Исай 5:25 - Библи

²⁵ Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 5:25 Referencias Cruzadas

3 Хаан түрэнүүд 14:11

Еробоһаамай гэр бүлын хэн нэгэнэй хото дотор наһа барабал, тэрэниие нохойнууд таһа татан эдихэ, хээрэ хэн нэгэнэйнь үхэбэл, огторгойн жэгүүртэн тэрэниие тоншожо эдихэ. Юуб гэбэл, иигэжэ Би, Эзэн, айладаа мүн!»

3 Хаан түрэнүүд 16:4

Гэр бүлыншни хэн нэгэн хото соо наһа бараа һаа, нохойнуудта һэень эдюулэгдэхэ; хэн хүдөө үхэбэл, огторгойн жэгүүртэндэ тоншуулан үгы хэгдэхэ».

3 Хаан түрэнүүд 21:24

Ахаабай гэр бүлын хэн нэгэн хото соо үхэбэл, нохойнуудта һэень эдюулэгдэхэ; хэн нэгэниинь талада үхэбэл, огторгойн жэгүүртэндэ тоншуулан һалаха.

4 Хаан түрэнүүд 13:3

Тиихэдэнь Эзэн Израильда сухалдаад, тэрэниие Араамай хаан Хазаһээлэй ба Хазаһээлэй хүбүүн Бэн-Һадаадай гарта удаанаар үгэбэ.

4 Хаан түрэнүүд 9:37

Таряалан үтэгжүүлэгшэ мэтээр, тэрэнэй үлэгдэлнүүд Езрээл шадар тараан хаягдаха! Изээбэл эндэ байна гэжэ толгойдоо хэншье оруулхагүй!»

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Иоов 9:13

Уурлажа эхилээ һаань, номгоруулха арга байхагүй. Рааһаб шүдхэрэй урда һүгэдэгшэд бүгэдэ Тэрэнэй урда сүхэрөө юм.

Псалманууд 106:40

Түшэмэлнүүдые эшхэбтэр байдалда оруулна, сүл губи руу абаашана, замһаань хадууруулна.

Псалманууд 114:7

Эрьежэ, амгалан тайбан боло даа, Юуб гэхэдэ, Эзэн шамайе үршөөгөө.

Псалманууд 18:7

Мандахань тэнгэриин нэгэ захаһаа, тойрохонь нүгөө заха хүрэтэр, халуунһаань хорохо арга байхагүй.

Псалманууд 68:8

Юуб гэбэл, би Танай түлөө шэбшэг муухай байдал тэсэн байнаб, нюурыем эшэгүүр бүглөөд байна.

Псалманууд 77:18

Эдеэ хоол эрин, Бурханиие туршахаа һанаа.

Псалманууд 83:10

Маанадта аршалагша бамбай болоһон Бурхан! Өөрын шэлэһэн хүниие харыт, анхарыт.

Египедһээ гаралга 7:19

Эзэн Моисейдэ айладаба: – Дулдыгаа Египедэй бүхы уһан дээрэ – гол мүрэн, һэдэһэ, тэдэнэй һалаа, нуур, сөөрэмүүд дээрэ дэлгэн дэехэш гэжэ Аһароондо хэлэ, уһаниинь шуһан болохо. Бүхы Египедэй газар дайдаар – модон дээрэ, шулуун дээрэ – шуһан бии болохо.

Исай 10:4

Алуулхат, үгышье һаа, баряанда абтахат. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байха.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 14:19

Харин ши ямаршье булашагүйш, шарлаһан мүшэр мэтэ хаяатайш. Үхэгшэдэй дунда хэбтэнэш, һэлмээр сабшагдаһан зоной дунда. Ши шулуун нүхэн руу хаюулбаш. Хүүршни хүлдэ гэшхэгдэхэ.

Исай 23:11

Эзэн гараа далай дээгүүр һунгажа, хаан түрэнүүдые доһолгобо. Ханаһаанай хэрэмүүд һандараг гэжэ Тэрэ зарлиг буулгаба.

Исай 25:11

Уһанда тамаржа байһан хүндэл адли тэдэ гараа һарбайха, теэд Эзэн тэдэниие доромжолхо, тиихэдэнь гарнуудынь һал унашахал.

Исай 29:2

Харин Бурхан «Бурханай үргэлэй шэрээ» гэдэг хотодо гай тодхор татаха ёһоороол татаха. Тэндэ уй гашуудал, шаналал болохо, шуһаар дүүрэнхэй үргэлэй шэрээдэл адли энэ хото болохо.

Исай 42:25

Тиимэһээ Тэрэ Өөрын уур хилэнгэй шангые, хатуу дайе маанад дээрэ тохоо. Израиль дотор хаа-хаанагүй уур хилэнгэйнь түймэр мэтэ бушаганаашье хадань, бидэ ойлгоогүйбди, мэдэрээгүйбди».

Исай 51:20

Урьхада ороһон зээрэн мэтэ, гудамжын уулзуур бүхэндэ улад зоншни хүсөө баранхай хэбтэнэ. Эзэнэй уур хилэнгые тэдэ дүүрэн амасаа, Бурханайшни шангархань аймшагтай!

Исай 64:3

Манай хүлеэгөөгүй үйлэ хэрэгүүдые Та хэзээ нэгэтэ хээ бэлэйт. Уруудан буухадатнай, хада ууланууд энээниие хаража, айн шэшэрээ һэн.

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Исай 66:24

Гэртээ харихаяа гаража байхадаа тэдэ Минии урдаһаа эсэргүүсэһэн зоной хүүрнүүдые хараха. Тэдэниие эдигшэ хорхойнууд хэзээдэшье үхэхэгүй, тэдэниие шатаагша гал дүлэн хэзээдэшье унтархагүй. Бүхы зон жэрхэн, эдээниие харан байха».

Исай 9:11

Тэдээндэ добтолон орохыень Эзэн дайсадыень, Рэцииниие, дуудан зэбсэгжүүлээ.

Исай 9:16

Удамаршадынь зоноо төөрюулхэ, гээгдэхүүлхэ.

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Исай 9:20

Зон орон дотороо бүхы юумэ эдихэ, гэбэшье садахагүй. Тэдэ өөһэдынгөө гарыешье мэрэхэл!

Исай 9:21

Мэнашшээ обогой зон Эпрааимай обогто добтолхо, хамтаран, тэдэ Иудын хан түрэдэ добтолхо. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байхал.

Ерэмияа 15:3

Би, Эзэн, тэдээндэ дүрбэн янзын гай тодхор ушаруулхаб: тэдэ дайнда алуулагдаха, һэеыень нохойнууд шэрэхэ, огторгойн шубууд болон газарай арьяатан тэдэниие хүнэһэлжэ һалгааха.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 17:4

Минии үршөөһэн газар нютагые таанад өөрынгөө мууһаа боложо гээхэт. Мэдэхэ-танихагүй нютагтатнай Би таанадые дайсадтатнай богоол болгон үгэхэб. Юуб гэхэдэ, таанад Намайе угаа сухалдуулаат, уур хилэмни гал мэтэ бушаганаа, хэтэ мүнхэдөө тэрэ носохол!

Ерэмияа 4:24

Хада уула руу харахадам, доһолжо-шэшэржэ байба. Мүн бүхы добо толгойнууд урагша-хойшоо хүдэлжэ байба.

Ерэмияа 4:8

Тиимэһээ гашуудалай хубсаһа үмдэжэ, гашуудан шангаар уйлагты. Юуб гэбэл, Эзэнэй шэрүүн уур хилэн таанадһаа эрьен-зайлан байхагүй.

Ерэмияа 6:12

Тэдэнэй гэрнүүд, таряалангууд болон һамгадынь ондоо зондо үгтэхэ. Юуб гэхэдэ, Би энэ орон нютагай ажаһуугшадые хэһээхэ һанаатайб.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Ерэмияа 9:22

Зоной һэе хүүрнүүд задагай талмайнууд дээрэ шэбхэ мэтэ хэбтэхэ, таряа хадагшын һүүлээр хэнэйшье суглуулхагүй таряанай боолтонууд мэтэ. Эдэ үгэнүүдые минии соносхохые Эзэн захираа».

Гашуудал 5:22

Али Та маанадһаа эсэслэн татагалзажа, маанадта хэмгүй ехээр уурлаа гээшэ гүт?!

Эзэкээл 15:6

Энэ болбол Эзэн Бурханай айладхал үгэнүүд: – Ой сооһоо үзэмэй модо абажа, галда шатааһандал, Иерусалимай улад зониие абажа, гал руу хаяхаб!

Эзэкээл 6:14

Иигэжэ Би тэдээн руу хүрэжэ, орон нютагыень һандаргахаб. Урда зүгэй сүл губиһаа хойто зүгтэхи Риблаа хото хүрэтэр газарые хооһон ханха зайдан болгохоб, Израилиин улад зоной ажаһуугша ямаршье газарые иимэ болгохоб. Иигэжэ хүн бүхэн Намайе Эзэн гээд ойлгон мэдэрхэ.

Даниил 9:16

Эзэмнай! Та зүбта, гэбэшье уур сухалаа, хилэнгээ Иерусалим хотоһоо, нангин хада уулаһаа зайлуулыт. Манай болон үбгэ эсэгэнэрэймнай гэм зэмэй түлөө Иерусалим ба Танай арад түмэн тойроод байгааша арадуудта баһуулна.

Һошээ 14:4

Ассири маанадые абархагүй, дайнай моридто һуугаашье һаа, абарагдахагүйбди. Манай бурхад гэжэ онгонуудые бэшэ нэрлэхэгүйбди. Эзэмнай! Үншэн хэнзэ маанартаа энэрэл хайраяа бэлэглыт!»

Амоос 8:8

Иихэдэнь газар яагаад доһолхогүйб даа?! Бүхы зониинь гашуудан байхал! Эрьеһээ халиһан Нил мүрэн мэтэ газар дээшээ хэлбэлзээд, Египедэй Нилдэл адли һөөргөө номгорхо.

Михей 1:4

Галһаа зулын тоһоной хайладагтал, хаданууд Тэрээн доро хайлахал. Эгсэ газарһаа унадаг уһандал, нюруу хүндынүүд үгы болохол.

Наум 1:5

Хаданууд урдань шэшэрдэг, гүбээнүүд үгы болошодог. Газар дэлхэй Тэрэнэй урда доһолдог, оршолон юртэмсэ ба досоонь оршон ажаһуугшад бултадаа шэшэрэлдэдэг.

Аввакуум 3:10

Хада ууланууд Таниие хараад, доһолон шэшэрбэ, аадар бороо адхарба. Газарай гүнэй уһан шууяжа, долгидынь үндэртэ хүрэн шааяба.

Цэпаанияа 1:17

Эзэн иигэжэ айладана: «Зониие хашан зобооходом, тэдэ һохор мэтэ тэмтэрэн ябадаг болохо. Тэдэ Минии урдаһаа нүгэл хээ, тиимэһээ шуһаниинь уһан мэтэ адхагдаха, үхэһэн бэень шабааһан мэтэ шобторогдохо».

Хуули дабталга 31:17

Тиихэдэнь тэрэ дары Минии уур сухал бужаганажа, Би тэдэниие орхихоб, тэдээндэ туһалхаяа болихоб. Тэдэнэр һалаха тээшээ болохо, элдэб олон гай тодхор дээрэнь бууха. Тиихэдэнь тэдэ иигэжэ хэлэхэ: «Бурханаймнай маанадтай байгаагүйһөө боложо, энэ муу юумэн бидэниие дайраа бэшэ гү?»

Хуули дабталга 31:18

Ондоо бурхадта мүргэһэнэйнь түлөө, хэһэн бүхы муу муухай юумэнэйнь түлөө Би тэрэ үедэ тэдээндэ туһалхаяа эрид арсахаб.

Фессалоникиинхидтэ 1-дэхи 2:16

Бусад арадуудай абарагдахын тулада Бурханай үгэ номноходомнай тэдэ баһал һаалта хэнэ. Тиигэжэ Иудейн зон хэһэн нүгэлнүүдэй хүсэлдүүлбэ. Одоол мүнөө Бурхан тэдэниие хэһээхэнь даа.

Гэршэлгэ 20:11

Тиигээд би сагаан үнгэтэй асари томо хаан шэрээе, тэрэ шэрээ дээрэ Һуугшые харабаб. Шэрээдэ Һуугшын байһан ушарһаа газар тэнгэри хоёр тэрьелэн далда орошобо: тэрэ хоёрой һууха һуури байгаагүй.