Исай 5:6 - Библи

⁶ Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Исай 5:6 Referencias Cruzadas

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 8:35

Арад зоной Танай урда нүгэл хэхэдэнь, Та бороо хура эльгэхэеэ болибо гэлэйт. Харин тэдэнэй Һүмэ руу хандан зальбаржа, нэрыетнай дурдан магтажа, хэһээлтэ амсаһан нүгэлөө мэдэрэн гэмшэжэ, Танда зальбаран гуйбалнь,

Иоов 31:40

Тиигэһэн байбални, шэниисын орондо адаалхай үүргэнэ, ешмээнэй орондо хог үбһэн ургуужаг. Иигэжэ Иоов үгэеэ дүүргэбэ.

Һургаал 24:31

Бүхы талмайнь бог үбһэндэ дарагданхай, хаа хаанагүй үүргэнэ ургашанхай, шулуун хашаань унанхай байба.

Исай 24:12

Хото угаа һандараа, бартаануудынь унаад эбдэрээ.

Исай 30:23

Орооһо тариха бүхэндэтнай Эзэн бороо хура эльгэжэ, баян ургаса үршөөхэ. Малтнай һайн бэлшээритэй байха.

Исай 32:10

Ерэхэ жэлдэ таанад зобохо-тулихат. Юуб гэхэдэ, суглуулха үзэм ургахагүй.

Исай 49:19

Һандараа, хооһороо газаршни, орон нютагшни дээрмэдүүлэгдээ! Харин мүнөө олон зонһоо боложо уйтан болохо, шамайе мүлжэжэ байгаашад холодон ошохо.

Исай 55:13

Үргөөһэнэй орондо нарһан, халаахайн орондо мирт ургаха. Энэ болбол Минии, Эзэнэй, алдар солын хэрэг болохо, Минии үйлэ хэрэгүүд тушаа хэтэ мүнхын гэршэ тэмдэг болохо.

Исай 7:19

Дайсад ерэжэ, эзэгүй хооһон хүндыгөөр, хабсагайн хабшуу газараар, үүргэнын һөөгүүдөөр болон бүхы уһатай газарнуудаар буудаллан буужа эзэлхэ.

Ерэмияа 14:1

Эзэн намда ган гасуур тухай иигэжэ хэлэбэ:

Ерэмияа 14:22

Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Ерэмияа 25:11

Энэ бүхэли орон нютаг һандаргагдан орхигдожо, аймшагтай юумэн байха, хүршэ арадууд Вавилооной хаанда далан жэлэй туршада алба хэхэ.

Ерэмияа 45:4

Харин Би, Эзэн, байгуулһанаа һандаргаахаб, һуурижуулһанаа татан хаяхаб! Бүхы газарта иимээр хандахаб!

Гашуудал 2:6

Тэрэ сэсэрлигтэхи үбһэн майхан мэтээр Өөрын үргөөе һалгаа, суглаанай газараа һандаргаа. Эзэн Сиондо һайндэрнүүдые болон амаралтын үдэрнүүдые мартуулаа, уурлан, хааниие болон санаартаниие буруушаагаа.

Һошээ 3:4

Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Һошээ 9:6

Аюул боложо, арад зоной тэрьедэн гүйхэдэ, Египедэй зон тэдэниие суглуулаад, Мээмпис хүдөөлүүлхэ! Үнэтэ мүнгэн хэрэгсэлнүүдынь болон гэрнүүдынь адаалхай һөөгүүдээр дүүрэн ургашанхай, хаясаанай болоод байха.

Ёһээл 1:7

Тэдэ минии уһан үзэмэй һөөгүүдые һүйдхэжэ, удамбар жэмэсэй модонуудые һалгааба. Холтоһыень хуулаһан нюсэгэн мүшэрнүүд сайран харагдана.

Амоос 4:7

Үшөө гэбэл, ургаса хуряаха үе саг болотор гурбан һарын үлөөд байхада Би таанарһаа бороо татаад байгааб. Нэгэ хото руу бороо ябуулжа, нүгөө хото руунь бороо ябуулангүй байгааб. Нэгэ газарта бороо орожо байхада, нүгөө газарта бороо оронгүй, хатаа бэлэй.

Лука 21:24

Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Хуули дабталга 29:23

«Бүхы газар хүхэр ба дабһан, гал дүлэн. Үрэһэ хүрэнгэ тарихын, юумэ ургуулхын аргагүй. Содом, Гоморро, Адмаа, Цэбоһиим хотонуудые уур сухал дундаа Эзэнэй хюдаһанай һүүлээр мэтэ ямаршье ногоон тэрээн дээрэ урганагүйл».

Гэршэлгэ 11:6

Тэдэ хоёрой Бурханай үгэ айладхажа байха бүхы үдэрнүүдтэнь хура бороогой орохогүйн тула тэдэндэ огторгойе хаажархиха эрхэ засаг үгтэхэ; уһа мүрэнүүдые шуһан болгожорхихо, газар дэлхэйдэ өөһэдынгөө дура зоргоор гай аюул тохёолдуулха эрхэ засаг үгтэхэ.