Исай 49:7 - Библи

⁷ Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Исай 49:7 Referencias Cruzadas

Эхин 27:29

Дэлхэйн олон арадууд шамда ажал хэхэнь, урдашни мүргэн һүгэдэхэнь болтогой! Тэрээнһээ гадна аха дүүгээ, түрэл саданаа ши захадан зонхилжо, үри һадаһадшни үеһөө үедэ тэдээндэ хүндэлүүлжэ байхань болтогой! Шамай хараагшадта өөһэдтэнь хараалынь шэнгэг, шамай үреэгшэд өөһэдөө үреэлдэ хүртэг!

Псалманууд 47:9

Маанадай соносогшо юумэн Түмэн Сэрэгтэ Эзэнэй хото соо, бидэнэй Бурханай хото соо, үнэн! Бурхан тэрэ хотые хэтэ мүнхэдөө байгуулаа.

Псалманууд 68:31

Бурханай нэрые дуугаар магтахаб, үгэ хэлэн, Тэрэниие үргэмжэлхэб.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 19:21

Эзэн Өөрыгөө Египедтэ мэдүүлэн харуулжа, тэдэ Бурханиие мэдэдэг боложо, зальбаржа, малаар үргэл, мүн талха таряанай үргэл үргэжэ, шахаа тангаригуудые үгэжэ, саашадаа бэелүүлдэг байха.

Исай 19:23

Тэрэ сагай ерэхэдэ, Египедһээ Ассири хүрэтэр дардам харгы бии боложо, Ассириин зон Египет руу, Египедэй улад Ассири руу ябадаг болохо, тэдэ хамтадаа Эзэндэ мүргэдэг байхал.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 48:17

Израилиин Арюун Эзэн Бурхан, таанадай Абарагша, иигэжэ айладхана: Би болбол танай Эзэн Бурхан гээшэб. Би таанадые аша туһатай юумэндэ һурганаб, ябаха ёһотой замаартнай ударидан байнаб.

Исай 48:7

Мүнөөл энэ юумэн болоо, урда тээнь иимэ юумэн байгаагүй. Тэрэнэй тохёолдоһон һаань, таанад энээн тушаа мэдээ һэмди гэжэ хэлэхэ байгаат.

Исай 49:1

Алас холуур ажаһуудаг арадууд, холын олтирогуудай ажаһуугшад, намайе шагныта! Эхын умай соо бүрилдэхэтэйм хамта Эзэн намайе шэлэжэ, Өөрын барлаг болгоо.

Исай 49:23

Тэдэнэй хаашуул эсэгэ мэтээр, хатануудынь эхэнүүд мэтээр шамда хандажа, урдашни доро дохин байха. Тиихэдэнь Намайе Эзэн гэжэ мэдэдэг болохош, Намһаа туһа эригшэд заабол туһадам хүртэхэ».

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 50:6

Намайе сохигшодто нюргаа табижа үгөөб, доромжолходонь, тэдэниие болюулаагүйб, һахалыемни зулгаагша хүндэ хасараа табяад үгөөб, нёлбоходонь, нюураа халхалаагүйб.

Исай 52:15

Харин мүнөө олон үндэһэ яһатад Тэрэниие харахадаа гайхаха, хаашуул абяа шэмээгүй гэлын-гайхан байха. Тэдэ хараагүй юумэеэ мүнөө хараха, мэдээгүй юумэеэ мэдэжэ абаха».

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Исай 60:10

Эзэн Иерусалимда иигэжэ хандана: Хариин зон хана хэрэмыеш бодхоохо, хаашуулынь шамда алба хэхэ. Уур дундаа Би шамайе хэһээгээ һэм, харин мүнөө шамда үршөөл хайраяа элирхэйлхэб.

Исай 60:16

Эхын нарай нялхаяа хүхөөрөө тэдхэдэгтэл, үндэһэ яһатад шамайе тэдхэн байха, хаашуулынь тэдхэгшэдшни болохо. Иигэжэ Минии, Эзэнэй, таанадай Абарагша, Яковай Хүсэтэ Бурхан байһые мэдэхэш.

Исай 60:3

Үндэһэ яһатад шинии гэрэл руу, хаашуул шинии мандажа байгаа туяа руу ерэхэ.

Исай 66:23

Һара бүхэндэ, амаралтын үдэр бүхэндэ бүхы арадууд Намда мүргэхэеэ Иерусалим руу ерэдэг байха.

Захарияа 11:8

Би нэгэ һарын туршада гурбан хонишодые үлдэбэб. Ушарынь хадаа тэдэниие тэсэжэ байха Минии тэсэбэри дууһаа бэлэй, тэдэшье үзэн ядадаг болобо.

Матвей 20:28

Хүн түрэлхитэнэй Хүбүүн хүнүүдые зарахаяа ерээ бэшэ, харин бусад уладта алба хэхэеэ, мүн үнэтэ ами наһанайнгаа сэнгээр олон хүнүүдые абархаяа ерээ, – гэбэ.

Матвей 26:67

Тиигээд тэдэнэр Иисүүсэй нюур руунь нёлбобо, нюдаргаараа сохибо, зариман Тэрэнэй хасарые альгадажа байгаад:

Лука 22:27

Хүнүүд хэниие дээгүүр гэжэ тоолодог бэ, хоол барижа байһан хүниие гү, али тэрээндэ заруулжа байһан хүниие гү? Хоол барижа байһан хүниие шухала гэжэ бододог бэзэ даа! Харин Би танай дунда зарасада мэтэ байнаб.

Лука 23:18

Теэд бүхы зон: – Энээниие саазалагты, харин Бараббаае бидэндэ табигты! – гэжэ хашхаралдаба.

Лука 23:23

Гэбэшье тэндэ байһан зон Иисүүсые хэрээһэндэ хадажа алаха ёһотой гэһэн эрилтэ табижа, шангаар хашхаралдаба. Саашадаа тэдэнэй хашхаралдаан улам шангадажа байба.

Лука 23:35

Арад зоной хаража байтар еврейнүүдэй ноёд: – Бурханай табисуурта юм һаа, бусадые абарһандаал адли Өөрыгөө абарыт! – гэжэ доромжолон хэлэбэ.

Иоанн 18:40

– Үгы! Тэрээниие бэшэ! Бараббаае бидэндэ таби! – гээд тэдэнь хашхаралдаба. Харин Бараббаа гэдэгынь үймүүлэгшэ байгаа.

Иоанн 19:15

– Үгы болог! Тонилог саашаа! Энээниие саазала! – гэжэ тэдэнь хашхаралдаба. – Таанарай Хааниие саазалхамни гү? – гэжэ Пилат асууба. – Римэй хаанһаа бэшэ ондоо хаан маанадта байхагүй! – гэжэ түрүү санаартан харюусаба.

Иоанн 19:6

Теэд түрүү санаартан, харуулшад Иисүүсые хараад: – Хэрээһэндэ хада, хэрээһэндэ хада! – гэжэ хашхаралдаба. – Өөһэдөө барижа, хэрээһэндэ хадагты! Би зэмэлхэ юумэ олоногүйб, – гэжэ Пилат хэлэбэ.

Коринфынхидтэ 1-дэхи 1:9

Өөрынгөө Хүбүүтэй, манай Эзэн Иисүүс Христоостой харилсахаар таанадые дуудаһан Бурхан найдабаритай юм.

Хуули дабталга 7:9

Зай, мэдэжэ байгты: Эзэн Бурхантнай үнэхөөрөө Бурхан, найдамтай Бурхан юм. Өөртэнь дуратай, мүн захяа заабаринуудыень жэншэдгүй сахигшадта үршөөл хайраяа Тэрэ мянган үе хүрэтэр бэлэглэдэг, баталһан хэлсээгээ сахижа байдаг.

Пётрой 1-дэхи хандалга 2:4

Хүнүүдэй голоһон, зүгөөр Бурханай шэлэжэ абаһан, Бурханай нюдэндэ үнэтэй сэнтэй байдаг амиды шулуунда – Эзэндэ – ерэгты.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 3:7

Филадельфиин һүзэглэгшэдэй бүлгэмэй түлөөлэгшэдэ бэшээрэй: «Нээгээ һаа, хэнэйшье хаажа шадахагүй, хаагаа һаа, хэнэйшье нээжэ шадахагүй Давидай оньһон түлхюуртэй Нангин Үнэн сэдьхэлтэн иигэжэ хэлэнэ: