Исай 49:8 - Библи

⁸ Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 49:8 Referencias Cruzadas

2 Хаан түрэнүүд 7:13

Тэрэ Намда ордон бодхоохо, Би тэрэнэй уг удамда хаан шэрээ хэтэ мүнхэдөө эзэлүүлхэб.

Псалманууд 2:8

Намһаа гуй! Би үндэһэ арадуудые шинии мэдэлэй болгохоб, дэлхэйе заха хизаартайньшье шинии болгохоб.

Псалманууд 75:3

Шалээмдэ майхангынь бии, Сиондо байрань оршодог.

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 27:3

Би тэрэниие харууһалжа, таһалгаряагүй уһалжа байнаб. Хэншье тэрэниие бү гэмтээг гэһэндээ Би тэрэниие үдэр, һүнигүй харууһалнаб.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 42:6

Би, Эзэн, шамайе дуудажа, үнэн шударга байдал тогтоохо арга шадал шамда үршөөгөөб. Шамайе гарһааш барижа, шамайе аршалнаб! Шинии аргаар арад түмэнтэй хэлсээ баталхаб, шамаар дамжуулан, үндэһэ яһатадта гэрэл асархаб.

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Исай 49:19

Һандараа, хооһороо газаршни, орон нютагшни дээрмэдүүлэгдээ! Харин мүнөө олон зонһоо боложо уйтан болохо, шамайе мүлжэжэ байгаашад холодон ошохо.

Исай 51:16

Таанадта Өөрынгөө һургаал дамжуулааб, гараараа таанадые халхалан аршалааб. Би огторгойе татажа, газарай һуури табин, Сиондо «Таанад Минии арад түмэн гээшэт!» гэжэ айладхааб.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 55:6

Эзэндээ эрьен мүргэгты, мүнөө Тэрэ таанадай ойрохоно.

Исай 57:13

Орилжо байхадатнай шүтөөнүүд таанадта туһалаг лэ! Һалхин тэдэниие бултыень хиидхүүлхэ. Харин Намда этигэгшэд газар дэлхэйе эзэмдэхэ, Минии нангин уулые эзэлэн байха юм».

Исай 58:12

Танай зон эртэ урдын сагта һандарһан хотонуудые һэргээхэ, урданай сагай һандарһан гэрнүүдые дахин бодхоохо. Сүмэрһэн хана заһабарилагша, ажаһуудалай гудамжануудые һэргээгшэ гээд тэдэниие нэрлэдэг болохо».

Исай 58:5

Өөрыгөө зобоожо, толгойгоо гунхуулан, үнэһэн дээрэ хэбтэжэ, таар үмдэхэдэтнай Би сэдьхэлээ хананги байха аалби? Энээниие масаг барилга гээд нэрлэмээр гү?

Исай 61:2

Эзэнэй Өөрынгөө арад түмэниие абарха, дайсадыень һүнөөхэ таарамжатай сагай ерэһэн тушаа минии тунхаглахые, гашуудан уйлагшадые аргадахыемни Тэрэ эльгээгээ.

Исай 61:4

Тэдэ зон эртэ урда сагта һандарһан хотонуудые һэргээн бодхоохо.

Исай 65:9

Яковта үри үршөөхэб. Иудын уг удамынь хадалиг Минии орон нютагые үеһөө үедэ эзэлэн байха. Намда мүргэдэг зон тэндэ ажаһууха.

Матвей 26:28

Энэ болбол олон хүнүүдэй нүгэл шэбэлнүүдые хүлисүүлхын тулада адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Коринфынхидтэ 2-дохи 6:2

«Таарамжатай сагай ерэхэдэ, Би шамайе дуулаа хүм, абарха үдэрэй ерэхэдэ, Би шамда туһалаа хүм», – гэжэ Бурхан хэлээ. Эгээл тэрэ саг болзор болобо, шамайе абарха тэрэ үдэр ерэбэ.

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Еврейнүүдтэ 12:24

Таанад Аабэлэй сасаһан шуһанда орходоо бүри һайн юумэнүүдые үгэхөөр найдуулан Шэнэ Хэлсээе баталһан Иисүүсэй сасагдаһан шуһанда ерээт.

Еврейнүүдтэ 5:7

Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.

Еврейнүүдтэ 8:6

Үлүү һайн найдуулга дээрэ үндэһэлһэн Бурханай болон Тэрэнэй хүнүүдэй хоорондохи Иисүүсээр дамжаһан хэлсээн хэды ехэ һайн гээшэб. Тон тиигэжэл Иисүүстэ мүнөө тэдэ санаартадта орходоо бүри эрхим түгэс албан тушаал үгтөө.