Исай 57:3 - Библи

³ Харин таанад, нүгэл хэгшэ зон, наашаа дүтэлэгтылши! Таанад эльбэ жэльбэшэнһээ, һальхай ябадалтайшуулһаа, янхан эхэнэрнүүдһээ дээрэ бэшэт!

Исай 57:3 Referencias Cruzadas

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

Исай 1:21

Хэзээ нэгэтэ үнэн сэхэ байһан ниислэл хото янхан эхэнэртэл мэтэ яагаад болоо гээшэб?! Нэгэ үедэ тэндэ үнэн шударга хэрэгүүд ябуулагдадаг, үнэн зүб оршодог бэлэйл, теэд мүнөө гансал алууршад үлэнхэй.

Исай 1:4

Ай, халаг, таанад нүгэлтэй арад, гэм зэмэтэйт, муу зоной үринэр, муухай хүүгэдта! Эзэниие буруушаажа, Израилиин Нангин Арюуниие орхибот, Тэрээнһээ буруу харабат.

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 48:16

Нам руу дүтэлэгты, юу хэлэхыем шагнагты! Би эхинһээ эхилэн нюуса дуугаржа байгаа бэшэб. Энээнэй эхинһээ хойшо Би тэндэ байлсааб». Мүнөө Эзэн Бурхан Һүлдөө намда шэнгээн, Намайе эльгээгээл!

Исай 57:7

Үндэр, мантан хада уула дээрэ ороо зохёожо, өөдөө гаража, үргэл үргэнэт.

Исай 58:2

Тэдэ үнэн зүбые үйлэдэдэг, Бурханайнгаа хуули мартаагүй үндэһэтэн мэтэ Намда үдэр бүри мүргэдэг. Тэдэ Минии хуули ёһо заабарилхыемни тодон абадаг мэтэ, Намда ехэ дуратайгаар мүргэдэг мэтээр хэлэдэг».

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 3:9

Тэрэ эшэхэеэ мэдэхэгүй, газар нютагые бузарлажа, модо шулуунда мүргэн забхайрба.

Һошээ 1:2

Эзэн Һошээдэ анха түрүүн айладхажа эхилхэдээ, иигэжэ захирһан байна: – Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.

Һошээ 2:4

Үри хүүгэдыеньшье хайрлахагүйб, юуб гэбэл, тэдэ забхай ябадалай үринэр гээшэл.

Һошээ 2:6

Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Матвей 12:34

Ай, хорото могойн түрэлтэн! Таанар хара һанаатайшуул аад, һайн юумэ яажа хэлэхэбта? Ушарынь юуб гэбэл, зүрхэ сэдьхэлдэ байһан юумэн хэлэнэй үзүүртэ гарадаг ха юм.

Матвей 16:4

Харата муухай, забхай оршон үеын зон, гайхамшагта дүлгэ тэмдэг харахаяа һанаба гүт? Теэд Иона лүндэншэтэй ушарһан гайхамшагта дүлгэ тэмдэгһээ ондоо дүлгэ тэмдэг таанадта үгтэхэгүй. Тиигээд Иисүүс тэдэнһээ холодобо.

Матвей 23:33

Могойнууд, хорото могойн таһардаһад! Таанар тамада хаягдаха хэһээлтэһээ яажа хулжархые бодонобта?

Матвей 3:7

Уһанда арюудхуулхаяа олон фарисейнүүдэй, саддукейнэрэй ерэжэ ябахые хараад, Иоанн тэдээндэ иигэжэ хэлэбэ: – Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Лука 3:7

Тиин уһаар арюудхуулхаяа ерэһэн олон зондо Иоанн хэлэбэ: – Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Яковай хандалга 4:4

Бурханда урбагша зон, энэ оршолон дэлхэйдэ дуратай байхадаа таанад Бурханай дайсад болонот гэжэ мэдэнэгүй аалта? Тиин энэ оршолон дэлхэйтэй нүхэсэхэеэ һанабал, Бурханай дайсан болонот.

Иоаннай 1-дэхи хандалга 3:10

Бурханай үхибүүд шолмосой үхибүүд хоёр хоорондоо иимэ илгаатай: үнэн зүб юумэ хэдэггүй хүнүүд, өөрынгөө ахада дурагүй хүнүүд адли – Бурханай бэшэ юм.