Исай 51:9 - Библи

⁹ Эзэн, һэриит, маанадта туһалыт! Хүсэ шадалаа зангидан, бидэниие абарыт! Эртэ урда сагта, урданай сагта мэтэ һэриит! Тэнгис далайн Рааһаб гэжэ амитаниие сабшан хюдаа, далайн абарга могойе таһа татаа бэлэйт.

Исай 51:9 Referencias Cruzadas

Иоов 26:12

Тэрэ хүсэ шадалаараа далайе номгоруулдаг, Рааһаб шүдхэрые диилэн дарадаг.

Иоов 9:13

Уурлажа эхилээ һаань, номгоруулха арга байхагүй. Рааһаб шүдхэрэй урда һүгэдэгшэд бүгэдэ Тэрэнэй урда сүхэрөө юм.

Псалманууд 21:13

Бухадал адли хүлзэжэ, дайсад намайе тойроол! Башаанай тобир буханууд намайе хүреэлөө.

Псалманууд 44:1

[Дуунай бүлэгые хүтэлбэрилэгшэдэ: «Сараана» гэдэг аялга. Коорахай уг удамай ирагуу үгэнүүд, инаг дуранай дуун.]

Псалманууд 44:2

Гоё һайхан үгэнүүд досоомни дүүрэн байна, дуугаа хаанда зорюулнаб. Минии хэлэн шадамар зохёолшын гуурһан мэтэ.

Псалманууд 59:4

Та газар хүдэлгөөт, хахалаат. Газар доһолоол! Шархыень эдэгээгыт!

Псалманууд 7:6

хойноһоом дайсан намнажа, хүсэг, ами наһыем газарта шэдэн, нэрэ хүндыем шоройдо худхаг лэ!

Псалманууд 77:5

Юуб гэбэл, Тэрэ Яковтай хэлсээ баталжа, Израильда һургаал хуули тогтооһон юм. Тэдэниие үхи хүүгэдтээ заагаарай гэжэ Тэрэ манай үбгэ эсэгэнэртэ захяа бэлэй.

Псалманууд 87:4

Юуб гэхэдэ, сэдьхэлни зоболоноор дүүрэнхэй, ами наһам Үхэлэй орондо ойртоол.

Псалманууд 89:10

Маанадай амидарха хугасаа далан жэл, хүн хүсэ шадалтай байбал, наян жэл. Гэбэшье тэдэнэй эгээл ехэнхинь зоболон, ажал соо үнгэрдэг, энэшье үнгэржэ, бидэ хиидэн ошонобди.

Псалманууд 89:11

Танай уур хилэнгэй хүсые хэн мэдэхэб? Танһаа айхань уур хилэндэтнай адли хүсэтэй.

Псалманууд 93:1

Үһөөгөө абалгын Бурхан болохо Эзэн, үһөөгөө абалгын Бурхан, Өөрыгөө харуулыт!

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Исай 27:1

Тэрэ үдэр зугадагша могой Левиатаниие, мушхардаг могой Левиатаниие – далайн абарга лууе Эзэн асари томо, үхэлтэ һэлмээрээ сабшан хюдаха.

Исай 30:7

Египедэй туһа ямаршье ашагүй, хооһон. Тиимэһээ Би «Аюулгүй Рааһаб» гэжэ Египедые нэрлэнэб.

Исай 51:17

Иерусалим, һэрииш, һэрииш! Бодо! Эзэнэй шамда үгэгшэ уур хилэнгэйнь аягаһаа гашуун хэһээлтын шүлэ уугааш! Шабхаруушье үлээнгүй дууһан уужа, найгалзан байнаш.

Исай 51:5

Минии заларха саг ойртоо, тиигээд Би тэдэниие абархаб. Би Өөрөө үндэһэ яһатадые сүүдлэхэб, алас холын орон нютагууд Минии залархые, тэдэниие абархые ехэ найдан хүлеэнэ.

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Исай 53:1

Зон иигэжэ хэлсэнэ: «Бидэнэй хэлэһэн үгэнүүдтэ хэн этигээ юм? Эзэн Бурханай эршэ хүсэн хэндэ нээгдэн эли болоо юм?

Исай 62:8

Эзэн иимэ шанга шахаа тангариг үргөө бэлэй: «Шинии таряа талхан бэшэ хэзээдэшье дайсадайш хоол хүнэһэн болохогүй, хариин зон шинии үзэмэй дараһан архи уухагүй.

Эзэкээл 29:3

Иигэжэ тэрээндэ хэлэ: Египедэй фараон, голой дунда хэбтэжэ байгша мантан крокодил мэтэш, «энэ Нил мүрэн минии, би тэрэниие өөрөө бүтээгээб» гэжэ хэлэнэш. Харин Би, Эзэн Бурхан, шинии урдаһаа тулахаб!

Михей 7:15

Египедһээ гараад ябахадамнай харуулһан гайхамшагта үзэгдэлнүүдээ бидэндэ харуулыт, Эзэн!

Аввакуум 2:19

Модоной тайрадаһанда хандан «һэри!» гэжэ, дүлии шулуунда «бодо!» гэжэ хэлэдэг хүн абарагдахагүй. Тэдэ яагаад багша боложо шадахаб? Харыт, тэрэ алта мүнгөөр шэмэглэгдэнхэй, теэд ямаршье амисхал тэрээндэ байхагүй.

Аввакуум 3:13

Өөрын арад түмэнэй абарал болон, шэлэжэ тоһолон ёһолһон хаанаа абархын тула Та гаража ерээ бэлэйт. Нүгэлтэй муу арадай удамаршые Та сохижо, дууһан нюсэгэлэн орхинот.

Захарияа 10:11

Бурханай тэдэниие Египедһээ гаргаһан сагтал адли, үндэр уһан хана урдань хажуу тээшээ эбхэрэн зайлажа, зоболонгой далай гаталһан сагай үедэ шэнги Ассириин бардамыень номгоруулан, Египедэй шадал хүсэ буурааха.

Захарияа 2:13

Эзэнэй урда хамаг амитан анираа хатаг! Өөрын нангин үргөөһөө тэрэ гаража байна.

Лука 1:51

Тэрэ агуу хүсэтэ гараа һунган, ехэрхүү һайзгайнарые һарнюулаа.

Иоанн 12:38

«Эзэн аа, бидэнэй хэлэһэн үгэнүүдтэ хэн этигээ юм? Эзэн Бурханай эршэ хүсэ хэндэ нээгдэн элирүүлэгдээ юм?» – гэжэ Исай лүндэншын хэлэһэн үгэнүүд хүсэлдэбэ бшуу.

Хэрэгүүд 7:7

Гэбэшье Би тэрэ дарлагша үндэһэ яһатаниие ехэ шэрүүнээр шиидхэхэб», – гэжэ Бурхан хэлээ. «Һүүлдэ тэрэ һууриһаа нүүгээд, энэ һууринда ерээд, Намда мүргэжэ байха», – гэжэ Бурхан баһа хэлээ.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Гэршэлгэ 11:17

Тэдэ иигэжэ хэлэбэ: – Хододоо байһан, мүнөөшье байгаа Хамагые зонхилогшо Бурхан, Танда баяр баясхалан хүргэнэбди, Та агууехэ һүр хүсэеэ харуулжа, Хаан болобот.

Гэршэлгэ 12:9

Юртэмсэ дэлхэйн бүхы зониие мэхэлжэ хууража байһан шолмос, сатана гэжэ нэрэтэй ехэ үнинэй Могой бологшо луу тэнгэриһээ газарта шэдүүлһэн, тэрээнтэйгээ хамта эльгээмэлнүүдыньшье шэдүүлһэн юм.

Ударидагшад 6:13

Гидоон тэрээндэ иигэжэ хэлэбэ: – Хүлисэгты, минии Эзэн. Хэрбэеэ бидэнтэй Эзэнэй байгаа болбол, юундэ бидэнэр ходол гай тодхорто оронобибди? «Эзэн бидэниие Египедһээ гаргаа» гэжэ бидэнэй үбгэ эсэгэнэрэй хөөрэлдэдэг Тэрэнэй эди шэдинүүдынь хаанаб? Мүнөө Эзэн бидэниие орхижо, мидиануудай гарта үгөөл!