Исай 53:10 - Библи

¹⁰ Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Исай 53:10 Referencias Cruzadas

Псалманууд 110:3

Ажал хэрэгынь – һүр жабхалан ба гоё һайхан, ו Ваав зүб шударгань хэтэ мүнхэдөө оршоно. ז Заайин

Псалманууд 149:4

Юуб гэбэл, Эзэн Өөрын арад түмэндэ дуратай, номгон даруу зониие магтана, абарна!

Псалманууд 21:4

Арюун нангинтнай Израильда магтуулан, хан шэрээ дээрээ заларан һуунат.

Псалманууд 72:17

Энэ Бурханай нангин газарта минии оротор үргэлжэлөө. Тиихэдэл тэдэнэй эсэс болохые ойлгоо бэлэйб.

Псалманууд 72:7

Таргалжа нюдэниинь ониигоо, хүсэл түсэбынь хизааргүй.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 46:10

Юун болохыень Би эгээл эхиндэ уридшалан айладхаа бэлэйб. Болоодүй байгаа юумые үни эртэнһээ мэдүүлээб. Минии түсэбүүд заабол бэелүүлэгдэдэг, хэхэеэ һанаһан хэрэгээ Би заатагүй хэдэгби.

Исай 49:4

Иигэжэ бодожо байгааб: «Би дэмы ажал хээб! Өөрын хүсые хооһон юумэндэ гаргашалан һалгааб». Харин үнэн, зүб байһыем гансал Эзэн тодоруулха, ажал хэрэгүүдэйм түлөө Бурхамни намайе шагнаха.

Исай 53:12

Тиимэһээ Би Тэрээндэ агууехэ зоной дунда һууха һуури үршөөхэб, хүсэтэйшүүлтэй хамта Тэрэ олзо хубаалдаха. Тэрэ Өөрынгөө ами наһа хайрлаагүй, Тэрэниие гэмтэн гэжэ тоолоо, олоной нүгэл Өөр дээрээ тээжэ, нүгэлтэй зоной түлөө зууршалан гуйгаа.

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 61:9

Үндэһэ яһатадай дунда тэдэ мэдээжэ болохо. Тэдэниие хараһан хүн бүхэн Эзэнэй юрөөһэн арад түмэн гэжэ ойлгохо».

Исай 66:22

Минии бүтээхэ шэнэ тэнгэри, шэнэ газар хэтэ мүнхэдөө байха гэдэгтэл, таанадай уг удам, нэрэтнай хэтэ мүнхэдөө үлэхэ.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 32:41

Тэдээндэ һайн юумэ хэхэдээ, Би баясадаг байхаб, энэ газар дайдада тэдэниие хододоо байлгахаб.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Михей 7:18

Тандал адли нэгэшье Бурхан байхагүй. Та Өөрынгөө уг залгамжалгын хубида – Өөрын арадһаа амиды мэндэ үлэһэн маанарта нүгэлыемнай хүлисэнэт. Та хэтэ мүнхэдөө уурлажа байдаггүйт, хайрлаха, энэрэл үзүүлхэ дуратайт.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Матвей 3:17

– Энэ Минии хайрата Хүбүүмни гээшэ, сэдьхэлыемни баярлуулна, – гэһэн абяан огторгойһоо дуулдаба.

Лука 1:33

Тиигэжэ Тэрэ Яковай үри һадаһадые хэтын хэтэдэ захирха, Тэрэнэй хаан түрэ хэзээш һүнэхэгүй, – гэжэ Эльгээмэл хэлэбэ.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Иоанн 12:24

Таанарта үнэниие хэлэнэб: шэниисын орооһон газарта унаад хосороогүй һаа, миин лэ гансахан орооһон зандаа үлэхэ, харин тэрэ орооһон хосорходоо, ехэ ургаса асарха.

Иоанн 13:32

Хүн түрэлхитэнэй Хүбүүнэй алдар солонь Бурханай алдар солые элирүүлбэл, Бурханшье Өөрөө Хүн түрэлхитэнэй Хүбүүниие алдаршуулха. Бурхан энээниие мэнэ гэһээр бүтээхэ.

Римэйхиндэ 6:9

Ушарынь юуб гэбэл, Христоос үхөөд амидыруулагдаа, тиигээд дахин үхэхэгүй, юундэб гэбэл, үхэл Тэрээн дээрэ ондоо ямаршье эрхэ засаггүй.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Римэйхиндэ 8:8

Нүгэлтэ мүн шанарайнгаа хүсэлэнгөөр ажамидарһан хүнүүд Бурханда таатай байжа шадахагүй.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Галадуудта 3:13

Дээрэмнай бууха ёһотой байһан Хуулиин хэһээлтэһээ бидэниие Христоос аршалжа, тэрэ хэһээлтые Өөр дээрээ даажа абаа. Тиимэһээ Хуули соо баһа иигэжэ бэшэгдээтэй: «Модондо үлгөөтэй хүн хараалда хүртөө».

Эфесэйхиндэ 1:5

Өөрынгөө һайн дураар, эрхэ хүсэлөөр Иисүүс Христоосоор дамжан бидэниие Өөрын үхибүүд болгохо гэжэ заяагаа.

Эфесэйхиндэ 1:9

зориһон юумээ бүтээгээ, Христоосоор дамжан бүтээхэ гэжэ анханһаа шиидэһэн Өөрынгөө эрхэ мэдэлэй нюусые бидэндэ нээгээ.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Фессалоникиинхидтэ 2-дохи 1:11

Тиимэһээл бидэ таанадай түлөө ходо зальбаржа байдагбди. Зохистой ажамидархынтнай тула Бурхан таанадые дуудаа. Тиин тэрэ ажамидаралые Бурхан таанадта үршөөг лэ. Дэмбэрэлтэй юумэ бүтээхэ гэһэн хүсэлэнгүүдыетнай Бурхан Өөрынгөө хүсөөр бэелүүлэг лэ, этигэлтэйгээр хэжэ байһан хэрэгүүдыетнай эсэстэнь хүргэг лэ.

Еврейнүүдтэ 2:13

Тэрэ үшөө: «Би Тэрээндэ этигэнэб, Тэрээндэл найданаб», «Бурханай Намда даалгаһан үхибүүдтэй Би мүнөө эндэ байнаб», – гэжэ хэлээ.

Еврейнүүдтэ 7:27

Ондоо ахамад санаартадтал адли түрүүн өөрынгөө нүгэлнүүдэй түлөө, һүүлдэнь арад зоной нүгэлнүүдэй түлөө үдэр бүхэн үргэл асарха Тэрээндэ хэрэггүй. Тэрэ нэгэтэ, тиихэдэ хэтын хэтэдэ Өөрыгөө үргэл болгон үргөө.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.

Гэршэлгэ 1:18

Би амидыб; үхөөд байһанаа мүнөө хэтэ мүнхэдөө амиды ябахаб; үхэлэй ба үхэлэй ороной түлхюурнүүдынь Намда бии.