Исай 51:3 - Библи

³ Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 51:3 Referencias Cruzadas

Эхин 13:10

Лоот хараба: Иордан голой нюруу Цооһар хото хүрэтэр үргэлжэ бэлшээри, уһа һайтай, Эзэнэй Эдээм сэсэрлиг мэтэ, Египедэй баян шэмэтэй газар дайда мэтэ һалбаржа байба. Тэрэ үедэ Эзэн Содом болон Гоморро хотонуудые усадхаадүй байгаа.

Псалманууд 85:8

Танда адли Бурхан байхагүй, Тандал адли үйлэ хэрэгүүд байхагүй.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 35:6

Дохолон хүн буга мэтэ собхоржо эхилхэ, хэлэгүй хүн баяртайгаар хашхарха. Уһан элһэн сүл губяар урдаха.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 43:19

Харагты, Би шэнэ зүйл хэхэм. Тэрэ мүнөө бэелүүлэгдэжэ эхилээ, харахадатнай болохо. Мүн Би хээрэ талада зам гаргажа, элһэн сүл губида уһа урдахуулхаб.

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Исай 49:13

Огторгой, баярлан дуула! Газар, баясан хашхара! Ууланууд, бахархан дуулагты! Юуб гэхэдэ, Эзэн Өөрын арад түмэниие номгоруулжа, зобоһон арад түмэнөө хайрлаа.

Исай 49:19

Һандараа, хооһороо газаршни, орон нютагшни дээрмэдүүлэгдээ! Харин мүнөө олон зонһоо боложо уйтан болохо, шамайе мүлжэжэ байгаашад холодон ошохо.

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 51:12

Эзэн иигэжэ айладхана: Таанадай түшэг тулгуубари Би, гансал Би мүн! Юундэ таанад үхэхэ табисууртай, хагдардаг үбһэндэл адли хүнһөө айха болообта?

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 65:18

Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Ерэмияа 31:25

Юуб гэбэл, Би ядаржа эсэһэн зониие хангажа, голхорһон зониие зоригжуулнаб.

Эзэкээл 28:13

Ши диваажанай орондо, Эдээмэй сэсэрлигтэ амидаржа, үнэтэ шулуунуудаар бэеэ шэмэглэдэг һэнши. Рубин, топаз, ошор, берил, оникс, яспис, миндарга, номин, оюун болон алтаар хэгдэһэн зүүдхэлнүүдые үмдэдэг бэлэйш. Түрэһэн үдэршни тэдэ шамда зорюулагдан бүтээгдээ.

Эзэкээл 36:11

Улад зон, адууһа мал олошорхо, үнэржэн үдэн байха. Иигэжэ таанад хаясаанай бэшэ, олон зоной орон нютаг болохот. Би таанадые урданһаа үшөө ехээр үршөөхэб. Тиихэдэм Намайе Эзэн гээд мэдэдэг болохот.

Эзэкээл 36:35

Ханха зайдан, хооһон байһан газар мүнөө Эдээмэй сэсэг мэтэ болоо, һандарһан, хооһорһон, тонуулһан хотонууд бүхэлэгдөө, ажаһуугшадтай болоо гэжэ зон хэлсэхэ.

Ёһээл 2:3

Тэдэ хойноо шатаһан газар үлөөнэ. Ерэхэһээнь урид Эдээмэй сэсэрлиг шэнги байгаа һаа, арадань хооһон губи болодог. Тэдээнһээ тэрьелхэ арга огто үгы.

Пётрой 1-дэхи хандалга 1:8

Тэрэниие хараагүйшье һаа, таанад Тэрээндэ дуратайт; мүнөө Тэрэниие харангүйшье байхадаа, Тэрээндэ этигэнэт. Тиимэһээ таанад үгэнүүдээр дамжуулхын аргагүй, гайхалтай баяраар баясанат,