Исай 6:11 - Библи

¹¹ Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Исай 6:11 Referencias Cruzadas

Псалманууд 74:10

Харин би хэтэ мүнхэдөө магтаал дуулахаб, Яковай Бурханда магтаал үргэхэб!

Псалманууд 79:5

Түмэн Сэрэгтэ Эзэн Бурхан! Өөрын арад түмэнэй зальбаралда уурлахатнай хэды болтор юм?

Псалманууд 90:13

Арсалангые болон хорото могойе гэшхэн байхаш, залуу арсалан, лууе дэбһэхэш.

Псалманууд 94:3

Юуб гэбэл, Эзэн бол агууехэ Бурхан бүхы бурхад дээрэ Агууехэ Хаан мүн.

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 13:12

Хүнүүдые хомор болгохоб, шэжэр алтанһаа хомор, Опиирой алтанһаа хомор.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Исай 32:14

Ордоншье хаягдан, шууяатай хотошье хооһорон мартагдаха, хэрэм самхагуудынь һандаргагдаха, малай бэлшээри, хулангуудай хорёо болохо.

Исай 35:1

Зэлүүд хооһон газар, хуурай сүл губи баярлан, тэндэ сэсэгүүд һалбархал.

Исай 5:9

Түмэн Сэрэгтэ Эзэн эли тодоор намда: Гэрнүүд олон, гэбэшье тэдэ хооһорхо. Мантан, һайхан байшангууд хүнгүй үлэхэ.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 64:10

Танай нангин хотонууд хооһон сүл губи болоо. Сион сүл губи болоо. Иерусалим эзэгүйрөө.

Ерэмияа 22:6

Иудын хаанай ордон хадаа Намда Галаадай газартал, Ливаанай орьёлдол гоё һайхан юм. Теэд Би тэрэниие хооһон, ханха зайдан, хэнэйшье ажаһуухагүй газар болгохоб.

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Ерэмияа 44:2

Түмэн Сэрэгтэ Эзэн, Израилиин Бурхан иигэжэ айладхаа: – Иерусалим болон Иудын хан түрын хотонуудта Минии татаһан бүхы гай тодхорые таанад хараа-үзөө бэлэйт. Мүнөө болотороо тэдэ хооһон, һандархай, хэншье тэндэ ажаһуунагүй.

Ерэмияа 52:27

Вавилооной хаан тэдэниие Хамаат газарай Риблаа хотодо саазалба. Иигэжэ Иудын хан түрын улад зон түрэл нютагһаа сүлэгдөө һэн.

Эзэкээл 6:6

Израилиин бүхы хотонууд һандаргагдажа, үргэлэйнь шэрээнүүд, онгонуудынь бутаран һалаха, хэһэн зүйлнүүдынь үгы хэгдэхэ.

Даниил 8:13

Нэгэ гэгээнэй нүгөөдэ гэгээнһээ иигэжэ асуужа байһые дуулаа бэлэйб: – Үдэр бүриин үргэл, мүн тиихэдэ доромжолго, дээрмэдэлгэ доро байгааша нангин газар, сэрэг тушаа үзэгдэл удаан үргэлжэлхэ гээшэ гү?

Левит 26:31

Хото балгасыетнай хооһоруулхаб, мүргэлэйтнай орон хооһон болгохоб. Үргэһэн үргэлэйтнай хоншуу һайхан үнэрыень абахагүйб.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Михей 2:4

Тэрэ сагай ерэхэдэ, таанадтай тохёолдоһон ушарые гай тодхорой жэшээ болгон зон хөөрэлдэжэ, иимэ гашуудалтай дуу дуулахал: «Бидэ дууһан усадхагдаабди! Манай газар дайда урбагшадта үгтэбэл! Маанадта һөөргөө бусахаа болёол!»

Михей 5:11

Газар дайдыншни хото һууринуудые үгы хэхэб, бүхы бүхэлэлтэнүүдыеш унагаан һандаргаахаб.

Михей 6:13

Тиимэһээ Би һандарал, үгырэл асаран, шамайе, хото, нүгэлэйшни түлөө хэһээхэб.

Михей 7:13

Гэбэшье тэрэ газар дайда хадаа ажаһуугшадайнгаа нүгэл үйлэдэһэнэй түлөө эзэгүйрхэ, хооһорхо.

Хуули дабталга 28:62

Огторгойн одо мүшэд мэтэ олон бэлэйт. Теэд Эзэн Бурханайнгаа үгэ дуулаагүйт, тиимэһээ таанадай үсөөхэн лэ хүн амиды мэндэ үлэхэ.

Хуули дабталга 28:63

Таанадта һайн юумэ хэжэ, таанадые олон болгон, үнэржүүлжэ байхадаа Эзэн хэды ехэ баясажа байгааб даа. Тэрээндэл адляар, таанадые үгы хэжэ, һалгаажа байхадаа Тэрэ баярлан бахархан байхал. Эзэлхэеэ зорин ошожо байһан газар дайдаһаа таанад хамагдан гаргуулхат.