Исай 5:26 - Библи

²⁶ Эзэн алас холын үндэһэ яһатаниие урижа, туг үргэхэ, газар дэлхэйн захаһаа ерэхыень тэдээндэ эшхэрхэ. Харыт, тиихэдэнь тэдэ шуумар түргэн ерэхэл!

Исай 5:26 Referencias Cruzadas

Псалманууд 60:4

Та минии хорохо газар, дайсанһаа хамгаалха бүхэлэлтэ мүн.

Псалманууд 72:8

Тэдэ баһажа, гүжэр үгэ тараадаг, бардамлан дуугардаг.

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 13:2

Нюсэгэн толгой дээрэ туг бодхоон намилзуулагты! Сэрэгшэд руу хашхаран захиралта үгэгты! Омог бардам хотын бартаануудта добтолон орохо тухай дохёо тэмдэг үгэн, гараараа зангагты!

Исай 13:3

Эзэн хадаа Өөрын гэгээнүүдтэ захираа. Уур хилэнгынь орьёлжо, илалтануудтань баясадаг баатарнуудаа Тэрэ дуудаа.

Исай 13:4

Хада уулануудаар олон зоной хүл үймөөн мэтэ ехэ шууяан дуулдана. Энэ болбол хан түрэнүүд хүнхинэнэ, үндэһэ яһатад хамта сугларна: Түмэн Сэрэгтэ Эзэн сэрэгээ дайнда дуудана!

Исай 13:5

Тэрэ сэрэгынь алас холын орон нютагуудһаа, тэнгэриин хирхагһаа ерэнэ. Бүхэли орон нютаг һалгааха гэжэ Эзэн уур хилэнсэглэн ерэжэ байнал.

Исай 18:3

Юртэмсын улад зон, газар дэлхэй дээрэ ажаһуугша бүгэдэ зон! Гүбээнүүд дээрэ дохёо тэмдэг туг үргэгдэхэ, харахат! Бүреэгэй дуу шагнахат!

Исай 30:16

Энээнэй орондо таанад дайсадһаа тэрьедэхэеэ, хурдан морёор гүйлгэхэеэ һананат. Моримнай хурдан гэжэ һанахадатнай танһаа хурдан моритой дайсад байхал.

Исай 31:9

Ехэ айн-һүрдэн, тэдэнэй хэрэм бутаран унаха, ударидагшадынь зугадаха, байлдаанай тугһаа айха. Энэ болбол Иерусалимда тахилгатай, Сион дээрэ үргэлэй галтай Эзэн тунхаглаа мүн!

Исай 39:3

Лүндэншэ Исай Хэзэкияада ерэжэ асууба: – Эдэ зон хаанаһаа зорижо ерээб? Юун гэжэ хэлэнэб? – Тэдэ алас холын Вавилоон оронһоо ерээ, – гэжэ Хэзэкияа харюусаба.

Исай 7:18

Тэрэ сагай тохёолдоходо, Нилэй эгээл холо углуу тохойһоо аляаһад мэтэ ниидэн ерэхыень Египедэй сэрэгтэ, зүгы мэтэ бөөгнэрэн ерэхыень Ассириин сэрэгтэ Эзэн эшхэрэн, дохёо тэмдэг үгэхэ.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 5:15

Израилиин улад зон, үзөөрэйгты, Эзэн алас холоһоо танда добтолхыень нэгэ үндэһэ яһатаниие асаржа байна. Тэрэ хадаа тэсэмгэй шэрхи ба эртэ урдын үндэһэ яһатан. Тэдэнэй хэлэ мэдэхэгүйт, юу хэлэжэ байһыень ойлгохогүйт.

Ерэмияа 51:27

Добтолхо тухай тэмдэг үгэгты! Үндэһэ яһатадай бултадаа дуулахаар бүреэ үлеэгты! Вавилооной урдаһаа дайлалдахаар арадуудые зэһүүлэгты! Арараат, Миннии болон Ашхэнааз хаан түрэнүүдые тэрээндэ добтолхыень дуудагты! Байлдаае ударидаха жанжиниие томилогты! Үй түмэн таршаа шумуул мэтээр олон моридые бодхоогты!

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Эзэкээл 38:17

Эзэн Гоогто айладхаба: «Үни урда сагта лүндэншэдөө эльгээжэ, добтолхоо зэһээд байһан дайсад тушаа Израилиин арад түмэниие һэргылхыень даагша һэм. Гоог, ши хадаа тэрэ дайсан гээшэш.

Ёһээл 2:7

Тэдэ хүсэтэ эрэшүүл мэтэ түргэн гүйлдэн, сэрэгшэд мэтэ хана өөдэ абирдаг. Шуумгай түргэн урагшаа дабхидаг, хэнииньшье өөрын замһаа хадуурдаггүй.

Аввакуум 1:8

Хүлэгүүдынь ирбэсһээ хурдан, үдэшэ гарадаг үлэн шоноһоошье түргэн. Мори унаһан сэрэгынь алас холоһоо гүйдэлөөрөө ерэжэ байна, олзо руугаа шуумайгша бүргэд мэтэ ниидэн ерэнэ.

Захарияа 10:8

«Би тэдээндэ дохёо үгэжэ, нэгэ газарта суглуулхаб, юундэб гэхэдэ, тэдэниие түлөөһөөр бусаагааб. Тэдэ урданайхи шэнги тоо томшогүй олон болохо.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.