Исай 59:2 - Библи

² Нүгэлһөөтнай боложо Тэрэ таанадые дууланагүй, таанадай гэм зэмэ Бурхантай таанадые хахасуулаа.

Исай 59:2 Referencias Cruzadas

Һургаал 15:29

Эзэн нүгэлтэһөө холо байдаг, зүб ябадалтын зальбарал соносодог.

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Исай 57:17

Тэдэнэй хомхой хобдог байһанда, нүгэл хэхэдэнь Би уурлажа, тэдээнһээ арсаа бэлэйб. Теэд тэдэ юушье ойлгоогүй, үсэд нэтэрүүгээр тэрэ нүгэлтэй замаа үргэлжэлүүлээ.

Исай 58:4

Масаг барихадаа таанад хүсэтэй боложо, хэрэлдэжэ, наншалданат. Иигэжэ масаг баринабди гэжэ байхадатнай Би таанадай гуйлтануудые дуулаха ааламби?

Ерэмияа 5:25

Танай гэм зэмэһээ боложо эдэ бүгэдэ таанадһаа буруу хараба, нүгэлтнай дэмбэрэлтэй һайн юумые танһаа холодуулба.

Гашуудал 1:8

Иерусалим ехэ нүгэл хээ, тиимэһээ бузартай болоо. Тэрээндэ соло үргэн байгаашад мүнөө шоо үзэн хаража байна. Өөрөө тэрэ уйлажа, буруу хараад байна.

Эзэкээл 39:29

Израилиин улад зон руу Өөрын Һүлдэ шэнгээн оруулхаб, бэшэ буруу харахаяа болихоб. Энэ болбол Би, Эзэн Бурхан, айладхана мүн!

Михей 3:4

Таанад Эзэнһээ туһа эрин хашхаралдахат, теэд Эзэн таанадые дуулахагүй, муу муухайе үйлэдэн байгаа сагтатнай Тэрэ таанарһаа буруу харан байха.

Нүүнэй Иисүүс 7:11

Израиль нүгэл хээ, Минии тэдэндэ сахижа байхыень захирһан, Намтай баталһан хэлсээгээ эбдээ, Намда зорюулагдаһан юумэнһээ тэдэ хулуужа абаад, өөһэдынгөө юумэнэй дунда нюугаа.

1 Хаан түрэнүүд 4:3

Амиды үлэһэн зонойнгоо хотон хүреэндэ бусахадань, Израилиин ахамадууд иигэжэ хөөрэлдэбэ: – Эзэн мүнөөдэр юундэ бидэниие пилиштүүдтэ диилдүүлээб? Эзэнэй хэлсээнэй ханза Шилооһоо асарая. Тэрэ бидэнтэй байжа, дайсадһаа абарха.