Исай 57:5 - Библи

⁵ Һаглагар модод доро хурисал хэжэ байһандал, шүтөөнүүдтэ мүргэл хэжэ, хадын жалгаар, горхоной хажуугаар үхи хүүгэдээ аладаг бэшэ гүт?

Исай 57:5 Referencias Cruzadas

3 Хаан түрэнүүд 14:23

Үндэр толгой бүхэнэй оройдо, һаглагар модон бүхэн доро тэдэ мүргэлэй обоонуудые, онгонуудые, Ашэраа бурханай хүрэгүүдые байгуулан бариба.

4 Хаан түрэнүүд 17:10

нангин шүтөөнүүдые ба Ашэраагай модон сэргэнүүдые үндэр гүбээнүүд дээрэ, набшаһата модон бүхэн доро табиба.

4 Хаан түрэнүүд 17:7

Израильшууд Египедэй хаан, фараоной дарлалта дороһоо абаржа, үбгэ эсэгэнэрыень Египедһээ гаргаһан Эзэнэй, өөрынгөө Бурханай урда зэмэтэй болобо.

4 Хаан түрэнүүд 23:10

Тэрэ Бэн-Һинноомой хүнхэртэхи Тоопэдтэ Моолох бурханда өөрынгөө хүбүү ба басага галда үгэлгые болюулба.

2 Угай бэшэг 28:3

Һинноом хүндыдэ Ахааз уталгануудые ууюулдаг, Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, хүбүүдээ галда шатаан бурхадта үргэдэг байба.

Египедһээ гаралга 32:6

Хойто үглөөгүүрнь тэдэ түгэс шатаалта үргэл ба амгалан байдалай түлөө үргэл үргэбэ. Һүүлээрнь эдихэ, уухаяа һууба, найрлажа хүхижэ оробо.

Исай 1:29

Сарса мододто мүргэдэг байһанайнгаа түлөө таанад эшэхэт; нангин һөөгүүдые шэлэһэнэйнгээ түлөө таанад нэрээ гутаахат.

Ерэмияа 17:2

Үхибүүдтээ һанаагаа табидагтал, тэдэ үргэлэй шэрээнүүд, Ашэраа бурханай хүрэгүүд, һаглагар модод, үндэр гүбээнүүд, намжаа талаар ербылдэгшэ хаданууд тухай һанаагаа табидаг. Тиимэһээ таанадай, Иудын хан түрын зоной, мүргэлэй обоонуудай түлөө, өөрынгөө бүхы орон нютагаар хэһэн нүгэлэйтнай түлөө танай эд баялигые болон бүхы эрдэни зэндэмэниие дайсадтатнай үгэхэб.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 3:13

Минии урдаһаа нүгэл үйлэдэжэ, зэмэтэй байһанаа, һаглагар модон бүхэн доро янхан эхэнэртэл забхайран, бусад арадуудай шүтөөнүүдтэ мүргэжэ, Минии үгэ дуулаагүй байһанаа гансал мэдэрыт. Энэ болбол Би, Эзэн, айладхана мүн!

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 32:35

Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Ерэмияа 50:38

Газар дайдадань ган гасуур болог! Гол мүрэнүүдынь шэргэг! Вавилоон орон нютаг хадаа аймшагтай шүтөөнүүдэй газар, тэдэнь зониие үбэштэй болгоо.

Ерэмияа 51:7

Бүхы дэлхэйе һогтуулжа байһан, Минии гартахи алтан хундага мэтэ һэн Вавилоон.

Ерэмияа 7:31

Басагад, хүбүүдээ галда шатаахаяа Бэн-Һинноомой хүндыдэ Тоопэт гэжэ нэрэтэй мүргэлэй обоо зохёон тэдэ түхеэрбэ.

Эзэкээл 16:20

Намда зорюулан түрэгшэ үхи хүүгэдээшье ши абажа, тэдэ онгонуудта үргэл болгон үргөөш! Өөрөө намда урбахашни багадаад,

Эзэкээл 20:26

Жэгшүүрилтэй муухай үргэлнүүдые, тэрэ тоодо ууган хүбүүдээ үргэл болгон үргэхые Би тэдээндэ зарлан байгааб. Энэ хадаа тэдээндэ хэһээлтэ ушаруулха, Минии Эзэн байһые тэдээндэ гэршэлхэ ёһотой бэлэйл.

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Эзэкээл 20:31

Онгонуудта бэлэг сэлэг, үнгэрхэдөө, өөрын үхи хүүгэдые үргэжэ, өөһэдыгөө бузарлаад, мүнөө болоходо Минии хүсэл, түсэб мэдэхэеэ һананат. Ямаршье харюу таанадта үгэхэгүйб гэжэ Би, Эзэн Бурхан, амиды мэндэ байһаараа тангариглан соносхоноб.

Эзэкээл 6:13

Алуулһан зоной һэенүүд онгонуудай дунда, үргэлэй шэрээнүүдые тойрон, үндэр гүбээ бүхэн дээрэ, үндэр хада дээрэ, һаглагар модон бүхэн доро, мантан сарса модон доро, онгонуудта үргэл асаржа байгааша газар бүхэндэ хэбтэхэ.

Левит 18:21

Өөрынгөө үри хүүгэдээ Моолохто бү һүгэдүүлэ, өөрынгөө Бурханай нэрэ гутаахаш. Би хадаа Эзэнби.

Тоололго 25:6

Бүхы ударидагшад болон Моисей майхан һүмын үүдэнэй дэргэдэ суглараад голхорон гашуудажа байгаа. Энэ үедэ израиль хүбүүдэй нэгэн мидиан басагые дахуулаад, өөрынгөө гэртэ оруулба.

Хуули дабталга 12:2

Таанадта диилдэһэн тэдэ арадуудай үндэр уула, добо гүбээнүүд дээрэ, алибаа һаглагар модон доро өөһэдынгөө бурхадта мүргэдэг газарнуудыень бүримүһэн үгы хэгты.

Гэршэлгэ 18:3

Юундэб гэхэдэ, ниислэл Вавилоон забхайралайнгаа бузар архяар бүхы арадуудые һогтоогоо, тиин газар дэлхэйн хаашуул тэрээнтэй холбоорилдоо, наймаашад хонжоошодшье үлүүсэ һайн байдалдань дашууран орожо, хэтэртэрээ баяжаа.