Исай 59:10 - Библи

¹⁰ Бидэ һохор зон мэтэ хана тэмтэрэн, нюдэгүй мэтэ гараараа барин ябанабди, үдын тэн багаар бүрэнхы байдалда байһандал бүдэрнэбди, элүүр энхэ зоной дунда үхэһэн хүнүүдтэ адлибди.

Исай 59:10 Referencias Cruzadas

Иоов 5:14

Тэдэндэ гараха газар үгы боложо, гэгээн үдэр гэнтэ харанхы боложо, наран шэнгэһэн мэтэ болодог.

Һургаал 4:19

Хара бодолтоной замынь харанхы мэтэ. Тэдэ хаана бүдэрхэ байһанаа мэдэдэггүй.

Исай 28:13

Тиимэһээл Эзэнэй үгэнүүд таанадта «заабари, заабари, дүрим, дүрим, тэндэ нэгэ бага, эндэ нэгэ бага…» болохо. Тиимэһээл таанад алхахадаа, бүдэржэ унахат, шархатан, урьхада орожо баригдахат.

Исай 8:14

Би зониие арюудханаб, Иудын, Израилиин хан түрэнүүдтэ бүдэрдэг шулуун, торожо унадаг шулуун мэтэ байхаб. Иерусалимай улад зониие бариха урьха занга мэтэб.

Исай 8:15

Олохон зон бүдэржэ унаха, тэһэ бута унаха. Тэдэ урьха зангада орожо баригдаха.

Ерэмияа 13:16

Харанхы болгохынь урда тээ, бүрэнхы хада ууланууд дээгүүр хүлэйнгөө торохын урда тээ үрдижэ, найдаһан гэгээн гэрэлыетнай Тэрэнэй гүн харанхы, үнэгэнэй төөримэ шэб харанхы болгохынь урда тээ үрдижэ, Эзэндэ, өөрынгөө Бурханда, магтаал соло дуудагты!

Гашуудал 3:6

Намайе харанхы руу оруулаа. Би хадаа хүүр соо байгааша үхэһэн хүн мэтэб.

Гашуудал 4:14

Һохор мэтэ тэдэ үйлсөөр тэнэнэ. Хубсаһа хунартань хэнэйшье хүрэмөөр бэшэ болтороо тэдэ шуһанда зууралданхай.

Эзэкээл 21:15

Тэдэ зоригоо мохожо, бүри олоор алдалан унаха. Сахилгаан мэтэ ялалзаһан, алахаар бэлэн Минии һэлмэ хотын бартаа бүхэндэ хүлеэн байха.

Амоос 8:9

Тиихэдэнь гэгээн сагаан үдэр нарые хиртүүлхэб, үдэрэй тэгэн дунда харанхые газарта буулгахаб!

Михей 3:6

– Таанадта һүниин харанхы бууха, лүндэн табижа шадахагүйт, Таанадые шэб харанхы тойрохо, абарал буулгажа шадахагүйт. Лүндэншэд дээрэхи наран хорон орохо, тэдэнэй оршожо байһан үдэр бүрхэхэ.

Иоанн 12:35

Иисүүс тэдээндэ иигэбэ: – Гэрэл туяагай таанартай хамта байха саг бага үлөө. Шэг балай харанхы таанадые хушаагүйдэ, гэрэл туяагай байһан дээрэнь ябажа ябыт даа. Харанхы соогуур ябадаг хүн хайшаашье ошохоёо мэдэдэггүй бшуу.

Иоанн 12:40

«Бурхан тэдэ хүнүүдые һохор болгоо, ухааень балартуулаа. Тиимэһээ тэдэ нюдөөрөө юумэ харанагүй, ухаагаараа юумэ ойлгоногүй. Тиигээгүй һаа, Намда тэдэ хандаха һэн, Би тэдэниие аргалжа эдэгээхэ һэм».

Хуули дабталга 28:29

Тиихэдэнь һохор хүнэй тэмтэржэ ябадагтал, гэгээн сагаан үдэр дунда тэмтэрэн ябадаг болохот. Зориһон хэрэгтнай урагшагүй, үдэр бүри зон таанадые хашажа харшалжа, дээрмэшэлжэ байха, таанадые абарха хүн олдохогүй.

Иоаннай 1-дэхи хандалга 2:11

Аха дүүдээ дурагүй хүн нүгэлэй харанхы соо ябана, тэрэ хүн хайшаа тэмтэржэ ябаһанаа мэдэнэгүй, яахадааб гэбэл, тэрэ хүниие нүгэлэй харанхы һохор болгоно.