бууһан байгаа! Хэһээлтэ амасаһаарнь бидэ эдэгээбди.

Исай 53:6

Бидэ булта хонид мэтэ төөрижэ, хүн бүхэн өөр өөрын замаар ябаа. Харин Эзэн маанадай гэм зэмые бултыень Тэрээн дээрэ тохоо!

Исай 57:19

Холо, ойрын зондо бултандань энхэ тайбан байдал үршөөнэб. Өөрын арад зониие аргалхаб.

Ерэмияа 1:9

Тиигээд Эзэн гараа һарбайн, минии уралда хүрэжэ, намда: – Анхара, хэлэхэ үгэнүүдыешни Би шамда дамжуулбаб.

Даниил 10:16

Хүн шэнги дүрсэтэй хэн нэгэн минии уралда хүрэбэ. Тиихэдэнь би дуугаржа шадаха боложо, урдамни зогсоошо тэрээндэ хандан: – Эзэмни! Үзэгдэл үзэхэдөө намда угаа үбшэнтэй, ямаршье тэнхээ тамиргүй болоо һэм.

Цэпаанияа 3:9

Удаань Би арадуудай үгэ хүүр хубилгахаб, тиихэдэм тэдэ гансал Намда мүргэн зальбаржа, бултадаа Намдал алба хэн байха.

Захарияа 3:4

Эльгээмэл урдань зогсогшодто хэлэбэ: – Иисүүсэй муухай хубсаһыень тайлагты. Өөртэнь хэлэбэ: – Харыт, иигэжэ Би гэмытнай сагааруулбаб, жабхалангай хубсаһаар хубсалуулхаб.

Тоололго 16:46

Моисей Аһароондо иигэжэ хэлэбэ: – Өөрынгөө бойпуур абаад, үргэлэй шэрээ дээрэһээ улаан сог болон уталга тэрээн соогоо хээд, аятай һайхан үнэр хангалтуулан, арад зондоо түргэн ошожо, тэдэниие аршалан арюудха. Ушар юуб гэхэдэ, Эзэнэй уур сухал хүрэжэ, гай тодхор эхилбэ, тэрэниие болюулха хэрэгтэй!

Матвей 9:2

Хэдэн хүн тэрээндэ саа үбшэндэ дайруулһан нэгэ хүниие шэрдэгтэйнь тэлээд асарба. Иисүүс тэдэ зоной аргагүй ехэ этигэлтэй байһыень хараад, саа үбшэнтэндэ хандан: – Ши, хүбүүн, зоригоо бү алда! Нүгэлнүүдшни хүлисэгдэбэ, – гэжэ хэлэбэ.

Иоаннай 1-дэхи хандалга 1:7

Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.